إحنه السّوَر والذاكر قرانه
او قرآن النبي زاير قـُـرانه
عليه مبروك من يعقد قـَـرانه
ابهالليلة البريكة اعلى البرية
عدنا ابكل سنة هاليوم عادة
نور المصطفي المعبود عاده
يـَـلـمـْـوالي معادي الزهرا عاده
وانصب عيدك ابأعظم مسية
إعلگ زينة افراحك او حرّه
وفي ميلاد البتولة الشيعة حرة
ويموت ابغيضه من في افاده حرّه
وخل يعصر على گلبه لومية
أملاك السما الرحمن مرهم
أهـْـل الجنة يا جبريل مرهم
على دارٍ غدت لجرح مرهم
او بارك للنبي وأهله سوية
بسناها فاطمة الأكوان ملها
وشيعة طه غير الزهرا ملها
تفطم كل محبّيها وملها
تنجّيهم من النار اللظية
محبيها ابصراط الحشر منجاة
لأنها للغريگ اشراع منجاة
جانه الخير والأفراح من جات
جليلة امشرّفة وعذرا وتقية
هدية امن السما الرحمن درها
عظيمة امطهّرة لله درها
أصفى من ذهب يثرب او درها
ولجلها انخلگت السبع العليّة
لولاها علي والنبي لا صار
ولا بكون الفلك موجوده لاصار
او ما يخفي الفضل جاحد ولا صار
على بطلانه في حگ الزچية
گلب ايحبها متطمّن او هادي
وسر مستودع الباري والهادي
الله للبشر هالبضعة هادي
أعظم هادي او أشرف هديّة
لا تبخلون بلمبارك للنبي
