بسم الله الرحمن الرحيم
السلام عليكم ورحمه الله
تحية طيبه وبعد ..
أين الرادود سامي إبراهيم ؟؟
أنا أتمنى من كل قلبي أن يرجع هذا الرادود الى خدمة الامام الحسين واهل البيت وأتمنى من الأداره الجديده تعيده بأسرع مما يمكن لأنه القريه محتاجه الى هذا الرادود سامي إبراهيم وغيره من الرواديد المتميزين صراحه بالصوت والأداء والألحان وأتمنى من اداره موكب العزاء الجديده ان تنظر في امره نحن محتاجين اليه وأتمنى من كل قلبي ان يخدم هذا الرادود في الوفاة القادمه وفاة الزهراء لالالالالالالالالالالالا تحرموووونه من سماع صوته وله ولكم جزيل الشكر والامتنان وشكراااااااااااااا

انا بعد اتمنى ارجعونه للشيل

قوتين

وأحنه بعد نتمنى من اليوم يوجع ويشاوك مثل قبل
لأنه صواحة قدوات كبيوة وممتازة وتحتاجها القوية
بس الواحد ما يضوبونه على ايده بعد عشان يؤدي واجبه
ومسامحه اعتقد انكم لازم تطالبونه هو بالعودة مو اللجنه
لأن هو اللي تباعد او توقف شوي.

بااااااااي

هااااااااااااااااااااااااي
انا سمعت انه الرادود سامي إبراهيم لا زال يخدم ولاكن خارج القريه وفي القريه كان يخدم لاكن كانت الاداره القديمه تعارضه , الا سمعت انه يبغي يشيل اللفه كامل وهو من حقه صراحه يشيل اللفه كامل اقصد اللفه القديمه الا احنه نتمنى ترجع نفس قبل وسامي ابراهيم صراحه وبكل صراحه رادود يقدر يشيل اللفه كامل لانه عنده معنويات عاليه في الأداء واللحان وصوته جميل واتمنى الاداره الجديده ان تخليه هالمره اقصد الوفاة القادمه واتمنى من الاداره الجديده تغير اللفه وتخلي القديمه لانه احسن وافضل من الحين . اتمنى الى الجميع التوفيق خدمة اهل البيت

ألسلام عليكم و الرحمة

نتمنى عودة سامي، ولكن أعتقد يجب عليّ أن لا أكون طماع
حتى لو كنت أمسك لفة مأتم سلوم، يجب عليّ أن لا أطالب بها،،
إذا الناس تريدني؛ هم بخلوني حتى لو أخربط عليهم

السلام عليكم
مو جاااااااااااااااااااايه المسأله ادا رادوووود شال اللفه كامله يعني طمااااع لا
اي رادود يقدر ويطمح الى اللفه كامله خله يشيل مافيهاا شي وطبعا ما بكون بروحه ولاكن من حق الرادود ان يعطي القصيده حقهااا ادا بشيل وبياخد راحته في القصيده يعني بروحه غير ادا بشيل فقرتين وبجيك واحد ثاني بياخد المكرفون وبشيل الباقي لاكن انا اعطي الرادود يشيل اللفه كامل مع احد الرواديد يشيل معاه مثلاً سحبيه ( وقفه او فقره ) .
خدمه اهل اليت ما فيهاا طمع وكلام ما منه فايده فيها خدمه خالصه لله سبحانه وتعالى .
والرادود ما يمشي مني والطريق على هواه يعني الاداره تلزمه يشيل فقره او لفه كامله وكل رادود ليه قدراته . انا اتمنى من الادراه الجديده تخليه يشيل اللفه كامله واهمشي يخلونه يشيل داخل القريه احنه ننقهر صراحه قريه لا يقل عددها عن 10 الاااااف وما فيها رواديد اوكي والا قاهرني اكثر اسمع انه سامي شيل بره وداخل القريه ما يشيل ليش عاااااااااااااااااااااااااااااد

هلا شباب

كلام زين وصحيح بس عندي ملاحظة للأخ امير الليل
خوك انته قلت
( انا اتمنى من الادراه الجديده تخليه يشيل اللفه كامله )
هذا كلام سليم بس انته الحين هديت اللي يشيلون في القرية حالياً ولا طالبت انهم يشيلون لفة كاملة وهذا حقهم
ورحت للبعيد اللي ما يشيل من 3سنوات وتطالب بترجيعه واعطاءه اللفة
يعني صاير مثل عذاري .
وبسألك بعد ؟؟؟؟
اللي عندك الحين ليش ما يشيلون اللفة كاملة ؟؟
ليش ما تطالبون ليهم من اللجنة بالوضع الأحسن وإعطاء المجال الكافي ؟؟؟
ومو تقولون انهم يشيلون واجد ، لاحظ انهم يشيلون واجد بس كله في المكان والزمان غير المناسب والمناسبات
العدلة كله لرواديد مال برة ؟
ان شاء الله سمعت بالمثل اللي يقول
عصفور في الإيد ولا عشرة على الشجرة!!

وبعد أعيد وقول أنا معاك في اللي قلته وابغي انه يرجع وشيل ويه الشباب
بس في أولويات لازم تصير بعد في الوقت الحالي اللي هو مو متواجد فيه.
تحياتي لك خوك
موفقين

اهلااااا احبائي
انا ما قلت كلام مني والطريق انا الا سمعت انه سامي هو الا طالب او طلب من الاداره الجديده يبغي يشيله اللفه كامله بس تعرف خوووك الاداره القديمه امخوخوهم امجيمه وافكارهم قديمه الله يستر عليهم فما وافقوااا على هذا الطلب وانا اتمنى من الكل يشارك بنفس اللفه واتمنى من جميع الرواديد التوفيق والعطاء الى اهل البيت . يعني ما سمعت احد غير الرادود سامي إبراهيم طلب هذا الطلب واتمنى من رواديد القريه ان يصفوووووون النيه مع بعض ويخلون ايدهم وحده بله حقد وغييييره على بعض اتمنى تصير ايدهم وحده وووووووووووووو
تحيااااااااااااااااااااااااااااااتي
اخووووووووووووكم
امير الليل

رديتون على المواضيع اللي ما فيها فايدة وعايدة

بعدين بيصير الموضوع محافر في هذا وذاك ومرافس في الأولي والتالي

صكوا وفكونا من عزاكم الا ما فيه طلالة وبركة ، وبسكم من سيرة هالمواكب اللي تعتقدون أنها حسينية
وهي ما فيها شي من لحسين .

صدق اللي قال : لحسين اتغربل ابنا غربال .

بسمه تعالى ..

الأعضاء الكرام ،،،
بعد السلام والتحية ،،،

أود في مداخلتي أن أسجل تقديري لكل من يخدم موكب الإمام الحسين "ع" بنية صادقة من أي موقع من الشيال إلى المسئول إلى سقاء الماء ، وأخص هنا بالتقدير الشخص المعني في هذا الموضوع الرادود سامي إبراهيم .

كما أود الإشارة إلى أن رأيي أن طرح الموضوع لم يكن موفقاً في هذا التوقيت البتة ؛ لسبب بسيط ، حفظاً لشخص الرادود أولاً ، ولأنه يجب في البداية مخاطبة إدارة اللجنة الجديدة بشأن موقفها من الرادود وأخذ الملابسات منها ، فإن هي تمنعت لأسباب غير جدية عن الإجابة أؤيد طرح الموضوع هنا .. فهل طرح العضو الكريم أمير الليل الموضوع على لجنة الموكب بصورة شخصية ، أو على الأقل بإرسال رسالة خاصة لممثل لجنة الموكب في الديوان والتي لها نك نيم بهذا الاسم ، ويمكن مراسلتها لمعرفة خفايا الأمر والحصول على الإجابة الشافية دون الحاجة لطرح الموضوع بهذ الشكل ، وحتى دون الإفصاح عن الاسم الحقيقي لطارح السؤال إذا كان يخشى معرفة شخصيته الواقعية ، ولا أعتقد أن المخول بالرد عن لجنة الموكب في الديوان سيهمل هذه الرسالة الخاصة ..

مداخلتي تتلخص في ما يلي :
لم لا نستخدم القنوات السليمة في البحث والطرح ، والتدرج في ذلك ؟؟؟ وهل أن القفز على بعض الخطوات يحقق المصلحة العامة ؟؟؟

تحياتي للجميع وخصوصاً العضو الكريم أمير الليل

م/يراع البحرين