ذوله أهل البيت يا شاطي الفرات=جوك عطشانين دگـــــوا بوبـــــــك
العطش خلّى حسين يتعنّى ويجيك=بحر يطلب ماي منّ احبوبــــك
ما عرگ وجهك خجل من شفته جاك؟=وچان تيصور تشيله اهدوبك
طاع موسى النيل گبلك يا فرات=وچان قاسي اويا لحسين اسلوبك
أنت أنت التغسل ذنوب العباد=شلون تغسل مايك امـــن اذنوبـــــك؟

شالسبب يا وارث اسباب الحياة=تظمي الأشراف وتروّي البغاة
ليش ما تفتح ابوابك للأباة=ذوله أهل البيت يا شاطي الفرات
جوك عطشانين دگوا بوبك
سيد السادات روحه تصطفيك=فتح گلبه وذب مياه الوجه بيك
گبل ما تنداس ريحانة نبيك=العطش خله حسين يتعنى ويجيك
بحر يطلب ماي من احبوبك
يوم أگبل لك على هيئة ملاك=ماكو سهم احساس من قوسه رماك؟!
بسألك چا بگت ذرة من حياك=ما عرگ وجهك خجل من شفته جاك
وچان يتصور تشيله اهدوبك
تنوجد لنهار من أصفى الصفات=لجل تتشرف ابشربة امن الولاة
وانت تعصي حسين وتطيع العصاة؟!=طاع موسى النيل گبلك يا فرات
وچان قاسي اويا لحسين اسلوبك
هان يم ذنبك يشاطي ذنب عاد=يا عذر يحويك في يوم المعاد
يم عتب ما يصبر اعليه الجماد=أنت أنت التغسل ذنوب العباد
شلون تغسل ما يك امن اذنوبك؟!

يا فرات الماي تهميه للطغاة=والحياك ابجوده تبعث له الممات
ذوله مو أي ناس ذول اصل الحياة=ذوله أهل البيت يا شاطي الفرات
جوك عطشانين دگوا بوبك
منته يفرات العطش منته ابوعيك=عجل سبط المصطفى ابشربة يبيك
يا نهر لفرات متگلّي شفيك؟!=العطش خلّى حسين يتعنى ويجيك
بحر يطلب ماي من احبوبك
يوم جاك حسين عطشان ورجاك=چان خذت الماي وگلت حسين هاك
ما انتكس راسك وجل عاللي رواك=ما عرگ وجهك خجل من شفته جاك
وكان يتصور تشيله اهدوبك
يا نهر خل عندك اويا حسين ذات=هذا لبعذبه استوى مايك فرات
وطاعته فرض اعلى كل الكائنات=طاع موسى النيل گبلك يا فرات
وچان قاسي اويا الحسين اسلوبك
بينك وبين الشفية اشگد بعاد=جاك ظامي وبالظما يا وسف عاد
عندي ليك اعتاب يفت حتى الجماد=أنت أنت التغسل اذنوب العباد
شلون تغسل مايك امن اذنوبك؟

ياعجب نعتوك أبسر الحياة ! = وأنت امطيت السبط جرعة ممات
تعرف العاديت هم سر الصلاة ؟ = ذوله أهل البيت يا شاطي الفرات
جوك عطشانين دگـــــوا بوبــــــــك

لا تضن أن الشمس تطلع إليك = والله لو لطفال مضني يجيك
ويخلي نور الله اسف يسبح عليك= العطش خلّى حسين يتعنّى ويجيك
بحر يطلب مــــاي منّ حبوبك

ياعجب نعتوك أبسـر الحيـاة ! = وأنت امطيت السبط جرعة ممات
تعرف العاديت هم سر الصلاة ؟ = ذوله أهل البيت يا شاطي الفرات
جـوك متعنيـن دگوا بـوبـك

لا تضن أن الشمس تطلع اليـك = والله لو لطفـال مضنـي يجيـك
ويخلي نور الله اسف يسبح عليك = العطش خلّى حسين يتعنّى ويجيك
بحر يطلب مـاي مـنّ حبوبـك

اشبعك بالماي وبالشهرة اعتراك = ارخصك اسمه وللمجد اهتداك
وتدري ان حسين من عنده سواك = ما عرگ وجهك خجل من شفته جاك؟1
وچان يتصور تشيله هدوبك

مو عجب موسى يقدم معجزات = وهو كل ما يملكه گطعة عصاة
وما تطيع حسين وهو ملكه حياة = طاع موسى النيل گبلك يا فرات
وچان قاسي اويا لحسين اسلوبك

من بعد لحسين لا تعلن حداد = خلي مايك يبگى شاهد للعابد
يوم صرت إبخيل له عند الشداد = أنت أنت التغسل ذنوب العباد
شلون تغسل مايك امـــن اذنوبـــــك؟

عتاب ما يجدي ولا يجمع شتات=ولا يرد الروح من بعد الممات
ولك هذا حسين وانصاره الأباة=ذوله أهل البيت يا شاطـي الفـرات
جـوك عطشانـيـن دگوا بـوبـك
حسين حط ارحاله وخيّم عليك=خبر عنه اتگول ما وصّل إليك
ليت مايك غار وبحق المليك=العطش خلّى حسين يتعنّـى ويجيـك
بحـر يطلـب مـاي مـنّ احبوبـك
ما خجلت امنّه من ساعة لفاك=گاع وما يمتلي حتى حصاك
وساحلك ما اضطرب لجله ومن رآك=ما عرگ وجهك خجل من شفته جاك؟
وچان يتصـور تشيلـه اهـدوبـك
الله سن قانون في هذي الحياة=ومن خلاله أوجب الطوع الولاة
مو على المخلوگ حتى الجامدات=طاع موسى النيل گبلـك يـا فـرات
وچان قاسي اويا لحسيـن اسلوبـك
أنت للعطشان في يوم الجهاد=تشد من اعزومه وتروي للفؤاد
وكلّ شي تحييه يا روح الجماد=أنت أنـت التغسـل ذنـوب العبـاد
شلون تغسل مايـك امـن اذنوبـك؟

طُهروا امن الرجس وامن الموبقات=هم أصل ماهم فرع ماهم غزاة
سجّل القرآن مركزهم وُلاة=ذوله أهل البيت يا شاطـي الفـرات
جـوك عطشانـيـن دگوا بـوبـك
بصحرا قفرى نوّخ ابضعنه وَليك=بحرم واطفال وابّضعة نبيك
ولجل إثبات الجناية حُجّة عليك=العطش خلّى حسين يتعنّـى ويجيـك
بحـر يطلـب مـاي مـنّ احبوبـك
مثلَكْ مثل ملعون شيطانٍ عَرَاك=ومن يوم السقيفة فكر هالسافل غزاك
قلّي يفرات الخنى شلّي دهاك=ما عرگ وجهك خجل من شفته جاك؟
وچان يتصـور تشيلـه اهـدوبـك
مو غريبة بالعشق طاعة وثبات=وين وينكَ يا فرات عن هالسمات
قصّة بالقرآن يرويها الرُواة=طاع موسى النيل گبلـك يـا فـرات
وچان قاسي اويا لحسيـن اسلوبـك
مايك ابلذنوب ساح بكلِّ واد=نَاصَرْ الأعدا والحسين إبْلا إٍياد
بعد قتلك للحسين نادَ المُناد=أنت أنـت التغسـل ذنـوب العبـاد
شلون تغسل مايـك امـن اذنوبـك؟

إخواني،،

ممكن أعرف شلون أطبع هالحروف:
گ
چ

وشكراً

شكراً لكم أخواني الشعراء ،،

لقد أعدتُنا إلى قبر الحسين ..

..جنان..

گ : بالضغط على Alt+00144
‍‍چ : بالضغط على Alt+00141