سندريلا
13-06-2008, 06:20 مساءً
سلاااااام
مثل ماوعدتكم اني بحط قصة لكن حبيت أغير الأسامي
اليوم بحط الشخصيات بس
الشخصيات:
الأب(جمال): رجل أعمال ناجح وعنده شركة تجارية كبيرة ويحب يدلل أولاده.
الأم(سهير): محامية معروفة وجادة مع أولادها شوي.
فاضل: أكبر الأخوان عمره 32سنه متزوج فرح وعنده أسيل 5سنوات و وسيم 3سنوات ويشتغل في شركة أبوه ومشغول بأولاده بس اجتماعي ويحب الكل.
ناهد: عمرها 27سنه متزوجة من ولد عمها هادي وبعدها ما جابت أولاد وتحب التوأم خواتها وتحب الأطفال وعلى طول مع أمها.
فيصل: عمره 25سنه يدرس ماجستير إدارة أعمال ومشغول بالدراسة بس يحب الكل.
شهد ورغد: عمرهم 12 سنه وهم آخر العنقود وعلى طول طلباتهم مستجابة.
وعايشين معاهم الجدات وضحه وهند
انتظر على الأقل 5 ردود بعدين أحط الجزء الأول
طفولة
13-06-2008, 11:53 مساءً
ننتظر..
إن شاء الله ما تكون طويلة!
علاوي
14-06-2008, 02:29 مساءً
سلام
ثمانية
+
واحد
=تسعة
يعني المفروض تحطين جزأين
سندريلا
14-06-2008, 04:43 مساءً
وصل الجزء الأول
إذا شفت ردود بحط الثاني
الجزء الأول:
آخر يوم امتحانات رجعوا التوأم البيت
شهد: أو خسارة كملت المدرسة.
رغد: شنو خسارة أنتي وأخيرا كملنا مدرسة.
دخلت رغد المطبخ وشافت أمها تشرف على الغذا وقالت: ماما وأخيرا كملنا مدرسة.
سهير الأم: إن شاء الله النتايج بعد زينة.
رغد: خلش من النتايج أحين, قولي لي وين بنسافر السنة؟.
شهد دخلت وراها وتقول: أنتي كله همش السفر والنگزة.
سهير تكلم رغد: خلش نفس أختش تحب الدراسة, صبري لما تطلع النتايج وبعدين نفكر وين بنسافر.
رغد: أو ماما تبيني بعد أنطر أسبوع ليما تطلع النتايج, أبي أقول لربعي وين بنسافر.
سهير: أول روحي نادي فيصل وأبوچ وجداتچ يجون يتغذون وبعدين بنفكر.
وهم على الطاولة رغد ماگدرت تصبر ليما يخلصون الغذا قالت لأبوها: بابا وين بنسافر هالصيفية؟.
سهير: ويش فيش مصروعة صبري شوي خلي البابا يرتاح أول.
جمال الأب: لاحبيبتي على كيفش وين تبين تروحين السنة؟.
رغد: نبي نروح السنة المغرب ربعي راحوها اللعام يقولون حدها جميلة.
شهد: أول تطلع النتايج بعدين نبي نروح إيطاليا محد من ربعي راحها.
سهير: أحنا نبي نروح العمرة وسوريا عشان يجون ويانا فاضل وناهد.
الجدة هند: أني أبي أروح إيران.
بس الجدة وضحه ضلت ساكتة لأنها تدري ويش يبي فيصل
جمال: فيصل ماقلت لنا رايك وين تبي تروح؟.
فيصل: عندي لكم مفاجأة أحسن من السفر.
وش يمكن تكون مفاجأة فيصل انتظروا الجزء الثاني
سندريلا
14-06-2008, 07:38 مساءً
كل يوم بحط جزء
واليي يقرون ويمشون خلهم يردون
Sweet Girl
14-06-2008, 09:51 مساءً
قصة مشوقة
ننتظر الباقي بالتوفيق..
سندريلا
14-06-2008, 11:09 مساءً
قلت لكم باجر الجزء الثاني
علاوي
15-06-2008, 02:19 صباحاً
سلام
أولا انا بعادتي ما أعرف أجامل
صراحةً صراحةً
جزء أول موفق وجميل
أقول
أهم شي ماتكون في هالقصة سوالف حب وخرابيط
لأن الصراحة استملينا من هرار الحب
ننتظر مفاجأة فيصل
برق
15-06-2008, 10:14 مساءً
ننتظر..
المرة الجاية نبي جزئين مو وااحد
طفولة
15-06-2008, 10:32 مساءً
اقترح انش تطولين الجزء سندريلا..
لان واجد قصير..
10 اسطر بس!
سندريلا
17-06-2008, 03:18 مساءً
آسفة أمس كنت تعبانة وما قدرت أحط جزء
والساعة 10 كنت بحطة الديوان بند عليي
المهم اليوم مابنسى الجزء الثالث وبحطه
سندريلا
17-06-2008, 08:55 مساءً
الجزء الثالث:
وصلهم فيصل وهو منقهر عليهم
فيصل: متى تبوني أجي ليكم؟.
شهد:أني بتصل لك وقت بنرد.
فيصل: أوكي.
ومشى عنهم
رغد: شهد أتصلي حق مريووم خلها تقول لنا وين هم
شهد: أنزين.
اتصلت شهد حق مريم وگالت لها وين هم
بعد ماخموا المحلات وراحوا يتعشون
رغد: شهد أتصلي حگ فيصل يجي ياخذنا.
شهد: لا والله كله من عندي وليش مو أنتي تتصلين؟.
رغد: ها أني ماعندي كردت.
شهد: أنزين.
اتصلت شهد لفيصل وقالت له انهم كملوا قال لها مايقدر يروح حقهم بيخلي ناهد تروح حقهم
يوم راحت لهم ناهد اتصلت لشهد
ناهد: ألووو.
شهد: اهلين.
ناهد: انتوا صوب وين؟.
شهد: إحنا صوب زارا.
ناهد: احين بدش ليكم أبي أغراض من هناك.
شهد: أوكي.
أخذت ناهد أليي تبيه وطلعوا وصلوا البيت وكل وحدة گعدت ترتب أغراضها رغد اشترت بنطلونين جينز وثلاث تيشيرتات وردية وشهد أشترت لها تنورتين وبنطلون جينز وتيشيرت ماروني
سامحوني الجزء قصير لكن اليي بعده بسويه طويل
وردة الياسمين
18-06-2008, 06:39 مساءً
حلوة حلوة تسلمين ..
نتضر الجزء الرابع بفارغ الصبر ..
سندريلا
18-06-2008, 06:54 مساءً
وصل الجزء الرابع وأشكر كل من رد
الجزء الرابع:
قعدوا التوأم من النوم الظهر شافوا الأم وناهد راجعين من بره محملين بالهدايا والأغراض لأنة اليوم بيروحون يخطبون حگ فيصل
سهير: يلا يا بنات تعالوا ساعدونا في الحلويات عشان نوديهم ويانا.
رغد: لحظة بروح أتصل حگ مريوم بگول لها تعطيني الوصفة مالت الحلاوة اليي سوتها يوم تجي بيتنا.
وبعد فترة دخل عليهم فيصل وشافهم كلهم يشتغلون
فيصل: شهد, رغد تعالوا ابيكم في سالفة.
شهد: أصبر شوي خلنا نخلص الشغل اليي في أيدنا.
فيصل: لا أبيكم أحين ضروري.
راحوا معاه غرفته
رغد: ها شتبي؟.
فيصل: أنا ما ابيكم زعلانين لأنه أنا صارخت عليكم أنا آسف.
شهد: أنزين ممكن نعرف شنو اليي غلطنا فيه؟.
فيصل: متأكدين تبونا نتناقش في الموضوع أحين؟.
رغد: أختصر إذا تقدر.
شهد خزتها وقالت لها عيب
فيصل: مثل ماقالت رغد بختصر, شوفو أختكم ناهد شتلبس ليش ما تصيرون نفسها.
شهد: من أي ناحية مثلا.
فيصل: أنتون كبرتون المفروض تتحجبون, على الأقل بس تلبسون حجاب وملابس محتشمة مو مثل أمس الثياب اليي كنتون لابسينها وحدة تنوره قصيرة ووحدة شورت.
رغد: ماعليه نفكر في الموضوع؟.
فيصل: فكروا على راحتكم وأوعدكم أني أسوي ليكم حفلة حجاب وتعزمون كل اليي تبونه, وأحين روحوا كملوا شغلكم ومشكورين على كل اليي سويتونه.
رجعوا المطبخ
ناهد بصوت خفيف: ويش كان يبي فيصل منكم.
رغد: كان يبينا نفكر في موضوع الحجاب.
سهير: أنتوا كملوا شغلكم أني بروح المحكمة عندي قضية صغيرة أخلصها وبروح لكم بيت رهام.
ناهد: متأكدة ماما مابتتأخرين, بعدين تورطينة وية الناس.
سهير: لاحبيبتي أوعدش إني مابتأخر, كلشي ولا فيصل يزعل مني بعدين يهون عن الخطوبة ونتورط.
بعد صلاة المغرب الكل كان جاهز, ولما نزلوا شهد ورغد من غرفتهم والكل شافهم استغرب
ياترى من شنو استغربوا؟
الكابتن
18-06-2008, 07:29 مساءً
السلام عليكم ورحمة الله وبركاته،،
يا سلام قصة عجيبة من سندريلا الديوان
واصلي ونحنُ من المتابعين بإذنِ الله 
تحياتي
الكابتن 
وردة الياسمين
19-06-2008, 10:29 صباحاً
قطرات أمل
20-06-2008, 09:34 صباحاً
السلامــ عليكمــ ...
قصة رائعـة ،،
أعتقد أن شهد ورغد كانوا متحجبين ،،
شاآدن
22-06-2008, 09:24 صباحاً
خلي البارت اطول شوي ما يمدينا نقراه الا وخلص
بالانتظار
بنوتة كول
23-06-2008, 12:09 صباحاً
بنوتة كول
23-06-2008, 12:14 صباحاً
اقتباس (شاآدن @ 22-06-2008, 09:24 صباحاً)
خلي البارت اطول شوي ما يمدينا نقراه الا وخلص
بالانتظار
ان شاء الله بتطولهم قريب
بنوتة كول
24-06-2008, 03:59 مساءً
اقتباس (زهرة الربيع @ 24-06-2008, 12:58 مساءً)
طااااالت ..!
أشتقنا يا عزيزة
اللهم أرفع عنها علل النت لتعود 
عجبتني العبارة " علل النت "
لكن مو من النت !!
استوى الكومبيوتر مالها فورمات!!
بترجع قريب ان شاء الله
sally
25-06-2008, 09:31 صباحاً
يلا سندرلا
انشاء الله يتعدل الجهاز حقكم
انتضر
سندريلا
1-07-2008, 10:07 صباحاً
هلا تأخرت عليكم صح؟
طبعا مثل ماقالت بنوتة كمبيوتري خراب
وبعد شوي بحط جزء
لكن مو كل مرة اقدر احطه لأنه اني احين في بيت اخويي وكمبيوتري بعده مااستوى
سندريلا
1-07-2008, 01:08 مساءً
الجزء الخامس:
بعد صلاة المغرب الكل كان جاهز, ولما نزلوا شهد ورغد من غرفتهم والكل شافهم استغرب كانوا حاطين شيلة على راسهم
فيصل: يلا مشينا.
وصلوا إلى بيت رهام توهم بيدشون وإلا الأم جاية ودخلوا مع بعض وبعد فترة گالت سهير
سهير: إحنا جايين اليوم نخطب بنتكم رهام حگ ولدنا فيصل.
أم محمود: والله هي الساعة المباركة بس نبي مهلة حگ البنت تفكر.
سهير: أخذوا راحتكم وردوا علينا متى ما تبون.
رهام: تفضلوا على العشى.
وبعد العشى گعدوا يسولفون وياكلون الحلويات ولما رجعوا البيت كلهم راحوا ناموا لأنة اليوم تعبوا واااجد
يوم ثاني راحوا للشهادات شهد جابت 99 وكانت الأولى ورغد 95 بس ما اهتمت واتفقوا بعد خطبة فيصل يسوون لها حفلة مفاجأة
اليوم الثاني تلفون سهير يرن
سهير: ألو.
المرة: السلام شخباركم؟.
سهير: تمام, شنو جواب البنت؟.
المرة: إن شاء الله موافقة.
وگعدوا يتفقون وهالسوالف
رغد: ماما من اليي متصل؟.
سهير: أول وين فيصل؟.
سهير: وافقوا, ويبون الملجة والحناء بعد أسبوعين والعرس بعدها بيومين شرايك؟.
فيصل: أوكي بس عجل بوديكم دبي عشان تتجهزون.
وراح فيصل يحجز لهم
الكل راح يتجهز حگ السفر
ولما سافروا سووا لهم فساتين العرس واشتروا أغراض الملجة
سهير: أحنا نبي نسوي سفرة عجم.
ناهد: بس رهام گالت مانبي أشياء واجد.
أي بس أحنا جدي عاداتنا وبما أن الملجة والحناء في نفس اليوم نبي هاليوم يكون مميز وحلو يلا ساعدوني نشتري أغراض سفرة العجم.
ناهد: مايحتاج ماما نشتري الكاكاو من هني في فالبحرين محل اسمه choco love الكاكاو مالهم لذيذ.
سهير: بس اتفقنا.
ضلوا تقريبا هناك أسبوع يجهزون ويوم رجعوا گعدوا يرتبون وهالشغلات
يوم الملجة
شهد ورغد وناهد كانوا لابسين ثوب نشل
وبعد ماعقد الشيخ الكل مدح في سفرة العجم
جت الحناية حگ تحني العروس
بعدين الكل راح لبيته
يوم ثاني يعني قبل العرس بيوم الفوضة في البيت گايمة والكل يجهز حگ اليوم اليي بعده يوم العرس وهم يجهزون جو ليهم بنات عمهم شيماء(20 ) وأروى(16) ونسرين(12) يساعدونهم
وصلوا اليوم فساتينهم من دبي وجربوهم عليهم وطلعوا مضبوطين ورهام بعد فستانها موصينه من دبي
سهير: ناهد روحي أتصلي لرهام سأليها فستانها بعد وصل.
ناهد: أوكي.
ناهد: ألو.
رهام: هلا ناهد.
ناهد: شفيش متضايقة؟.
رهام:.....
ناهد: رهام شفيش؟.
رهام: الفستان بعده ماوصل.
ناهد: أتصلتين فيهم أتأكدتين؟.
رهام: أي گالوا المفروض الصبح وصل.
ناهد: بس أوكي إن شاء الله أحين بيوصل.
رهام: إن شاء الله.
وبعد شوي أتصلت رهام وگالت أن الفستان وصل وچيكته وطلع أوكي
الليل
وصل فيصل وعنده هديتين
حگ من هالهديتين؟
سوري هذا اليي قدرت عليه
سندريلا
1-07-2008, 01:20 مساءً
مافي شكرا مافي شي انت اصلا حتى ما قريت
وانت ادرى واحد بويش صار في كمبيوتري
مو كل مرة بحط الجزء
سندريلا
1-07-2008, 01:24 مساءً
اقتباس (طفولة @ 1-07-2008, 01:14 مساءً)
أكيد حگ شهد ورغد 
no
حسوني
1-07-2008, 07:27 مساءً
اقتباس (سندريلا @ 1-07-2008, 01:20 مساءً)
مافي شكرا مافي شي انت اصلا حتى ما قريت
وانت ادرى واحد بويش صار في كمبيوتري
مو كل مرة بحط الجزء
وش دراش انا ماقرايت قاعده وياي اصلا انا قريت واالي صار في الكمبيوتر
في انسان قعد يلعب فيه ايسوي روحه اينشتاين
وسوه ليه فور مات وقال بالغلطوشكرا
سندريلا
1-07-2008, 09:35 مساءً
اقتباس (زهرة الربيع @ 1-07-2008, 01:51 مساءً)
فننن
امممم 
يمكن حق رهام .. وأمها .. أو أمه ..! t8reeba
سندريلا
1-07-2008, 09:36 مساءً
اقتباس (بنوتة كول @ 1-07-2008, 04:51 مساءً)
يسلموو
يلا سندريلا
بالانتظار
allh yslmch
سندريلا
1-07-2008, 09:49 مساءً
اقتباس (كرزايه @ 1-07-2008, 05:33 مساءً)
بــارت جــميل ..
ننــتظر الجــزء الجــديد 
بكره
سندريلا
1-07-2008, 09:52 مساءً
اقتباس (حسوني @ 1-07-2008, 07:27 مساءً)
اقتباس (سندريلا @ 1-07-2008, 01:20 مساءً)
مافي شكرا مافي شي انت اصلا حتى ما قريت
وانت ادرى واحد بويش صار في كمبيوتري
مو كل مرة بحط الجزء
وش دراش انا ماقرايت قاعده وياي اصلا انا قريت واالي صار في الكمبيوتر
في انسان قعد يلعب فيه ايسوي روحه اينشتاين
وسوه ليه فور مات وقال بالغلطوشكرا
la tlm7
بنوتة كول
6-07-2008, 12:24 مساءً
اقتباس (طفولة @ 2-07-2008, 07:02 صباحاً)
سندريلا أقترح عليش تضيفين من هالبهارات اللي حطيتونها في الموضوع للقصة 
هههههههه
بس المشكلة سندريلا مو مهتمة
ولا تجي تشوف الوضع
القصة بتكمل شهر
و احنه تونا في البارت 6 !!
يالله نحارس
بنوتة كول
6-07-2008, 04:51 مساءً
اقتباس (اشواق المحبه @ 6-07-2008, 02:54 مساءً)
يسلمو سندريلا
ننتظر انشالله سالفة الكمبيوتر ما طول أكثر خلصت السالفة من زمان
و رجعت
وحطت بارت ثاني
بس واجد مهلت
للحين ما نزلت الثاني !
سندريلا
6-07-2008, 06:54 مساءً
توه الكمبيوتر مستوي انتظرروا الجزء
سندريلا
8-07-2008, 10:40 مساءً
وصل الجزء سامحوني على التأخير بس والله مريضة وماليي خلق
الجزء السادس:
الليل
وصل فيصل وعنده هديتين طقم ألماس واحد لـ رهام والثاني لأمها
فيصل: شهد.
شهد: نعم.
فيصل: من عندنا؟.
شهد: بنات عمي جاسم.
فيصل: أنزين وين أمي؟.
شهد: في غرفتها.
فيصل راح غرفة أمه
فيصل: يمه.
سهير: هلا.
فيصل: جودي هالكيسين.
سهير: شنو هذا.
فيصل: طقمين ألماس واحد لرهام والثاني لأمها.
سهير: أنزين إذا ماعليك أمر تروح تجيب بنات عمك.
فيصل: أنزين.
وراح فيصل يجيبهم
في غرفة شهد ورغد گاعدين وياهم بنات عمهم(شيماء وأروى ونسرين) وبنات خالتهم (بسيل ونور ولجين)
رغد: بسيلو شنو لون فستانچ؟.
بسيل: سر.
رغد: هف.
بسيل: أنتي أول شنو لون فستانج؟.
رغد: سر.
بسيل: بس عجل.
وإلا بدخلة علياء وليلى بنات عمهم
ليلى: أفا تجون ولاتمرون حتى ماتتصلون؟.
علياء: أي مايبونا.
رغد: أكو جيتون.
شهد: ليلى بتلبسين فستان؟.
ليلى: أي أكيد.
لجين: وأخيرا كملنا.
شهد: بس خلنا نحط الأغراض على صوب ونشيل العفسة.
لجين: يلا.
بعد ماكملوا الكل راح ينام
يوم ثاني
شهد تبي تگعد رغد بس رغد مو راضية تگعد راحت شهد وأخدت گلاص ماي بارد وكتته على رغد ورغد تطفر
رغد: ياعلي ويش صاير منهو مات.
شهد: هههههههههههههه.
رغد: لكن ماعليه براويش.
شهد: هههههههه أول روحي تجهزي الساعة 12 نبي نتغذى ونروح الصالون.
رغد: أي صحي يلا.
وتجهزوا وراحوا الصالون
رغد: شهد.
شهد: هلا.
رغد: بتصبغين شعرش خصلات ماروني؟.
شهد: لا.
رغد: يالذكية أحلى.
شهد: أوكي بس شوي لكن.
وكملوا فالأخير أكيد تبون تعرفون شلون صاروا
رغد وشهد نفس لون الفستان بس الطريقة غير
شهد فستانها طويل بدون أكمام ولاشي ماروني صاير فيه حزام عليه وردة وسلاسل متدلدلة وصاير من تحت على شكل طبقات متدرجة ومعاه شال ورافعة شعرها كامل ومخلية منه خصلات مصبوغة ونازلة وحاطة تاج بس مو حاطة مكياج واجد
رغد بعد ماروني بس فيه كم سير والجهة الثانية كم موصل للنص ومفتوح وفستانها قصير موصل للركبة ومنفوخ وفيه حزام ومامعاه شال وشعرها مخلتنة كيرلي كامل وصابغة منه خصلات وحاطة مكياج كامل
وراحوا يصورون
وصلوا الصالة تقريبا الساعة 8
شهد ورغد كانوا عازمين ربعهم مريم ومنار
بعد شوي صارت الصالة مليانة وعلى الساعة عشر ونص المعاريس وصلوا
راحت ناهد للمنظمات حگ الترتيبات وراحوا شهد ورغد لبسوا ثوب نشل وقبقب(اليي يحطونه على الراس) وشهد أخدت الشبكة بتحملها ورغد الدبل وأسيل بتحمل صينية فيها الشموع والقرآن ورتبوهم بحيث أنه أول تدخل أسيل وتمشي شوي وبعدين توقف وبعدها يدشون التوأم ويروحون للكوشة وكل وحدة توگف على صوب وبعدين يدشون المعاريس وحواليهم جهال حاملين شموع ويوصلون لأسيل وتمشي وياهم للكوشة وبندوا الأضواء ودخلوا المعاريس
بعد ما لبسوا الدبل والطقم وصوروا
راحوا التوأم يشيلون ثوب النشل
أحين بيگصون الكيكة, الكيكة 3طابق وكوالي القاعدة التحتية للكيكة كيك صغار (أبو كبوس) وفوگه كريمة وردي وأخضر
بعد ماگصوا الكيكة صوروا صورة جماعية وجت سهير تبارك لرهام وعطتها خاتم ألماس
بعد ما المعازيم طلعوا
رغد: شهد خاطري في الكيكة.
شهد: حارسي.
...........................................................................................
كمل الجزء لأنة تعبت مرة ثانية نكمل وهالمرة لاتقولون الجزء قصير
بنوتة كول
8-07-2008, 10:59 مساءً
ههههههه
كل تبي تاكل هالرغد
شكرا
و لا تتأخرين على البارت الجديد
تابعي سندريلا 
انهم متح
وونيس