يزاير قبرها يالجاي في كل عام .... قاطع هالبرور وجاي أرض الشام
مخسّر مالك ووقتك وجاي الشام .... هاجر موطنك تبّي تواسيها
لا تضيّع اتعابك يالأخو مجان .... ولا يروح الأجر والفوز والغفران
ولا تخالف لأمر الواحد الديّان .... وتغضبها وتتقصّد تآذيها
رد وقال ... ماشي الشام اتصدّق على الأيتام .... واحوم السوق أزاحم جملة النسوان
جان احظي لي بنظره .... تطفي النار والحسره .... وأبرّد حرّة الآلآم
وليش تلومني يفلان .... وتترك لومة النسوان ... وانته تدري شتسوي باراضي الشام
تجي يازعم تبي تزور شكلها شلون يغريني .... ويخليني غصب مأسور
تلبس بالطو مخصّر ومثلات الحمامه تدور ....
تزيّد حمرة الوجنه .... وتغمّق حمرة الخدين ... وتحط الكحل وسط العين
وترش تنكر عطر وتلوّن الرمشين ....
وتوقف تحجي برقه مع البايع .... تسمعه هالكلام الزين
وتضحك له وتتبسّم .... وتتمايل وتتحزّم ولا تراعي حسن وحسين
وتطلع من تسع وتغيب للثنتين .... وتجيك الفجر تعبانه
ومن اللفات هلكانه .... وتنام وتغمض العينين
وتصلي الصبح تسع الصبح .... والمخفي يخويه ما تشوفه العين
وتروح تصلي المغرب وتمسك بيدها الشبّاك ... وتبقى تنتحب وتنوح
ومن بعد العشا الأرض السعيده تروح ... وتدري هناك كل شي يالأخو مسموح
تدري هناك ويش يصير .... الحلوين ، والطيبين , والسنعين ما منهم ابد تقصير
وليمن رجعت البحرين جوها الناس .... قالوا الله يتقبل ... شيتقبل ؟
زيارتها انطرّت يالأخو نصين .... وعملها تدري يوصلها لوين ووين
هذا يرضي الحورا ويرضي ام الحسن وحسين ؟
يالدرازي يجعفر روح ...الى الأرض السعيده روح .... وسجّل كل شي تشوفه
وود القرمزي وياك باقلامه وقراطيسه ... وخل يكتب شعوره وكل أحاسيسه
بس يحمل معه سيفه ومتاريسه .... وليمن عدت يا جعفر الى البحرين
سوا لينا قصيده لو سطر سطرين .... عن الأرض السعيده ولمّة الطيبين
وعن الزوار والوفّاد والماشين .... وعن واحد من الله بخطوته ما خاف
وعن كلمن يدور السوق لابس هاف .... وعن كل شي على بالك يمر لا تخاف
ترى احنا يالحبيب ضعاف .... نسوّي هالمناكر دوم ونمشيها
وعبادة ربّنا دايم نخليّها .... ونحضر مولد الزهرا ونقول احنا نواليها
بدون العمل يوم الحشر لا تصدق نلاقيها ....
اعذرني المختفي المخشوش بيّنته .... وبانت كل مآسيها
وختام القول .... أحلى القول .... يا جعفر يالدرازي ...بعالي الصوت رد وقول
وصل اعلى النبي والآل راعيها .

•

القيت في الإحتفال بمولد السيدة الزهراء الذي أقامته حملة الجعفرين بدمشق مقابل حرم السيدة زينب ( ع ) في سوريا في اغسطس 2004 م , بحضور جمع غفير من الزوار .

حسن القرمزي

السلام عليكم

شكرا يالقرمزي

قصيدا ممتازه كلامك تمام

هذا الذي يحصل في سوريا بلفعل ويسمون روحم زوار

عدرينا يازهرة

روعة ياأبو علي

];شكرا الى الاخ حسن القرمزي على هالقصيده الرائعه التي جاءت في عمق الحقيقه المره التى يعاني منها الزوار من خلالمايشاهدونه من مناكر