أبذكر ليكم احچاية اويمكن تاخذوا العبرة
في مرّة من المرّات صارت حالتي گشرة
تعرفوا ليش يخواني؟ لأنّي واحدٍ طماع
لأنّ البطن من جوعه لتسويل النفس منصاع
لكن گبل ما أحچي عن القصة يأولادي
اوگبل ما نعبر الغابة اوندخل باطن الوادي
أريد اللي يتابعني يصلّي عالنبي الهادي
اوعلى أهله نجوم الدين مأوى الجاي والغادي
في مرّة من المرّات عصيدة أمي طبختها
في بنچ الشتا القارس لجل أفلاذ چبدتها
ويش اوصف عن الطبخة اوعن الإيد اللي سوّتها؟!!
كأنها رشّت الدهنة ابحنان اتعصره مهجتها
وانا من لهفتي مدّيت إيدي اوعنّزت كابين
گلت بزلط طوايفهم اولو حل اعلى راسي البين
أو وفّيت العهد يخوان گولوا عافية اوصحتين
اومن بعد الأكل تدرون طلعت اركض ابهمّة وين؟
طلعت اركض إلى الكورة أشوّت ويّا لصبيان
واشلّخ عدل من أسمع (والله زين ايشوت افلان)
بس لحظات اوقسّمنا اوراكضنا مع الأخوان
اوشمس ذاك الصبح طلعت تدفّي كونها البردان
ولا شفت الا بطني ايموج يمنعني عن الحومة
اوكثر العرگ سبّحني اوخبّرني عن الحومة
مثل طابوگة تدّحرج وسط بطني اذا أركض!!
ويش البصر يامجنون في أحلى لعب تمرض؟!!
تركت اللعب وتواريت أتختلف مثل بومة
اوگلت هذا عقاب اللي يهشّم بالطمع بومه
..
..
