قوليله ماعدت أبالي
قوليله إني من اليوم ماودي حتى أشوفه
قوليله من البدايه في قلبي ماكان غالي
اتمنى تعمى عيوني ولاأني المح طيوفه
كل شي ترى وله نهايه
مابيه يطلب وصالي
مابيه يسأل عليه
مابيه يشكي ظروفه
قوليله خل ينفعونه دام اعتبرهم اهالي
الله معاه ومعاهم
لاما عليهم حسوفه
انا اللي استاهل اكثر
انا فتحت له مجالي
عطيته حقه وزياده
مسك حناني بكفوفه
أهديته احلى قصيدي
وسهرت علشانه ليالي
احاول اكتب علشانه قصيده فيها وصوفه
كان القمر في سماي اشوفه هناك عالي
تصدقين نوره علشاني ماكنت اقدر أشوفه
واليوم صار بيننا غيم
وحتى لو الغيم زالي مااقدر احبه لانه خوف عيوني بخسوفه
يظن هو كله احساس
بس للأسف قلبه خالي
يلعب على نفسه يظن روحي لعينه شغوفه
وش اسوي بشخص بايع
وش اسوي بقلب سالي
وأنا اللي كلي مشاعر والروح دايم عطوفه
قوليله ينسى ويبعد قوليله ماله ومالي
خلاص هذا قراري
ولاأبغي اسمع حلوفه
قوليله الأيام تمشي ومن فوق فيه رب عالي
وكل اللي سواه لازم يجيله يوم ويشوفه..
ملطوووش
