زهرة حب إنتي ومرسوله حكَـ الناس
جيتي من بستان الجنه الماينقاس
كًـلبي التربه وشوكًـ الفلاح الغرّاس
العنبر ماخذ منج وركًـه من الساس
ريحة ذكـرجْ حلوه تأثـّـر بالإحساس
شلون اجاوز حدّج يا قـدس الأقداس
بحسده جالج ذاك الوسواس الخناس
بيـعـصر صـدرج صــاير لطـّام ورفـّـاس
رفس الباب وجنه مكسّر أغلى كاس
هتك العصمه يدري وجـهج ما ينجاس
بلطمة عينج طفـّـى لمعه من ألماس
وطاح المحسن يمّـج مكتوم الأنفاس
يا مظلــومة يا مقـتوله من أرجــــاس
كًـلبي المدفن كًبرج صاير فوكَـ الراس


من كتابة : محمد علي المؤمن