طالعني يا حيدر ابنظرة گبل ما موت=ومن گبل ما ايحل الگضا سمعني هالصوت

سمعني صوتك يا علي گبل المنيّة=وبنظرة من عطفك الحاني صد اليّه
راح افگدك يا صون عزي ابهالمسية=وانت الفاگد وآنه گلبي اعليك مفتوت

گلبي على اولادي وعليك اهموم مشحون=وما همني كل شي غيركم يا علي ابهالكون
لا كسرة اضلاعي ولا هو لطم لعيون=ولا هتك بيت النبوة أعز لبيوت

بمراعى هالأولاد ما يحتاج أوصيك=هم سلوتك في العمر من بعدي تسليك
الله يخليهم لك وليهم يخليك=وزهرتك يا حيدر تودّع منها بتموت

گبل الگضا ينزل عليّه بالمنيّة=وانچان اني امگصرة معاك اسمح اليّه
حزني اعلى فرگاك اشد من حزنك عليّه=ومن بعد موتي ارفع إليَّ ابليل تابوت

گال الها حيدر والحزن بالروح موجور=ما بدَى امّنّچ يا شريكة عمري اگصور
بس عاد لا تنعين نفسچ گلبي مفطور=لا غاب هالنور البهي ولا غاب هالصوت

توّي امفارگ والدچ عزي وذخري=ومفارگِچ يصعب عليْ يا بعد عمري
الفگد النبي ولجلچ تراهو انكسر ظهري=ولا بد يزهر امن الذي في اللوح مثبوت

گلبي على اولادي وعليك اهمو=مشحونوما همني كل شي غيركم يا علي ابهالكون