القرمزي بيزور زينب بنت ابوحسين = ويقول يهل المنتدى ودعوه من الحين
عازم افارقكم يربعي ويا اصحابي = والله أسال ينفتح للفرج بابي
حمله مخلوطه جمري وستري ومقابي =ومن صدد كلها غالبيهجمع باصين
ادعوا له بالتوفيق يهل الخير وانتون = اهل الدعاء لو تطلبوا له ما تخيبون
ودعتكم رب البريه مالك الكون = ويحفطكم الجبار يحرسكم عن العين
عشرين يوم القرمزي بيغيب عنكم = وبتوحشه اقلامكم ويا خطبكم
واتحملو بالمنتدى لنه وطنكم = هو ملتقى الأصحاب دايم فيه مبسطين
رابع اغسطس بالخميس الضعن شايل = ومسافرين أوياه أفراد وعوايل
كلها تشد العزم وتصك المنازل = لاوين قالوا القرمزي شايل متدرون؟
شايل يربع المنتدى وياه شبان = ويا جهال صغار وشيوبه ونسوان
وخلا الرجال بروحها تدعم الجدران = من دون حرمه وين يهل الله يصك وين
خلا رجال الديره بالديره تحاوم =من شارع الـْ شارع ومحد لحضه نايم
وتدري الرجل من حرمه ما يقاوم = يفقد حواسه لين راحت وين أو وين

حسن القرمزي
4 / 8 / 2005 م