گالوا لي الربع هالليلة جمعة
يالله اويانا نمشي ابخوش جَمعة
توجّهنا العقد (سلمان جمعة)
شاعرنا أبو النفس الأبية

حضرنا انبارك ابهالليلة عقده
ببوذيّات هبّت بالف عُقدة
ويشاعر منبر الأفراح عِقده
واكتب لهلعاقد كم بُذيّة

اكتب وانثر الأشعار بالطيب
إلى سلمان نبع الجودة والطيب
وگلّه امبارك ابهلعقد وتطيب
وتعيش اويا المرة عيشة هنية

الله ايبارك السلمان معْنا
ويسعد دنيته من غير ما اعنا
وروحه الحين صارت روح ومعنى
والى الروحين نهديهم تحية

هدية امن الشعر قدّمِتْ واهداي
أغلفه ابودي وامشي به على اهداي
إلى شاعر أهل بيت النبي اهداي
وتشهد ليه قوافيه النديّة

كفو ونعمين شاعرنا يمتروس
قوافي دروع وگت الحرب وتروس
وأنت بكل تواضع تمشي ما تروس
ولا تتبختر ابكل عنجهية

عسى الله يسعدك في الدنيا والدين
وجيبك يحفظه من نحسة الدين
لَوْزَنْ لك أبوذيّاتي مدّين
وأفرش لك قوافي جوهرية

سلمان جمعة إخِذْ موّالنا وقِبله
يا شاعر ابقمة جبل ما تنزل ابقُبله
وما غيرك الهشعر يا بو علي قَبْ له
جينا نبارك لك ونبعث بالهنا ودنا
وكلما نقدمه أقلْ في خطبتك وادنى
يالله يموّال الشعر يم حفلته ودنا
واطبع على خدّه ابيوم اللي خطب قُبلة

مليار باقة ورد لجل الأخو سلمان
وادعو امن الله يسلمك دوم مو سلم آن
اويحفظ شريك العمر المنّه صرت سلمان
دينك كمل من صرت لمر النبي منصاع
اوميزان خيرك ربى فوگ الوزن مَن صاع
والله اودخلت الگفص اوفارگت كل من صاع
رب السما يجعلك من كل بلا سلمان

سلمان جت ليلتك وادري الگلب منبسط
بالماتم املامحك تبسم لكل من بسط
وامّا مقامك عظم ما ينقسم من بسط
سلمان عن مدحتك اوهالمنتدى منحول
ساعة اذا ماغبت چنّي غبت من حول
چيفة أعوف السعد وابگى جسد منحول؟!
والفرح عم الأرض في كل شبر منبسط !