هذي هدية وصلتني من چم ليلة من عند ..... والله أگول ليكم مابعلِّم احزوا انتون ابروحكم

وبصراحة طعمها مسيطر تماماً انسيت روحي وأنا آكل فيها


لأنّ طعمها بصراحة لايقاوم ، وعلى گولتهم اسأل مجرب


أوف كشخه بس إلا مسيطره / في العمق / تحطيم


من إيدكم الكريمة إن شاء الله


لا كلشي ولا هذي عاد ، بسوي عزيمة في بيتنه للشباب هالمره وأبغي صحنين ثلاثة


ننتظر الجايات بفارغ الصبر ، وبنجهِّز ابطونه عدِل

أوف عجايب أشوه خليت الفراولة للأخير أكلتهم وكانت نهاية طعم لايقاوم وموفقة جدّاً عليي بالعافية

من إيد مانعدمها إن شاء الله وشكراً شكراً شكراً لما لانهاية على هذا الذوق الراقي

بصراحة أخجلتوني

شكراً

ماشاء الله
في تشابه قوي بين هالأكلتين
عليك بالعافيه هالحلاوة المنقطه
وتسلم يد إلي سوتها

السلام عليكم ورحمة الله وبركاته،،

ماشاء الله ونفس الصحن بعد

تحياتي الكابتن

نفش السي..
بس الأولى مبهـّرة..

مُـشـكِـل!

الله لينا

أشوف بدوا ايغارون الجماعة

عليي بالعافية والله




تحياتي

سلام ....

أشوف قام لطرش لناس وناس يعني !!!
ويش السالفة ؟؟أحنا من متى نلعي نبغي شي من إيدهم الكريمة بس محد إفيس كلش..
منهو قدك يا آمنت بعد أكو من قلت سيدة الصحن وصل لبيتكم .. :ph34r:

وإحنا الله لينا
نبغي بس أحد يقول أكو في بيت فلانه في ديك الجهة وزن الصحن لكن ويش أقول الصفاعة أنوااااااااااااااااااااااااااااع
لكن مو مشكلة إلا أسوي ديك الطبخة ويا زهرة الربيع حبيبتي وحط الصور وخليكم تتحسرووووووووون عليها ترى أني خطيرة في الطبخات ،،،
أكنسل حتى على شهريار وشهرزاد بعد ....أحم أحم ...

والعزيمة الي كنا ننتظر إنسويها في بيت الكوثر طارة كل مرة أنقول ليها قالت تعالوا وجيبوا صحونكم وياكم ؟؟؟!!! شفتون
حتى عزيمة على مينو وجبس وكاكو ما عزمتني ،،،، وناس أطرش ليهم بارسلالالالالالالالالالالالالات !!!! لكن ما عليه
كله يطلع في الغسيل في يوم ما وزمان ما ......

تحياتي

الله لينا يا اّمنت

قول عاد عزمنا..

عليكم السلام


مايصير بعد اتطرش للأعضاء كلهم أكيد ماترضونها اتكسرون ميزانيتها


مافي سوالف ولاشي ، انتين بس اطلبي وعلى طول بتشوفين طلبش بين إيدينش


عليي بالعافية ، وعليكم بعد


الله للجميع ، ومنهو أكبر من الله


لالا ماأعتقد صفاعة ، كل هذي صفاعة؟!! عجل الكرم ويش يطلع؟!
يعني هذي صفاعتهم چدي كرمهم ويش اسوي فينّه الله يغنيهم ويزيد من نعمتهم


ياالله نبغي انشوف فنِّش


گوية هذي


الكوثر وباگي الشِّلَّة أكيد مابيگصرون ويّه أحد انتون بس اتفقوا ويَّاهم على الوقت المُناسب وبتشوفون اشلون الكرم
ولا حاتم الطائي







تحياتي

هلا والله بنور إلي ما تبين ، جي متغوية اليوم ؟



أي والله يختش ، هذا انتين بعدش بعد ما عرفتين كل السوالف ! يتصلون يسألون عن المقادير وقول يتشفقون علينا ولو بوحدة ؟! عبسسس ..
آمنت حضه قايم طرشوا ليه الصحن بكبره " عليه بالعافية طبعاً " وأحنا ولا نتفه ؟ ولا فراولية بعد!



أوكي ولا يهمش ، انتين بس تعالي وجيبي المقادير وجوفي نطلع إبتكارات لو لا ؟ وخل بعض من الناس بعدين عاد يتحسرووون ..



لا عاد هي قوييييييييييه شوي ! يعني إلا بشلخ يشلخ شوي مو جدي وااااجد ..



ههههههههه ، عزيمة قطري ترى وصلتني أني بعد بس للأسف ماعندي وقت أروح بجياس لو خليه من الليلة اروح لكن محملة بأشياء ما استطيع ..
ويوم الا بصير الغسيل خديني وياش ترى أصلح ..

أحد قال كل الأعضاء؟ بس احنا توزيع داخلي يعني ،،


طلبنا ياخوك وطاحت من بوزنا أنتف ولا وصل شيء ، إنجان بتتوسط لينا ..



بعدكم ما شفتون شيء ، هذا الكرم الأولي لكن كل ما تزيد المعرفة يطلع المستخبى ..

عما قريب حصرياً على شاشة ركن المطبخ ،،



يصير خير نجرب ونشوف ولو أن إحنا اتفقنا لكن ، يمكن نسوا جل من لا يسهو ..
لكن ما في ضير من معاودة المحاولة لعل وعسى ..

ولنا لقاء قريب ،،
زهرة الربيع

عزمنا عاد

في وين عاد

السلام عليكم ورحمة الله وبركاته،،[/quote]
وعليكمالسلام والرحمة يا هلا ومرحبا بالطرش والرش ودهن العود لمرشرش....


والله صدق عليهم بالعافية ولكن .... ويش أقدر أكول بعد...


ويش قصدش؟؟؟!!!

ماتشب
يا علي ما صار هذا جبن وجاي ، والمشكلة السليس من عدنا !! والبسكوت المالح بعد .. يعني كل مرة لازم محملين ،، وبعد بيطلع من إجبودنا ...


أكيد عجل أحد يعزم ناس وناس ويرسل مراسيل محملين بأشياءات وحنا نتفرج بعد ما خلت لصحون !!! والله حسافة على العشرة الطويلة والعيش والملح اللي بينا ... المفروض أول يشملنا التوزيع بعدين يصير النطريش برع؟؟؟
مشكل الله أخلي أبو أحم أحم بس أقوله بجيب ،، ونين رحنا بيتكم بنحمل ويانا قدوعنا بعد .. زين ..



حشى ويش هالرزالة من قلتهم لصحون أكو سوق الأحد عامرة لا تروحين بعيد ، بعدين كان المفروض أتقولين تسلم راسكم فداكم لصحون .. هشكل مو له ..


ألحين حياكم بعد ما هزأتينا .. خلني آكل هالخبز والجبن في البين أستر لي .. وخلي أكماجش لش ياكله النمل .. جزاتنا أنرغبش في الأكل ،، والغدة الله أخلي الماما لينا وطول في عمرها ما نستغني عن غداها ...


على ويش ؟؟؟

الثالثة عصرا[/color]

ويلي ويلي ،، زاد الكرم والجود ،،،نحمل أكباسنا بعد لو من عندكم ؟؟؟ هههههههههههه




شكرا حبيبتي كلش ذوق ...


تحياتي الخالصة

واااااااو ياسلام

عزيمة أچباس وكاكوَّات

أنا أموت على الكاكوَّات

أنا بعد ويَّاكم لو لا؟!

لااتفشلوني عاد ، وينش يالكوثر؟!

تحياتي

[size=14][/size]

ولا يعزمون

لكن ما عليه جايه الايام اراويكم

بنشوف منو اللي يعزم الثاني

ويش عندك يا يا يا أحس أني مختنق يا الحبيب
هدأ أعصابك وافهم الكلام

مايصير لأنها خاصّه لآمنَتُ فقط

ياالكوثر : ويش الحل ويّه الصمت ألحين؟!





تحياتي

شكراً شكراً شكراً وهذي ثاني طبخة اتوصلني واللِّي في گلبه حرّه يعصر عليه لوميه

ها ويش رايكم؟!

إلا صحي بسأل أنا أكلت منها بس ماأعرف ويش اسمها هالطبخة بعد ؟! يعني لازم نعرف أسماء الطبخات
علشان اتصير عندنه خبره في هالمجال للمستقبل له

تحياتي

ياجماعة وأنا گاعد آكل على راحتي ماشفت وإلا واحد طاب عليي واتگول كأنَّه يشتم من بعيد دخل عليي المجلس وشافني آكل أنا وعبّاس وهجم عليي وشال الصحن وهذا إلا صار شوفوا

على فكرة اتصدگون عاد ضربني وباگي اشوي يتهاوش ويَّايي ايگول ليي تعطيني لا أعفسك عفاس هذي حاله بلاّ عليكم واتگولون أعزمه ، وإذا منتون امصدگين اسألوا عبّاس

تحياتي

ههههههه
العشى لمن عصى

بس افا عليك بعشيك وياهم