سامع يا أبو الحسنين=ويش ايگول لي الثاني
ايگول اهجر وانا الهادي=وما مرة خطا الساني

الساني ما خطا مرة=ولا يوم الغلط بيه مر
ولا أي حكم قرّيته=إلا وربي ليه مصدر
وتاليها يبو الحسنين=أنا ينگال لي أهجر
من الأمة جزاة الخير=ما راعت لي احساني

على افراش المرض تعبان=وروحي يا علي بنزاع
واشوف الگوم في داري=ضجّة عالِية وانزاع
أريد اتهيّأ الربي=لأني في أخير اوداع
وحتى اوداع هالأمة=گلبي منّه ايعاني

أذى اللي شفته في التوديع=نسّاني أذى التبليغ
أباصيغ العهَد ليهم=گالوا ما انريد اتصيغ
أمام اعيوني يعصوني=وطرف اللي أصد له ايزيغ
وأبغي واحد ايطالع=يمكن يدرك اشجاني

الأمة اشلون ما راعت=نبيها وخالفت لكتاب
وسِمعت صوته في داره=ايخاطب جملة الأصحاب
جيبوا لي حبر بكتب=إليكم يا صحابة اكتاب
وبوصيكم گبل ما روح=لأنه حان ميحاني

شجوني بالكلام اللي=سمعته وذوّبوا گلبي
ورفعوا صوتهم عندي=وزادوا وجدي وكربي
يا ربي الأمة ليش=واجد غلظة يا ربي
جزاة الخير للأمة=بالعصيان جازوني

علي گرّبْ لي والزمني=وتم ابهالوگت يمي
ترى محتاج أفضي لك=كل شي يا إبن عمي
أباسلّم إلك لعهود=فيها حكمي وعلمي
وگبل ما موت يا حيدر=ضمني الصدرك الحاني

شال المرتضى راسه=وخلاّه ابوسط حَجره
وگلّه ارتاح يا روحي=وقر يا والد الزهرا
وگبل متفارگ الدنيا=أريد اتصد لي ابنظرة
ترى اعيونك تنسيني=اهمومي وجملة احزاني

صد ليه النبي وفاضت=في حجر الولي روحه
وللأملاك في داره=چم ردّة وچم روحة
وحيدر ساعة التجهيز=ما ويّاه الاّ اجروحه
دفن جسمه الشريف وگال=فگدك زلزل اركاني

رفع راسه أبو الحسنين=وشاف النبي مو صوبه
ذاب افّاده والدمعات=بالخدين مصبوبة
محبوبه گبل ساعة=معاه وراح محبوبه
راح المصطفى المبرور=واحد ما إليه ثاني