أبد ما أنسى معروفك وفضلك
أميزك بين كل ناسي وفضلك
وگلبي أفتحه ديماً وفُض لك
وتاليها العتب كلّه عليّه؟!!

علامه تعتب اعليّه علامه؟!
ونا اللِّي حبك ابگلبي علامه
گلبي عالجمر وانتَ على ما
وبس تعتب ولا انتَ حاس بيَّه!!!

أريدك تمحي كل ما صار وِنسه
وتذكَّر كل وكت نگضيه وِنسه
عن الهم گلبي هاك اخذه أو ونسه
ولا اترجعه الا متونِّس...إليه

شفت اشلون في هالديرة حضنا
على المعروف ماحد يوم حضنا
رفيگك من تشوفه ابسرعة حضنه
وچبد ابليس دوسوها سويّة