يا صاحبي لا تمزح بمزحات خشنه
تخليك تتلفض بالفاض خشنه
ترى الزمن دوراته خشنه
وتالي تصير بين الناس ما تسوى ربيه

يصاحب ما تگوله ضو او يكوي
كأنه أوتي ثوب الصمخ يكوي
ومو كل من مسك كوّاي يكوي
شهادة الخبرة ( بس مو جامعية )

الجهـِــل يغـْـلـِـبكْ وانته ما تـْـغـِـلْـبه
وأدري من يغل بك ما تغل به
گلبك من صفاءك مات غل به
يعمري طول عمرك صفي النيّة

ردك يا صوت الصمت واضح
لان مكتوب بخط واضح
بس يبغي من يفهم ألي معناك واضح
يعل اللي يبغضك علة منيه

واضح حچيي بس الناس عميان
العيون مبگـّـگـة ، ولگلوب عميان
يصاحب گاعد أشكي لك وعم يان
وگل لي اعگل عدل يا ولد أخيّه

فناجيل البشر والدنيا دلّة
وكل واحد طريق الرزگ دلّه
وفي هالديرة المعزة تصير دلّة
كأنه نعيش عصر الجاهلية

الجاهلية يصوت الصمت ليهم
لا نهم من بدو وما حد ليهم
طلعو نعرات في الصدر ليهم
شكونا إلى الواحد القهار

عند الجاهلية سنين نعرة
وناعور الضغن ميهمنا نعره
ابأخلاق النبي هيهات نعرى
اوعورتهم أصنام القرشية

صمتي زاد يصوت الصمت
كل الهرج ما يبغي بس صمت
لازم تواجه مو تلزم الصمت
وين تروح وتخليني وحيد

يصـاحـب كتـاب مكنـت ادري عـنـك شاعــر
كنت افكر في التراث لاهي و معندك مشاعر
طلعت تكتب من ورانه و صرت بهذا شاعـر
منا بحاسد لا تفكر وانا اطلب لك الموفقــيه


ليس كل ما كتبته اقصده يا صاحب فقط للمشاركة معك لا غير

أمن الضحك بطني عورني يا فارس
بعدك ما عرفت اللي يركب الخيل فارس
مو شرط تشوفني راكب حمار وتقول فارس
إذا عندك مراجل رواني بموال يكوي

أنا بروحي وعن ويش أرد
خلوني لكبار وما حد يرد
بعد ما ويش يا فارس أرد
عسى بتلكوه العمي يجيها

صوتك يصاحب خلا بطني يعورني

ايدا عندك خبرة في الكورة يالله ورني

لتجي بعدين تقول هذا كسـرني

وليجي صوت الصمت اقول كاهرني