ياعضو كتلة المنبر واسمك(محمد) عجب!!!
هالاسم عنك تشرف لاگي لك اسمك لهب
**************************
لهب لوسموك هم ماينصفونك بالاسم
صارت افرازات غشك من السانك تنهضم
مبتلي بالمرض انته بيك حقد او بيك اثم
تدعي مسلم اوتخدم من أجل حق الشعب
الشعب ميريد مثلك وانته تهجم يظالم
توصفه بالقاتل الفاسق المعني بالجرايم
هذي ثوبك والبس الها وللمنافق ذي علايم
غرك المنصب الواهي ماتگلي شالسبب
هالشكل تكره الشيعة وصرت تتجرأ عليهم؟!!!
انته متحاسب ضميرك تشتم الطيبين فيهم
بعد واتجاهر ابسبك هذا انصافك إليهم؟!
وانته ماتحترم نفسك ليش ماعندك أدب؟!
ليش هاجت بك اعصابك من الفلوجة وذكرها
وين عّن النجف انته ليش ماجالك خبرها؟
لو بعيد اتكون منها لو ميعنالك أمرها
ويش هالتفرقة العندك هذا أعجب من عجب!!!
عيب منك هالتصرف عيب منك هالكلام
الشيعة والسنة ابلدنا وحده في وقت الزحام
وانته جاي اتريد فرقة واتقطع احبال الوئام
واليسب الناس حتماً نفسه إياها يسب