يقول انه أكاديمي
وأنا الجاهل وهو أكاديمي
خله يصف شعري الأكاديمي
أنا خليت في محرم دمعه جريه

حتى النبي قالوا له أمي
ما يقرى ولا يكتب الأمي
ما يدورن ويش سوّى الأمي
هد عروش فارس وكسرى الأعظميه

يا صاحب بلاعيمي=باحت من كفر ما صيح
لا تتعب ولا تطالب=وفي غار الشگى لتهيم
نصيباتي وتقاسيمي=أنام اوأصحى بالتجريح
وآنه حاضر وغايب=تحتي مسنـّـنين السيم
وما أدراك ما سيمي=وما أدراك ماهو البيح
وصاحبنا أبو الغايب=في حگـّـه صدر تقييم
إللي مو أكاديمي=ما يفهم شنو التصحيح
ناهيك إنه مو طالب=فما يصلح إلى التحكيم

يصوت الصمت صوتك لا تعبه
الجاهل يتعبك ما تعبه
الأكاديمي صار وين تعبه
خله ينفع الديره شويه

أكاديمي ما ينفع الديرة
وجهك عنّه يتوجّب ادّيره
التواضع صف ودروسك ادّيره
ومحامي الناس ينصف كل قضية

على الحادي جمر دمعي أهلّه
يتيم هلاله غاب ولا أهل له
هلال حسين مو مثل الأهله
طفت أنواره أفواه المنية

أكاديمي اسم والعگل همبه
ضميره خايف وتعبان هم به
ومن واحد نجح وامتاز هم به
إلى التشهير مابين البرية

أكاديمي أسم والعقل لعبة
جه يشلخ علينه إب لِعبة
ومن يسألونه ما يعرف ال لِعبة
حتى الطفل أفهم امنه

أكاديمي متعلم لكن أهبل
ومن حضرة هُبل حضرته أهبل
من الأهبل يصاحب صار أهبل
إسوّي الريحة ويأشّر عليّ