بگروني يَهَلْ بيتي ديبَگروني=بگروني يَهَلْ بيتي ديبَگروني

عزّي راحت أيامه..
وجَمْري انطَفَتْ نيرانه..

بگروني يَهَلْ بيتي ديبَگروني=بگروني يَهَلْ بيتي ديبَگروني

مُحَرّم راح بالأحزان وعزّي راحَتْ أيامه
وجانا اربيع والعدوان إعْلَ حسين فرحانه
ويْنَه جَمْعَة النسوان حولي تصيح وجعانه
ومن ماتم إلى ماتم تنْعَى حسين واخوانه
تنْدب بضعة المختار تصيح بيها لَتنْعانه
وبين الشفطة والشفطة تسْچب لنا دمعتها

مليت يا هَلي القعدة فوق الرّفْ والوَحده
مَحّد چاي يبگرني حتّى البادگير صدّى
ويشو الشور والماتم محد له بعد أهله
ويلي راحوا الأحباب روحتهم بلا ردّه
حول العمّة محفوظة لفّتْهم ترى لفّه
الله يعودها من أيام ويصبرني عَلى الوَحْده

بگروني يَهَلْ بيتي ديبَگروني=بگروني يَهَلْ بيتي ديبَگروني

عزّي راحت أيامه..
وجَمْري انطَفَتْ نيرانه..

بگروني يَهَلْ بيتي ديبَگروني=بگروني يَهَلْ بيتي ديبَگروني

بطّل يلگدو الونات بطلّها=ودمعاتك على الخدين لاتهلها
گلبي ذاب وتفطّر
بس اعتاب ما أگدر
بطل يلگدو الونات بطلها=ودمعاتك على الخدين لاتهلها

محرّم راح بالأحزان وبعدك ناصب امحرّمْ
ولليوم السواد اعليك ما شوف الفرح لك تم
شنهو الصار حزنك فار گلبك ثار واتألم
وجهك شاحب وأصفر وچنك بيت متهردم
أخذ فيك الضجر حيفه ولم ابجيش متحزّم
على عمري الگدو تعبان من يسمع ومن يفهم

لاتونْ گلبي ذاب اعليك بطّل عاد وناتك
ما فاتك سعد ليّام لا يلگدو ما فاتك
لاتگول اترَكوا النسوان جراتك ودخناتك
لازم ترجع أيامك وحزّاتك وأوقاتك
ارفعْ يلگدو راسك يِنور ابنار جمراتك
وانفض عنّك الأحزان وامسح فيض دمعاتك

شيل الجمرة فوگ الراس واحملها=والمنگاش خلّه ايگوم يعدلها
باچر يلگدو باچر
يرجع عزك الزاهر
بطل يلگدو الونات بطلها=ودمعاتك على الخدين لاتهلها

صاح الگدو يالنسوان شربوني = وارجوكم إلى الماتم ودوني

حالي يكسر الخاطر
وحدي ما اليِ ناصر

صاح الگدو يالنسوان شربوني = وارجوكم إلى الماتم ودوني

لابد بس يهل لهلال وفي الماتم يشربونك
ومن يجبل شهر عاشور باحضانهم يخلونك
هالنسوان فطرتهم وعادتهم تمنعهم يتركونك
حتمّا البچه يا صاح؟ بجي يوم وبفركونك
لا تستعجل الأرزاگ والله عالم بشأونك
أهمشي أتحمل بالمناگش وعنه لا يفرگونك

صاح الگدو يالنسوان شربوني = وارجوكم إلى الماتم ودوني

حالي يكسر الخاطر
وحدي ما اليِ ناصر

صاح الگدو يالنسوان شربوني = وارجوكم إلى الماتم ودوني