گالوا لي الربـع هالليلـة جمعـة
يالله اويانا نمشي ابخـوش جَمعـة
توجّهنا العقـد (سلمـان جمعـة)
شاعرنـا أبـو النفـس الأبـيـة


حضرنا انبـارك ابهالليلـة عقـده
ببوذيّـات هبّـت بالـف عُـقـدة
ويشاعـر منبـر الأفـراح عِقـده
واكتـب لهلعاقـد كــم بُـذيّـة


اكتب وانثـر الأشعـار بالطيـب
إلى سلمان نبع الجـودة والطيـب
وگلّه امبـارك ابهلعقـد وتطيـب
وتعيش اويا المـرة عيشـة هنيـة


الله ايبـارك السلـمـان معْـنـا
ويسعد دنيته من غيـر مـا اعنـا
وروحه الحين صارت روح ومعنى
والـى الروحيـن نهديهـم تحيـة


هدية امن الشعر قدّمِـتْ واهـداي
أغلفه ابودي وامشي به على اهداي
إلى شاعر أهل بيت النبي اهـداي
وتشهـد ليـه قوافـيـه النـديّـة


كفو ونعميـن شاعرنـا يمتـروس
قوافي دروع وگت الحرب وتروس
وأنت بكل تواضع تمشي ما تروس
ولا تتبختـر ابـكـل عنجهـيـة


عسى الله يسعدك في الدنيا والدين
وجيبك يحفظه من نحسـة الديـن
لَـوْزَنْ لـك أبوذيّاتـي مـدّيـن
وأفـرش لـك قوافـي جوهريـة

سلمان جمعـة إخِـذْ موّالنـا وقِبلـه
يا شاعر ابقمة جبل ما تنـزل ابقُبلـه
وما غيرك الهشعر يا بو علي قَبْ له
جينا نبارك لك ونبعث بالهنـا ودنـا
وكلما نقدمه أقلْ في خطبتـك وادنـى
يالله يموّال الشعر يـم حفلتـه ودنـا
واطبع على خدّه ابيوم اللي خطب قُبلة

سلمان جت ليلتك وادري الگلب منبسـط
بالماتم املامحك تبسم لكـل مـن بسـط
وامّا مقامك عظم ما ينقسـم مـن بسـط
سلمان عن مدحتك اوهالمنتدى منحـول
ساعة اذا ماغبت چنّي غبت من حـول
چيفة أعوف السعد وابگى جسد منحول؟!
والفرح عم الأرض في كل شبر منبسط !



مليـار باقـة ورد لجـل الأخـو سلمـان
وادعو امن الله يسلمـك دوم مـو سلـم آن
اويحفظ شريك العمر المنّه صرت سلمـان
دينك كمل من صرت لمر النبـي منصـاع
اوميزان خيرك ربى فوگ الوزن مَن صاع
والله اودخلت الگفص اوفارگت كل من صاع
رب السما يجعلك مـن كـل بـلا سلمـان

الحلو سلمان لبس بالكف دبله
ومن لونه وجماله الورد دبله
وياربي السعادة دوم دب له
لأرگص بالعرس ندرٍ عليه