تمّـت نعمـة الله بخيـر شهـره
إليه امبين لشهـر أسمـى شهـره
يمؤمـن للعبـادة سيـف شهـره
يحـز راس الذنـوب الدنيـويـة
فضْل الباري ما تحصـي عبـاده
ولا تحصي فضل شهـر العبـادة
يصايـم مسلكـك عبـده عـبـاده
وهامور الأجـر حضرتـه النيّـة
حُسِن عنّك مشى بهالشهر حسْن آت
تتضاعف حسنة اتقدّمهـا حسنـات
وأجر الصام جنّة وحور حسنـات
وأباريـق بشهـد كوثـر ملـيّـة
ربّك حمـده ليـن تريـد تفطـر
واحرص سهوك ايخلّيـك تفطـر
معاصيك الحشا في الحشر تفطـر
وتعض امن النـدم إيـد الخطيّـة
كل ساعة اشكر البـاري وحمـده
ولا تظن نعمتـه توفيهـا حمـده
صَل واوصل كتابه واقـرا حمـده
او صِل رحمك ولو بـس بالتحيّـة
تحيّاتـك إلـى الأنسـاب خِدهـا
وخد الرحمة مثل ما الغير خدهـا
سلّـم عالقرابـة وبـوس خدهـا
طويل العمـر مـن زار البريـة
من زار الأهـل مـد الله عمـره
وِبارك رزگه ويْحفظـه وعمـره
وبعد هذا الشهر مـن راح عمـره
مغـفـورة ذنـوبـه وممتحـيّـة
فضل صوم الشهر يا صاح عـدّه
موصول الأجـر والسـوء عـدّى
جاهـد مـن أجـل إكمـال عـدّه
تـزور الآخـرة بنفـسٍ رضيـة
لا تغفـل دعـاك ابليلـة الـقـدر
في ميزان العمل ليها أجـل قـدر
إلى الطاعة استطاعة عندك وقـدر
ليلـة عـن ألِـف أشهـر سويّـة
أمَرْ الله النبي هالشهـر وص لـه
لأنه امبين رب او عبـده وصلـه
واللي يشهـده ويگضيـه إوصلـه
الحور العين فـي الجنـة العليـة
بتسابيـح اگضِ هالليلـة وطرهـا
دعـاك ايليّـن أنفاسـك وطرهـا
وثوب اذنوبـك ايشگهـا وطرهـا
فـلا يطوفـك قطـار الأخرويـة
ليطوفك قطـار أمجـاد او عـزّه
كـرم الله الأجـر مَعليـك عـزّه
لا تگضي الشهر يم صنـم عـزّه
فـي چتـف القنـوات الأجنبيـة
لتخلّـي الشهـر فلـم او مسلسـل
حبـل اهدايتـك ينفـل مسلـسـل
استغل ساعاته خل وقتك مسلسـل
واعمل لحظة لحظة بصدق او نيّة
صومك في الگبر للظهـر مسنـد
رحمة ومغفرة وفي الحشر مسنـد
عن طـه البخـاري روى مسنـد
في شانه عـن لسـان الله ونبيّـه
