سلام..
1) بعض القصص الجانب المايع فيها، يطغي على جميع جوانبها، يعني بعض القصص كلها مايعة..محتواها مايع، ما يقدم و لا يؤخر، ما فيها فن أدبي، ما فيها صور بلاغية ما فيها شيء.. فيها بس حب، و خربطة، و تلفون، و مسنجر و كلام فاضي، و كتابته و قرائته مضيعة للوقت.. فنرجو ملاحظة هذا الأمر..

2) أعتقد أن في منتدانا موجود ناس راح تكسر جناحيـن الدكتور علي القائمي، بإصدار مجموعة قصص الفتايات المراهقات، بدل كتاب الدكتور (دنيا الفتيات المراهقات).. لأن القصص الي تطرح الجانب العرفاني من حياة المراهقات قاعدة تزيد في المنتدى، و آلة الحذف مغمودة..

3) طرحنا موضوع من قبل، يا ناس لا تنقول لنا قصص، خلوها في منتدياتها، الي يباها راح يبحث عنها، ماكو داعي تخلون زاوية القصص بالديوان (ستور، مخزن) لهذي القصص المايعة..الله يرحم والديـكم..

4) يا ليت المسج يوصل، و ياليت يزعلون منه، حتى يعرفون أن هذا النوع من القصص، بايـخ، و ما منه منفعة.

يا فتى معاك في ثلاثة ارباع اللي قلته.. ياريت يوقوفون عن النقل.. الله يهديه المشرف يستحي يحذف القصص المكررة الظاهر..

نعم اغلب القصص معروفة وتلوع الجبد

الحين حتى القصص الي يكتبونها يا علاوي علشان تقرؤنها اتلوع الجبد ؟!

لا تعليق!

القصص شي ممتع بس هناك قصص ناخذ منها العبرة والفائدة هذي القصص اللي الواحد يحبها بس في قصص بجد قديمة والكل يعرفها وقصص فيها بعض الاشياء المايعه على قولتك بس اكثرها من واقع الحياة واشياء قاعدة تصير والبعض خياله واسع يحب يألف المفروض انشجعه اذا كان من تأليفه من شان يرتقي للافضل

بس المفروض اذا كانت القصص متكررة المفروض يتم حذفها واخبار العضو تم حذف القصة بسبب تكرارها

يعطيكم العافيه