يابن العسـكري انهض فدتك الـروح =لسامرا يبو صالـــح ونكبتـها
شلون شلون يا شــبل الحسن سوّت =أعداء الدين من خسّــة طبيعتها
ابــوك العسكري بيته انهـدم مولاي =وظـلـت قبته تعـانق منـارتها
قوم انهـض يحامي الـدار شوف الدار=سامــرا تهاوت شوف حالتها
مولاي الصبـر خلـّص وزاد الظـيم =وعاشـت شيعتك بآلآم نكبـتـها
وديـن المصـطفى جدك غريب ٍ صار =مثل ما بـدأ بالغـربه ووحشتها
قبـة بيتـكم مـولاى جـاها السـيل =ويخسى السـيل يجرفها ويفـتتها
قبـه ما يـدنسـها ولا طــاغوت=تزهر باقيـه بقـلوب شـيعتـها
وسط القلب مو طينه وكوم احجار =دم ولحم ويا عروق شادتها
قبه ما نسفها الحقد والإجرام =رجع شامخه وترجع سيادتها
وتتوافد عليها جملة الزوار=والوفاد تتبرّك بتربتها
فيها العسكري ما ظنتي تنهار =وفيها الهادي ويراقب منارتها
يبن الحسن شيدها بحد السيف =د السيف وحده يعيد لمعتها
والله عجب تهدا وتستقر وتنام =عينك جيف تحبس سيل عبرتها
وبني سفيان وأميّه وآل زياد =لعبت بالعراق شلون لعبتها
من جسر الأيمه لين سامراء =متد المذابح من بدايتها
وما ظن تنتهي إلا وتسل السيف =تقص نحورها من فوق جثتها
يبن الحسن بيت الحسن شوفه شصار =نهض شيعتك زادت مصيبتها
طمن قلبها من خوفها مولاي =من نار الضما برّد لغلتها
قلبك وشكثر يحمل تعب وآلآم=من جور الدنيه ومكر قادتها
وشيحمل من أميّه ومن التكفير =ومن أزلامها ومن سار سيرتها
قلبك يحفظه جبريل ويصونه =ويداري أزمتك حتى نهايتها
ويسقي خيلك وسياسها ميكال =حتى بالطراد تحوم حومتها
وربك يخرجك مولاي حين يريد =حتى تفضح اميّه ودناءتها
وتنشر راية التوحيد باسم حسين=وتاذخ ثارك وتنزال غصتها
يابن العسكري تدري شكثر ثارات=لع امك ولطمتها وأذيتها
وابوك المرتضى وقوده بحمايل سيف =أمك من وراه تسيل دمعتها
ودمه من جرى في وسطة المحراب =وغرّق شيبته وانخسف ساعتها
وجبد الحسن واسهام ٍ بنعشه تفوت=اتت وسط جبدك يوم لوعتها
وراس حسين من حزه الشمر بالسيف =نسى كربلا وتنسى حكايتها
وتنسى عمتك في مجلس الخمّار =تدري شلون يبن الحسن ذلتها
وتنسى سموم وتنسى دموم كم سالت =وهالأمة ولا تحركت غيرتها
ما تنكر ولا تشجب ولا تندد=لون تندد بأفعال سادتها
شيل السيف يبن الحسن حز رقاب =طشّرها وخل بالقاع سوأتها
هوى الحجاج وتهاوى نظامه وراح=قامت تهتف بأسمه بخساستها
وظلت زمرة التكفير والإرهاب=ذبح شيعتك تهدر كرامتها
متفرّق أبد ما بين شيخ وشاب=وبين الطفل والحرمه وعفتها
تريد تعيد صوت الصنم والجلاّد =راح وهذي الدنيا ودورتها
ما يبقى الظلم والجور لو طوّل=حكمة ربك وهذي سياستها
لكن عهد يبن الحسن ما يعداك=لها جنود شيعتكم بجملتها
اظهر شوفها متحزمه ويّاك=تشهر سيفها وتشيل رايتها
وفي جيشك يبوصالح تسيرصفوف =نصردين جدك هاي غايتها
وتبني قبة الهادي بسامراء=وتزور العسكري وتعلن ولايتها
ولا ترهب من التفجير والتفخيخ =لا الإرهاب ينقص من عزيمتها
وترجع قبته بانوار تتلامع =نكحل عينها الرمدا بشوفتها
وخذ منّا عهد يبن الحسن هيهات=تى الموت منخلي زيارتها
زيد الكاظمي