يخويه احسين يا عباس جيت اليوم شوفوني
ذكراكم بگت وياي وظنكم ما نسيتوني
أنا يوم الذي حول ضعنا حولت روحي
على گبرك ينور العين او زادت يا الأخو اجروحي
عليكم يا أبو فاضل أبگضي عمري ابنوحي
يكافل محملي زينب وديعتكم تخلوني
أبا خبرك على المسناة منظر هيج الإحساس
علم مطروح يا خويه مكتوبن عليه عباس
متى بتگوم وتشيله يبوفاضل يتاج الراس
وترفه على راسي يا عزي أو تحاميني
بعد مشهد أشد عندي ويخلي هالگلب نصين
شفت ادموم بالتربان وظن هاذي دما الچفين
أو سهم الگربه في جانب او لگيت اهناك سهم العين
تبغيني أعيش اشلون يا عباس حاچيني
أسولف لك يبوفاضل همومن داخل ابصدري
گبر ضمك يليته صار يعضيدي إللي گبري
عليه يا ثگل لحزان مثل لجبال لو تدري
أنا زينب عزيزه اشلون هالعدوان إذلوني
يكون الــ يحب محبوبه يرد اعليه لو عاتب
دِ گعد يا گمر عدنان خلنا اليوم نتحاسب
وحشني صوتك الغالي دليلي والحشا اتعذب
ِصد ليه يبو فاضل ترى فرگاك ماذيني