من لكز أشعارنا إلفك حِمَل
بالصمت والضو في ليلة نحس
اوهدرك الإثنين لكنّه نزف
من نفاسه مو من انياب النهش

آنا ويّا الفنر بس احنا النهش
والتحيّة للي والانه نزف
إحنا ما ننكر فضل.. إحنا نحس
اومن نطح أوّل في أمّه هو(حَمِل)

إحنا من علّمكم اترمّوا نبل
اوما يصدكم عن هدفكم أي ترس
اوبس گويتوا ماحد امّنكم عطف
على أستاذه اوملامح وجهه بش

عجب چيف آساد تتنكّرها بش
اولو أسد منها غضب لحظة عطف
راسه چان الأفئدة رعبه ترس
اوتلگى من دمّ الگمل فكنا نبل

إحنا راس الشعر يا أوطى رجل
وانتوا علگم واحنا أحلى من دبس
أوينه ولد الديرة من أغبى جلف
بس إلى الأطفال والنسوة دهش

ياذباب الشعر بس جينا دهش
التمر عدنا وانتوا بس جِلِف
يالله لا اتهرجوا ما اتسكتوا دبس
إحنا ما نسمع أحد ما هو رجل

شوفوا شعري وسطوتي وأفعالي
والعصا بيدي تصير افعى لي

بكل وگت بس ما أريد ارمي العصا
تسعى حيّة وتلتهم كل من عصى
وكل خصم بطنه ابعصاتي ماعصه
واشدخ ابّه من مكانٍ عالي

وانتي يا أم التتن عيبش مرة
وآنا فكي أستحي من آمره
ما مرى أبداً بحرمة ما مرى
أفترس حرمة ولا جا ابّالي

أنتي بالدخان وذاك ابگازته
جاي يتدلّع عليْ بنگازته
وعين ضوّي بلمحة منّه گازته
وصوت صمتي مستعد اگبالي

يگول آمرني يفكي اعلى الضرب
وللحريبة فنون عندي وچم ضرُب
گول وآنه قسمة ما بيها ضرُب
والله لادوس الفنر بنعالي

والله لاخلّي الفنر فوگ الرمل
واكتب اعليه چم أبوذية رمل
واصرخ اعليه يا فنر گوم ورم ال
العنجهية وخاف منّ ارجالي

وضوّي يسمع والعزم لاهب لهَب
يگول يا فك خلني احطم بو لهب
ولو أشوّر ليه ابتفكيري لهَب
وزلزل الديوان وصكّه تالي

الله يا دهري الحلو عندي ربع
ما رأت عيني مثلهم باي ربع
لا نصيف ولا سديس ولا ربع
صوت صمتي وضوّي هم آمالي

من الشعر چم واحدٍ ظامي روى
ايشنّف الأسماع من ينطگ هُوَ
مفترس هيبة وقوي ابمنطقه
وللقيادة غيره أبداً مَرتقى

ما أحد مفلاته وصّل مُرتقى
ولو تدوّر كل مدينة ومنطقه
لينطگ تلگاه ماينطگ هوى
وعن حكاياته البطل سل من روى

سألوا عن أخلاقي أهل ام القرى
جابل اطباعي على حسن الخلق
وكرم نسلي وجوده من طيب الأصل

وانه بحساني اللي جافاني أصل
بلفظي أركان اللغة الساني ال خلق
ينطگ الأغتم إذا شعري قرا

چان عدكم في الشعر مليون رنگ
ما يعجّز قدرة الصمت البطل
ويكفي عن فك اللي جايد كل وزن

صمته شبله ايشبّ فيكم ضو وِزن
والبِـبـيّح صوتي مفعوله بطل
انتوا اسبيرات موتر وانه رنگ

سمعي لنصيحة يم أربع واربعين
اتركي اجنونش او عگلي في صفر
شيلي طفوِش خلّي راسش فاضي له

وعيشي بالأخلاق او موتي فاضله
وفـَوضي بعمالش اكتابش مو صفر!
واكتبي چم شيله حگ الأربعين

إذا راد الشعر عوني لعينه
عتيگ الگاز في گلبي لعينه
وانا ادري عن نوايا الفك لعينة
سموم الفتنة في شعره خفيّة

شعرناْ السيف والديوان حومة
تصيب اللي سهمناْ ايصيبه حومة
يفك هذا الدرب كل ساع حُومه
ضعيف او هذا هو كل القضيّة

لتحسب هالحرب يا فك نزهة
طهور الزين عن شيناك نزهه
أنا او أم التتن في الحرب نزهى
گمر معْ شمس يا خدّ الوطيّة

أبوك الفنر فوگ الهام ركبة
او أعلى ما تشوف العين ركبة
انا ادري تنگصك يافك ركبه
ولتوصل مستواه أعمل رياضة

عفر منه صحي تشتكي لمك ؟
وهو من علمك تكتب ولمك
وچم واحد على خيبتك لمك
لأنك لابس الذل والفشيله

ولعمك بوالتتن اسجد وبكره
ولابد تعرفه يابويي بكره
ولا تعرف من القاصي وبكرة
لأنك أعمى يافك الرذيله

وإذا أنت صِدگ فك يالله طوفه
وانا ادري ان مخك مثل طوفه
وشعرك حول بيت التتن طوفه
يلّي فرّتك من شعره جره

تذل نفسك أمامه لجل جره
تراك الضامي وهو إلك جره
وچم مره أخذ شعرك وجره
إلى الإبداع والسبكه الگويه