يختي گومي باحاچيش=عندي وياچ كلمة راس
گبل هالراس ماينشال=وگبل ما هالصدر ينداس
عگب ما تفگدين حسين=وتنصابين في العباس
جسمنا لا تتركينه=بلا غسل وبلا أچفان

يبنت أمي تعالي اوياي=خلّيني أباراويش
مكان اللي يدوسوني=وفيه يحاصروني الجيش
أدري بكربلا صعبة=وزمانش مگبل بتوحيش
لكن هالأمر محتوم=وهذي كتبة الرحمن

إليّي بهاللأرض أقمار=مافي سما تحويهم
بعد الذبح ويّه الموت=ماواحد يواريهم
وعن حر الثرى ولشموس=طيور تظلّل اعليهم
ونا مابينهم مطروح=وكلهم يا وسف شبان

تعرفين النبي الهادي؟=تعرفي منهو الآيات؟
أنا القرآن والكعبة=ونا الإنجيل والتوراة
أنا اللي ما برحمونه=عديمين الأصل والذات
أنا البيت الذي ابراهيم=شاده وهدّه بن سفيان

حجاج الله وسط البيت=تصلّي بحضرة ابراهيم
ونا حجاجي يا زينب=يتامى وبالبراري تهيم
أنا تسعي اعلى ظهري الخيل=وصدري تهشّمه تهشيم
سيوف وأسهم وأرماح=في جسمي تگضي الأركان

وانتي امن الدّمع غسلچ=ونا يصير الغسل دمّي
وتلبـْـسي حرام وتلبين=واطّـوفي على جسمي
وسعيـِـچ بين خيماتي=تسعين الصفا لأمّي
سبـِـعةْ أشواط تگضيها=وتخبريها عن اللي كان

يبت لطهار ما وصّيچ=على سكنة وعلى لولاد
جمعيهم عن ايجوني=وآنه معفّر بلوهاد
يشوفوني بليّا راس=ولمثلّث وسط لفّاد
جسمي ما يتركونه=والأرواح في الأبدان

يشمّامة علي الكرار=وصيّة عندي واستمعي
رقيّة لا تخليها=وسكتيها إذا تنعي
او ونين اسكينة يوجعني=أزيد من وجع ضلعي
سكتيهم إذا صاحوا=عليّ والدمع هتان

على هذي الترب بتسيل=يا محزونة دمّاني
وبعد لحظات من ذبحي=يجيـچ ايحمحم حصاني
تالي يحرگوا الصيوان=وحرگوا گلبي عدواني
ساعة وللسبا تمشين=على الهزّل مع النسوان

أنا امن الحين يازينب=على الأيتام إلچ وصّيت
ولِـچ گلت الذي بگلبي=وعنـچ أمره ما أخفيت
لتگولي عگب عيني=جـِـبـِـتني وعني تخلّيت
ولا تگولي بعد تالي=عتب عندي على الإخوان

مأجورين