ربيت وياك من صغري=وعشت وياك أحلا سنين...
يمحلاها طفولتنا=قضيناها بسعد الإثنين...
يخوية اشتقت تصد ليه=وتسولف لي يا نور العين...
“يخوية“كلمةٍ مشتاق= أرددها وأنا وياك...
أنا اشتقت أسمع إلصوتك=وأشوف الضحكة بمحياك...
أريد أسمع أنا منك=“يخوية“وعيني بعيناك...
ترد الفرحة في قلبي=وتجبر خاطري الوجعان...
يخوية ومن شِفِتْ جسمك=على فراش المرض تعبان...
تفطر قلبي وسالت=دموعي بداخلي غدران...
يخوية وانكسر ظهري= وقلَّت منِّيِ الحيلة...
فوق المغتسل ممدود= يا ويل القلب ويله...
شِفِتْ جسمك يا روح الروح=شهقت بروح معلولة...
عديل الروح حاجيني=وبرِّد قلبي الموجوع...
دقوم انهض يا ضيْ عيني=ونشِّف من هلك الدموع...
أسافة ومن شفت نعشك=على أكتاف البشر مرفوع...
تمنيت البشر كانوا=إلى زفافك إجوا بسرور...
قصير العمر يا خوية=قلبنا بنار ظل مكسور...
ما ظن يهون تتركنا=ولكن بالسفر ”معذور“...
أصيح بصوت وبحسرة=على أيامنا الحلوة...
رِحِت يا خوية عن أمَّك=وكنت العينها سلوة...
يخوية ومن يجي ذكرك=تهل عيني على البلوة...
أنا اشتقت ألفظ إلإسمك=وأصيح بصوت يا ”عمران“..