الطالب أ
الرياضيات بلوة=وآنه ما عندي مزاج
شلون أفهم مانه داري=بالمسائل عگلي ضاج
وآنه مخي ما يجمّع=مستوي چبرة حراج
الرياضيات چنها=سجن ما ليه انفراج

الطالب ب
الرياضيات هذي=مادة وشكثر حلوة
والمسائل لين أحلها=چني ماكل غز حلوى
سهلة صدّگني يخويه=مو مثل متظن بلوة
تبي ليها من يذاكر=وعنده عزم وعنده گوّة

الطالب أ
آنه ما صدّگ كلامك=وچيف تبّيني أصدگ
وآنه حل مسألة وحدة=عگلي امّنها امغلّگ
لين يسألني المدرس=أسكت اووجهي ايعرّگ
ينتظر مني أجاوب=وفكري امغرّب امشرّگ

الطالب ب
چم سنة في لبتدائي=وچم سنة تالي لعدادي
وانت مو راضي تتعلم=وعندك الإهمال عادي
لازم اتثابر وخلّك=من ألحين اتكون بادي
واترك اللعبة في الديرة=وانتبه مو كلّه نادي


الطالب أ
بس نصايح من كلامك=گاعد ايعورني راسي
الرياضيات تعبة=اتخلي الطالب يگاسي
عطني حل انچان عندك=ضاگت اعليّ أنفاسي
يشرح الأستاذ وآنه=چني كرسي امن الكراسي

الطالب ب
شوف يا خوي اللي يبي=يفهم ايسوي له خطة
لين رد البيت يجلس=منتشط ويا الشنطة
ويگعد ايحل المسائل=ويحللها نقطة نقطة
ويسأل الأستاذ حتى=ما تصيده ولا غلطة

الطالب أ
صاحبي أشكر حياتك=وآنه باللي گلته حاضر
راح من هذي اللحظة=أول ابأول أذاكر
واكتب ابإيدي المسائل=واجتهد فيها وثابر
غلط ما أسمع نصيحة=وبالغلط ما راح أكابر

الطالب ب
تسلم وربي ايسهّل=ليك كل صعبة وعسيرة
ازرع الجِدْ حتى تحصل=منّه أثمارٍ وفيرة
وعلى هالمنوال هذا=يدوم مشوار المسيرة
وآخر الفصل الدراسي=تنجح ابنسبة كبيرة

إزاي مأولشِ صعبة=الگبرالگزور
ونا راسي أرّع منها=ومن دوشة الكسور
هييييييييييييييييييييييييييييييييييييييييييييي
مين آل لك إنها حلوة=وتفتح للعأل باب
مگنونة ومهياش سهلة=والعائل عنها تاب
بالسين والصاد مالكو=ومالكو والحساب
هييييييييييييييييييييييييييييييييييييييييييي
خليكو في البلاغة=وبلاش غـُـلبْ ومتاعب
في الشعر والفصاحة=في النحو والعگايب
الفعل ابحكم الموقف=والفاعل ضمّو واگب
ده الفاعل صُـح رفعُـو=وميصحّش رفع نائب
هيييييييييييييييييييييييييييييييييييييييييييييييي
وميصحّش رفع نائب

الرياضيات عندي = مثل بالوعة وأكثر
بس أشم ريحة مسائل = بالعجل هالراس يفتر
ومن أشوف كْسور واجد = عگلي يتگفّل وْيسكر
ما أحب الجبر أبداً = ومنَّه ما أگدر أفكُّر

الرياضيات عندي = أسهل من الماي شربة
من يگول انها لهالحد = صايرة معقدة وصعبة
أحلى منها ما تْحصِّل = چنها تفاحة وهمبة
الرياضيات متعة = تطرب الما فيه طربة