خل يگول اللي يگول
كلشي ميهمني بعد
مو مهم اسمي عميل
هذا هو سلك البلد
آنه بترس هالجيوب
وبگى في عمري ولد
ألعب ابكل الحروف
وگعد ابجنب الأسد
ووصفه شاهٍ عظيم
ما كو مثله ينوجد
يا حلو لون الفلوس
تنفع ابوقت الشدد
أدري بالافٍ تموت
والشعب كله انجلد
ما گلت عنه يجوع
هذا ما أگدر أبد
ما تطاوعني الحروف
وحچي العدل انفگد
عندي ما يرضى القصيد
والقلم حبره جمد
لكن ابروحه يگول
ليمدح أهل المجد
ليوصف ثوب الملك
ضحكت القائد مدد
الملك يعني الملك
خلو عنكم هالحسد
الملك ما فوگه فوگ
قل هو الرب الصمد
عاش محبوب القلوب
يا حلا الدنيا ابحمد