بس بيَّن هلال حسين=بانت بعده الأحزان
گامت زينب اتنادي=هلَّت فجعتي ابلخوان

يزينب أعتذر منچ= أنا هلال الأسى والبين
سألتچ بالله عذريني=فجعتش في أخوچ حسين
مهو بيدي يمبرورة=أفطُّر گلبش ابلونين
لكن كتبة الباري= انعزِّي الكعبة والقُرآن

يهلال اوَّل محرَّم=ماهو بيدك اللِّي صار
دم حسين بالغبره=أو توسيده على الأوعار
لو صدره تدوسه الخيل=لو شبِّ الخيام ابنار
كل اللِّي جرى اعلينه= أسبابه من العدوان

يزينب آنه مثلاتچ= حزين اوگلبي متفطُّر
على اللي اتوسَّد الغبره=ثلة ايَّام متعفُّر
وعلى اللِّي بالعمود انصاب=أوعينه بالدما تگطر
عليكم هالدهر جاير= مايُعرف وفا وإحسان

أشوفك منخطف لونك=أو ظهرك منحني يهلال
وعلى حسين انكسر گلبك=أو دمعك عالفضِل همَّال
صحيح انك تواسيني=وتخفُّف عنِّي الأهوال
بس منهو اليواسيني=بعد ماتتوسَّد التُربان

ملكٌ للكلمة...
مختزلٌ للحرف.........!