الــــخنـــــــــفــــروش

مشاهدة الموضوع الأصلي: الــــخنـــــــــفــــروش

ديوان الثقافة » الدواوين المنوّعة » ديوان المطبخ

قلب الوفاء

14-02-2006, 01:46 مساءً

مرحبا شبابووو

مااطول عليكم اخليكم مع الوصفة

المقادير : 3 أكواب سميد او طحين عيش
6 بيضات
1 وربع كوب سكر
زعفران مذاب في ربع كوب ماء ورد
1 ونصف ملعقه فانيلا علي حسب الرغبه
ثلاثة ارباع ملعقه صغيره بيكنج بودر
1 ونصف ملعقه هيل ( مسحوق )

الطريقه :

يخفق البيض ويضاف اليه السكر ويخلط السميد بالخميره والهيل ويضاف الي السميد خليط البيض والسكر تدريجيا ثم ماء الورد حتي يصبح عجينه قابله للصب
يحمي الدهن وتصب العجينه بواسطة ملعقه اكل بحيث تصبح بشكل دائري ويرش عليها الدهن الحار ثم تقلب حتي ينضج الخنفروش .

بالهناء والعافية
ان شاءالله عجبتكم

بس لو من ايد المشرفين الماهرين شهريار او شهرزاد لكانت بالفعل افضل خصوصا انها ملحقة بالصور

قلب

الوفاء[/color]

الكابتن

14-02-2006, 01:53 مساءً

السلام عليكم ورحمة الله وبركاته،،

جزيل الشكر والتقدير لكِ أختي الكريمه قلب الوفاء على الوصفه اللذيذة للأكلة اللذيذة

أحب هذه الأكلة كثيراً

تحياتي الكابتن

الأسود

15-02-2006, 03:09 صباحاً

سوي الطبخة وخنچوف الصور.. ليش لا؟!

أكلة مفضلة عندي ترا

برق

15-02-2006, 04:22 مساءً

شكراً

بس ما خليتين صورتها

قلب الوفاء

15-02-2006, 07:01 مساءً

اقتباس

سوي الطبخة وخنچوف الصور.. ليش لا؟!

اقتباس

بس ما خليتين صورتها

ويش بيدي عليكم ما لحقت اصورها الملاهيف شفطوها

الجايات اكثر ولا يهمكم

ويش هالفشيلة يا ربي

المستحية

قلب

الوفاء

فتى

20-02-2006, 06:01 صباحاً

حلو..
رحم الله والديكم..

عرادية

21-02-2006, 02:00 مساءً

عجيب

القاتل المرن

3-03-2006, 02:03 صباحاً

السلام عليكم ورحمة الله وبركاته،،
جااااااااااااااااااااااري التجربه

وننتظر المزيد من الوصفات
وشكرااا على الوصفه الفله

صوت الصمت

3-03-2006, 11:24 صباحاً

مرحبا
مانه مانه

مدام شهّيتينه عليها تسوينها وتذوقينا اياها حتى لو بالمرسال الخاص

ما ليي كار

ولا بقول تسلم ايدش
أول آكلها

قلب الوفاء

3-03-2006, 03:42 مساءً

يا علي

ولا يهمكم لكن ما طلبتون شي

مو اهم شي تشوفون الصورة

تفضلوا

اهم شي نفتك من لعيتكم

احنا في رسم الخدمة

يالله انتظر كلمة (تسلم ايدش) منك يالصوت

قلب

الوفاء

تا تي تو بطة

3-03-2006, 03:52 مساءً

بييييييييه
هذي الأكلة كله تعطيني اياها امي وني صغيوة تقول لينه انهي تطلع خنافو
لأن اسمها خنفووش / صدق تطلع خنافو /
تسلم ايدش خيو على الطبخة

زهرة الحياة

14-05-2006, 07:44 مساءً

العصر ومن كثر الفضاية تميت مطيحة في ركن المطبخ
ساعة تقريباً أنبش عن أكلة بسيطة في الصنع وخفيفة على المعدة،
ولمعت في عيوني طبختين وهم:
1. ## البانكيك ##.

2. الــــخنــــــــــفـــروش.

الأولى ما الله أراد بسبب أنه فيها شيرة وفيها شيل وحط .. الخ!

الثانية، أتكلت على الله وسويتها وصورت بعد، والشغل كان ممتع وعجيب، عموماً بطرح السلبيات عساس نشوف وش السر يعني وما نوقع فيها مرة ثانية

1. الوالدة ما رضت تخليني أسوي الشغل بالمطبخ الداخلي، فصرت منبوذة بروحي بره

.
2. عقب ما أستوى الكل يبي يعرف اسم الطبخة، يعني ما تنعرف إنها " خنفروش".
3. بس نفرة وحدة عجبها الشغل.
4. وبعد ما قالت مشكورة.

الصور في التلفون

زهرة الحياة

الكوثر

14-05-2006, 07:59 مساءً

السلام عليكم ورحمة الله وبركاته،،

زهرة الحياة صدق غيرتين علينا جو ... حتى وحدة من إلي جنبي تقول فتحت شهيتي للدراسة من كثر ما ضحكت..

اقتباس

الوالدة ما رضت تخليني أسوي الشغل بالمطبخ الداخلي، فصرت منبوذة بروحي بره

تخاف من التفجيرات والقنابل الخنفروشية ، لان تسوين وتمشين والماما عليها الشغل

اقتباس

عقب ما أستوى الكل يبي يعرف اسم الطبخة، يعني ما تنعرف إنها " خنفروش

مهو قلت لش مسطحات أو قذائف هاون ... الله يساعد المشاهدين والمتذوقين

اقتباس

بس نفرة وحدة عجبها الشغل

تأكدي من جوابها يمكن تتراجع

...

اقتباس

وبعد ما قالت مشكورة.

لو انتين مجربتني شوية ، انجان قلت لش حلوة تسلم ايدش، يبي لها بعد شوية قهوة ، عن لدهون

أحلى ما في السالفة انش تجربين وتستمتعين بالتجربة ، لان تعبش ومجهودش ...

اليوم ما أعرف بكرة بصير شيف بجد ..

بس..

أجرب واتعلم

شرايش؟؟

وشكرا
الكوثر

زهرة الحياة

14-05-2006, 08:21 مساءً

اقتباس (الكوثر @ 14-05-2006, 08:59 مساءً)

لو انتين مجربتني شوية ، انجان قلت لش حلوة تسلم ايدش، يبي لها بعد شوية قهوة ، عن لدهون

الكوثر، قبل لا تنثنين عن قرارش، ترى للحين محتفظين بالكمية بأكملها،إشرايش تمرين ويكون طبق الخنفروش جدوعش؟!

أما عن رايي، فتجاربي لا محدودة،
طول ما أنا أطبخ البيت كله حاط إيده على قلبه
لأن لي السبق في عدة انفجارات له

.

صح، في طبخات واجد ما كنت أضبطها ويوم ماصخ ويوم حلو،
والحين ما شاء الله صرنا فنانيين فيها ومن ضمنها الكوشري

.

قبل لا أنسى

اقتباس

زهرة الحياة صدق غيرتين علينا جو ... حتى وحدة من إلي جنبي تقول فتحت شهيتي للدراسة من كثر ما ضحكت..

عجل لو يقولون لش عن سالفة مكرونة مفروم الدجاج!!

زهرة الحياة

الكوثر

14-05-2006, 08:42 مساءً

السلام عليكم ورحمة الله وبركاته،،

اقتباس

قبل لا تنثنين عن قرارش، ترى للحين محتفظين بالكمية بأكملها،إشرايش تمرين ويكون طبق الخنفروش جدوعش؟!

يعني لو الدنيا مو ليل، وأخاف الظلمة صوب بيتكم انجان طليت عليكم ، مو عشان خنفروشة لاااا وألف لااا عشانش خيوو

وأحلى شيء التجارب ، واصلي وشوفي المتعة بالتطبيق ، ترى أقول عن تجربة ها

خبرش

اقتباس

عجل لو يقولون لش عن سالفة مكرونة مفروم الدجاج!!

خيوو أدري بها ، المسجات كانت تتحذف عليّ ، ضحكنا عليهم لين بس ، قالوا لي كانت ملغمة باللحم

..

أغناكم الله ورعاكم ودمت في رعايته

شكرا
الكوثر

شهرزاد

15-05-2006, 12:29 صباحاً

وأخير زهرة الحياة فكرت
تسوي شي
أعترفي من الجوع لو من الفضاوه
المهم ماقلتين شخبار الخنفروش
ويله نبي نشوف الصور
عشان نحكم

ويش مسويه في مطبخكم
أكيد مغربله الحجيه بالتنظيف

مثل ماقالت خيو الكوثر
واصلي تطبيقاتش
ترى الكوثر صايره هالأيام شيف منافس وقوي بعد

زهرة الحياة
ويش رايش في هذا
الخنفروش

زهرة الحياة

15-05-2006, 05:43 مساءً

السبب كان الفضاوة في المقام الأول والجوع في المقام الثاني

في حالة هالصورة كنت بقول أن خنفروشي إبداع وفن وذوق و و و

!

بس في هالحالة:

ديوان الثقافة

أتنازل عن قراري ونص وثلة أرباع وربع بعد

!

على فكرة الخنفروش تم (تنفيقه) لأنه كان أوكي بس كان في القلي وايد غامق وبعد كنت أنزله في المقلة بيدي فصار جنه قيمات مو خنفروش .. وهذا إلي صار

اقتباس

ويش مسويه في مطبخكم
أكيد مغربله الحجيه بالتنظيف

- موقف بسيط -
ولا شي، من مدة كنت جوعانة قلت خل أقلي لي
همبرجر وبطاطس

، المهم فتحت كبت المقالي
والقوالب، شفت بايركس دائري ويلمع

،
قلت يقولون هذا يشد الحرارة .. لا وشكله حلو

،
رحت حطيت البايركس على الفرن، وحيطت الدهن
لما سخن الدهن حطيت البطاطس وأنقلى وصار كل شي
أوكي، الحين جى دور الهمبرجر، حطيته وتميت قاعدة أنتظر
يازعم عشان أقلبه قلبة ثانية، وياريت لحقت ......!!!

أنفجر البايركس والزجاج في كل صوب، أحترقت بعض المناطق
في جسمي بسبب الدهن الحار، وأنا أصارخ والماما تصيح عبالها صار فيني
شي جايد .. وحالة قايمة

!!

ها بعد أدَّخَل المطبخ مرة ثانية ؟!

زهرة الحياة

أبو يوسف

17-05-2006, 01:17 صباحاً

طرشو ليي صحن له

مجهول

17-05-2006, 01:24 صباحاً

الذي أسمه ................. قال بسوي لنا،،
وما شفنا إلا الريش!

لمشاهدة الديوان بالشكل الأصلي، انتقل لـ الــــخنـــــــــفــــروش - ديوان الثقافة