يجدّي گوم واسمعني=هذي الدّيرة آذتني

وگفت اعلى الگبر يا جد=محنيّة الظهر والباس
أبث شكواي من ديرة=ماتملك عقـِل واحساس
ورجيمين الذي فيها=رجـْـس وْ طاغية وخنـّـاس
شمـْـر وبن سعد وايزيد=و هذي الديرة آذتني

إبنك سيّد السّادة=في واديها نصب خيمة
داعي ابساحة الثورة=شبابه وشيبه واحريمه
و بعد كل ماجرى أمري=لأمر الباري تسليمه
هالديرة تدري وش سوّت؟=هذي الديرة آذتني

ضماير سودة چم شفنا=و قليلة الطاهرة البيضه
و رفع الراس فوگ اسنان=فضح شمر وكشف غيضه
محتوم أمري ومسلـّـم=يجدّي و لله تفويضه
وربي شايف ويعلم=هذي الديرة آذتني

أيام اللي عشناها=في هالديرة مهي أيام
علينا دارت الدنيا=وعلينا استچلبت ظلام
واحد من ورا نخلة=و واحد من ورا لخيام
چفوف الفضل گطعتها=هذي الديرة وآذتني

فرات حسين يا جدّي=تحوطه چم ألـِـف نگعه
و ظل الأكبر اينادي=فيها و ماحد ايسمعه
و تالي قاسم اتكلـّـم=إليهم وانگطع شسعه
و في لحسين والعباس=هذي الديرة آذتني

عشان اينول ملك الرّي=و يحكمها بهوى أمره
آمر بن سعد ملعون=إصوّب للطفل نحره
و ضميره باعه للدينار=والكرسي وبخس سعره
يجدّي و ما أگول الا=هذي الديرة آذتني

يبنتي خلي هالديرة وشيلي
ما تم شي الچ فيها وشي لي
صوتي انباح من ندبي وشيلي
ولطمي اعلى الصدر صبح ومسية