مهما الدهر راواك الأذى والويل=ومهما تعرضت للظلم والتنكيل
ومهما حاول العدوان بالتضليل=يشوهوا سمعتك هذا الأمر معتاد
مهما إلبست ثوب الفقر والذلة = ومهما اشبعت ضيم وهضم ومذله
ومهما تعذبت بالصعبة والسهله=ومهما وقفوك مواجه الجلاد
ومهما اسلبوا شخصك وامتيازاتك=ومهما جردوا منك علاواتك
ومهما عطّلوا جملة نشاطاتك=ومهما عجزوك بمعضلات شداد
مهما سخفوا كل اعتقاداتك=مهما كذّبوا جملة رواياتك
ومهما سجلوا زور اعترافاتك=ومهما غرّبوك ودرت ألف بلاد
وبنقص الرواتب قصّوا عزومك=وبكثر الضرايب مصّوا دمومك
ومهما في الجرايد أخفوا إعلومك=وقالوا لك ارهابي يدعمه الموساد
ولو الموساد صار إلهم صديقٍ زين=سفاراته افتحوها اليوم في الصوبين
عدواتهم لأهل الدين ولمسلمين=ارباب التقى والعلم والأمجاد
اثبت واتبع القرآن والسنة=وآل البيت أهل الفخر والذمة
ولمسلمين شيعه عاد أو سنه=اخوان بدينهم وأهل وجماعه اشداد
خل الطائفيه وانبذ التفريق=ونظّف قلبك من الغل والتمزيق
وخل الوحده شعارك بوقت الضيق=وبوقت الرخا لا تلتمس الأحقاد
زرع الطائفية هدف لستعمار=وشب الفتنه ما بين الأخو والجار
وحرق اليابس والاخضر بزيت ونار=ما هي عادة الطيبين والأخيار
وفي جسر الأيمه شوف وشسووا=خلوها جنايز بالجسر خلوا
ويم باب الحوايج زاروا وصلوا=ما هم من التكفير والإلحاد
وين الشجب والتنديد يخواني= وين اللي نكر لا مصري لا شامي
وين اهل الخليج اهلي وأعمامي=اللي بنكبة الفلوجه استووا اجناد
ويوم اهل النجف وبكربلا طاحوا=ضحايا ذبح بالسكين من راحوا
ما شفنا حجوا أو قالوا وناحوا=لو شيعة علي فيران يالأجواد ؟؟

حسن القرمزي
1 / 9 / 2005 م