حط ايده فوگ الگبر وانهملت العبرة=ويگول صعبة رجعتي دونچ يزهرا

أرجع ولا شوفچ يزهرا بين لولاد=تولينهم حبچ وعطفچ على المعتاد
وانظر ايتامچ يندبونچ ما لي افّاد=واسمعهم ايصيحون وين امنا الزهرا

شلون اگدر اتحمّل اصياح الحسن وحسين=وزينب من اتسايل يبويه الوالدة وين
يا زهرة ايامي شطرتي الگلب نصين=وفگدچ كسر گلبي كسر ما حد يجبره

أرجع بدونچ وانظر الأيتام بمصاب=وعنّچ يسألوني وما عندي من اجواب
مگدر اخبّرهم الزهرا ضمها لتراب=وهذا يصب دمعه وهذا يجر حسرة

يا زهرة الأكوان فگدچ كسر ظهري=وبدري بعد عينچ يزهرا انخسف بدري
يا خدي الصابوه باللطمة وصدري=هالصابه عصر الباب في الهجمة الگشرة

وعوّد لبيته ابگلب ما ينوصف حزنه=وطلعوا اولاده يسألونه وين أمنا
الله يساعدنا بعدها اعلى يتمنا=وگلب الذي يفگد مثلها ويش يصبره

وزينب تگلّه يا أبويه موحش البيت=ومصاب فگد الوالدة فتني ابتفتيت
يا ليتني گبل امي الزهرا اتوفيت=والأم جرح افراگها هيهات يبرى