مواهب ديرتي خلُّوها تطلع
مثل شمس الضحى كل يوم تطلع
أو عن جهل الفكر ياصاحي تطلع
نريد اعگول تبني تطويرية

إذا تگدر على التطوير صاحي
بعدها ابتفهم اوبتصير صاحي
اسمع مني توجيهي وانصاحي
أوسو خدمة إلك، للديره، ليَّه

إخدمني أخِدمك آنه في الحال
وضع ديرتي بدله صاحي في الحال
إذا تگدر تغيُّر مرها للحال
تأكَّد اسمك اتقدسه البرية

يصاحي مگدر اتصنَّع وناسي
وِدِّي الموهبة اتقدُّرها ناسي
مو يوم استغلها ويوم ناسي
هذي موهبة مو لعبة خيَّه

صاحب كتاب اليوم راجع
بس شكله الديوان يراجع
مافي احد يسئل انا اليوم راجع
الله ويين الويات ما تسئل عليا

رجع صاحب إلى الديوان سالم
أوظل ايعاتب محمد أوسالم
أو ماحد من السانه صار سالم
عليه السان چنّه السان حيَّه

عاد وعادت الديوان بشرى
شاحب وجهه واصبح طري البشرة
عباس وعلي وزينب وبشرى
الرجولة حيـّـته والأنثوية

رجعت او لابُد الواجِب نِقدِّم
نأخُّر كل شي بسْ صاحب نِقدِّم
نِجدِّد في البوذية مانِقدِّم
أو كل يوم انجي ابگفلة گوية

أنا في مكة لكن شــوقكم هو في بالي
والله دأبت جبدتي يوم أذكركم في بالي
أحس ما شوف بس انتو في بالي
ويش أسوى على فراق وآياتي الحبيبه