لِـحسين دار النظر والفـَت طفل حُرمه له
بيموت فلذة گلب گلبي انگصف حرمله
ود الطفل للعدا بلكت بگت حرمة له
شال اعلى إيده الگلب وللگوم وجـّه ندا
شيخ المهد وش جنى ذاوي الغصن ما ندا
بلُّـوا لسانه گبل ليموت گطرة ندا
لحظة وسهم جاوبه ورد الندا حرملة
تنشد رباب الأبو نار الظما طف له
وراح ال حياة الطفل او رد ابأجل طفله
واگـْطـَعـْـته نحر السما إيد ابحقد طفله
روّوه بنحر النحر والسهم كاسة عمر
وگماطه حر او عطش كل الزمن بي عمر
حرموه أكبر نهر واهدوه أگصر عمر
وشبحت لعين النهر هم عين كل طفلة