أخو دمّي گفلاتك كلها فلته
وإذا ما جاز لك هالبيت فلته
على امْـعاديك غاز التفر فلته
وإذا تحتاجني سو رنـّـة ليّه

روينه اثـنينـّـه من نيل مانه
فإن وصّيتك لتگول مانه
وصدّگني إذا تعصيني مانه ..
چافس ركبة حگ أكتب بوذية

على جيدك رصفت ألماس عقدي
معاك ابصفقتك وقـّـعت عقدي
وعقدك لوهو عمره مثل عقدي
نخلّي الدنيا لينه اتطگ تحيّة

يبوذيَّات فدوى الغالي روحي
توأم گلبي او نفسي أو روحي
أولولاه آنه مستوحش بروحي
أظِل" ابدون" ماعندي هوية

من غمده الأبوذيَّات سلها
ولاواحد اتحچّى وگام سلها
يصوت الصمت بوذِيَّتي سلها
أو ودها النينة تتگشَّت اشويه

يتوأم روحي يا أهلي أو مالي
مالي غيرك ابهالدنيا مالي
علَيَّ ابكل فرح وسرور مالي
يربِّي بالحشر نفرح سويَّه

أخوّتنا مـَـثـَـل كل الأخـِلّه
أخـْـلي الكل وخويي ما أخِـلّه
شعوري اوياه راكز ما أخـِـلّه
ولاذرّة يتخلخل حبّه ليّه

كأنه ليلى تتحبّب إلى قيس
عن ودهم وقصّتهم عجز قيس
على هذي المحبة فايت او قيس
قيس المستجن في العامرية

مثل لبنية طبعي تخفي حبها
وهمها تخفي عن لنظار حَبها
حِبها يا علي الحمران حبها
وتعال اخطب عروس الأبجدية

خليصي منولد نوعه ومثاله
مثاله مضرب العالم مثاله
ماحد قادر ايوصِّل مثاله
اعتلى الهامات مايعرف وطية

كأني عنتر اتودَّد في عبله
يآمنتُ ابغزِل مُمتاز عب له
كلنه نخدمك ونصير عبله
وأفدِّي الروح بس تسلم إليَّه

راجعين

يصوت الصمت وياآمنت ، عمري
عمّيتوا ابمشاعركم وعم ري
گليلة گولتي يخوان : عمري
لأنكم أغلى من عمري عليّه

أشوف اخواني بالأشعار شبّوا
تگول اخيول في الميدان شبّوا
مغاوير اعلى ساح الشعر شبّوا
وما شبّوا على غير البذيّة

هواهم في أقاصي الروح ضارب
ومَثَلْ حبهم في هالديوان ضارب
يعگل المفترس وش بيك ضارب
وصاير قيس ضيّع عامريّة

الواي اللي نشوفه نقي ونظيف
نود كل يوم نمدح بيه ونضيف
على الاشاعر نطب ليه ونضيف
لكن وين انا وين لكبار

هذا البيه كلكم لايميني
وعذر مافاد بيــكم لايميني
لو تكتف يسـاري وي يميني
امنت ايضل واي بس ليه

تريد اتكون ويَّه كبار فاتح
عگلك لابُد إنَّ ايكون فاتح
أحس ماشوف چنّه الواي فاتح
لا، بط عيني من گُوَّة حَچيَّه

في گلبي لك يصاحبنه معزَّه
مَعِزَّه المايِعزَّك لا مَعِزَّه
إلك بوذية حائِيَّة مع الزّا
أو خِذ كلِّ الحروف الأبجديَّة

تعلَّمنه الشعر مِنَّك أو شِبنه
شبنه احنه المانِشِب اعليه شِبنه؟
حرگنه الفك ببوذِيَّته وشبنه
آسِف هذي آخُر مرَّة ليَّه

يآمنتُ أخوك المفترس هل
ومن عين الأدب شعر الحلو هل
أوجه لك سؤالي يالأخو هل
تحبني كثر ما حبّك يخيّه ؟

يصاحب ياللي فعل الزين علاّه
وما غير الأكاديمي اللي علاّه
يخويه اسكت عن الفهمان علاّه
لهذا المجتمع يفهم اشويّة

يصاحب أدري فعل الزين علاّك
وما غير الأكاديمي اللي علاّك
الشهادة علكة فرحان ابها علاّك
ونتفة هالشهادة اشگد قضيّة

يصاحب لو أحد حصّل شهادة
وهو مرفوضة منّه أي شهادة
يخوك انت بصير ابهالشي هاده
شهادة عنده ما عنده شخصيّة

يصاحب لو تشوف أشلون كتماي
شهاده بلاعمل كانها كت ماي
اشما اللي تريده وبالقلب كتماي
لاتحن وتهيج الساكن عليه

شهادة هالأكاديمي أنفها
مثل خشمي سناسينه أنفها
تظل منبوذة رغماً عن أنفها
يحمل حومة ما يحمل حميّة

في أردافه الرخا منقول غبنه
وهو يحضر العركة لين غبنه
الميّت يزيدك ضنا وغبنه
من احمارك عسا نطلة قوية

مشهى الرد على الطيبين مشهى
( يآمنتو )
أسود الشعر في الديوان مشها
وسناسين الأكاديمية مشها
خشمه منزكم يعدي البرية

يخوية الناس ما تترك لك الوضع
لازم تعفسه بالشـيل والوضع
كأنه الديرة تطلگ حزة الوضع
حگ نتفة بصو تأدي الرعية

يصوت الصمت بالأشعار سلني
وذا يصعب عليك اي وصف سلني
أنا سيف الأبوذِيَّات سلني
بتلاگي المفردات العربية

ونا خويّـك حسامك ما تسلـّـه
كبيرة الوردة لو حافـَـلت سِـلـّـه
كفاية انـّـه متفوطر ما تسلـّـه
يعور اتشوفه كل آخر مسية

الدارس لو يخلي اهرار وامرار
ما يهجم علينا المرض أمرار
ولا ذقنا من كاس اخباله أمرار
يشرب ، يسكر ، اسوّي قضية

يخويه اسمعني وافتحها أدونك
مقامك سامي مايعلاه دونك
وناخوك الشعر مايسوى دونك
أو ماله قيمة أو حتَّى مِزِيَّة

أبوذيَّاتك ابكل يوم تقوى
أو نفسك عالمحبَّة اتريد تقوى
وبالإيمان الگلب يزداد تقوى
لابو بليس لابو الشيطانية

أنا مانه قوي إنت أقوى منـّـي
كما منّك القوّة التقوى منـّي
گول الصاحبك إتـّـق ، ومنّي
احترس، لا أمسح بخدّه الوطية

أبمسح به البلاط وخدّه شامخ
وليحسب نفسه صوب كبار شامخ
مهو عنتر ولا زجران وشامخ
عليكم ما گدر! يگدر عليّ؟؟

وناخوك اسمه من طاريك مسحه
اووسخ جهله علينه ابليفه مِسحه
وامسح فوگ گلبه الباغي مَسحه
عساه ايطيب من عِلّة نفسية

ونا خوك الذي وياك في الدار
ميطيب اللي يتهجّم على الدّار
الودِر صعبه عليه ميصير ودّار
جحشة وذيلها أعوج النية

ذيل الجحشة أعوج ماله دبره
و أمام عيونه مش لا تمشي دبره
تالي يدّعي متبوع دبره
وعليك ايلفـّـق ويرفع قضية

خلّه يصير للأنظار فرجه
وصير بعيد وهَم البال فرجه
حفظـْـه الله مثل ما حفظ فرجه
وستـّـرها عن عيون البرية

عسى الكان السبب علّه في بطنه
عفسنه ابفكره المعووج او بطنه
غير النوم ماهمَّه والبطنه
صاير چنّه جاموسة امريكية

يُـؤصد مين كلامكو=كلام مولّع حامي
يراگل رد عليّه=وحبطـّـل من كلامي
الأضية برضك صعبة=الأضية عاوزه محامي
هييييييييييييييييييييييييييييييييييييييييييييي