هلا شباب
بس اسمحوا ليي عندي ملاحظة على موضوع مشكلة وحل في الديوان الاجتماعي
أنا شفت موضوع للعضوة بتول وعندها مشكلة وهذا الموضوع من زمان يمكن صار ليه شهر ماحد رد عليها
وجيت انا ورديت عليها ابغي افيدها يعني ، باختصار
طلعت ليي رسالة تقول ما بنفعل مشاركتك الا اذا شافوها المشرفين ، وللحين المشرفين ما تكرموا عليي ولا شافوها
مع اني حاطنها من اسبوعين تقريباً وفيها الحل لمشكلة بتول .
يعني اذا كان ولابد خلوا المشاركة تتفعل وتالي اذا شافوها المشرفين وفيها خطأ خلهم يحذفونها وانا ما عندي اي مانع
لأني صراحة ما دشيت هالديوان وحاولت اني احط حلول لمشكلات الأعضاء الا لأني ما شفت مثل هالديوان صراحة
من حيث المشرفين والأعضاء والمواضيع وكل شي ، واجد متطور وشي يرفع الراس فقلت أنسب مكان للواحد اذا عنده
طاقة هذا الديوان ...
فاسمحوا ليي على الكلام بس انا بغيت احس اني قاعد اخدم شوي وياكم مثل ما انتون تخدمونه وكله لوجه الديرة ترى .

يالله جماعة
ضبطوني
موفقين حبايب

السلام عليكم،،

الأخ شرشبيل، شكراً لمساعيك الخيرة، وحفظك الله ورعاك.

بالنسبة للمشاركة التي تتحدث عنها، فبعد مراجعة الطاقم الإشرافي، لم نجد أي مشاركة باسمكم في ركن: مشكلة... وحل..

ونرجو التأكد من ذلك جيداً من جانبكم..

مع التحية،،