ياماي لي لا تصد منك روى ما انْهَلَه
وحسين ظامي انذبح وصوبك صدر منهى له
إنته السبب في محب فارگ محب من هله
معيوف منك شرب وسم ابگلب يمّك
وانته أبوك الغدر والغاضرية امّك
اشلون عايش وابو اسكينه انذبح يمّك
غدّار يا علگمي لا مرحبا ولا هلا

تگدر تعيش ابهنا وحسين ما هو هني
وتدري الظما أنحله وگال الى عزومه اوهني
إنچان روّيته من مايك او گِـتْـله هني
شفته انذبح وانته ما عينك لحاله انعمت
محروم مايك عجب ولچلاب بيك انعمت
فايض يماي النهر او منك أماكن عمت
حسبش يگطراته في ذل الظليمة امهني

عين النهر بالنهر الزينب تصد موحشه
عتبچ أذل هيبتي واسلب كرامه و حشا
مانه السبب في ذبح لحسين والله او حشا
تدرين فايض على الـــــــوديان مايي انغمر
ونحر العقيدة انگطع صوبي وشموخي انغمر
عايف نجيعه الثرى او بضْـفاف چبدي انغمر
بحضاني شمس ارتمت ليها السما موحشه