راحت البضعة الغالية فاطمة الزهرة=وگلبي على افراگ العزيزة ويش ايصبره

فراگ البتولة سهم ساطي وسط لفّاد=سافرت عني ويتّمتني گبل لولاد
وكلما ذكرت ايامها بيّ الحزن زاد=وجرح اللي صوّبني ابفگدها وين يبرى

بضعة الهادي اللي أنا ابها دوم ملزوم=بس لا يشوف المصطفى بضعته ابهاليوم
لضلاع منها امكسرة والوجه ملطوم=وليكون يسمعها تتألم من العصرة

باچر إذا واجهت ابن عمي الهادي=وگل لي يحيدر بضعتي وبهجة افّادي
اشصاير عليها امألمة جتني تنادي=يا والدي حگ الرسالة شوف أجره

باچر رسول الله إذا يسألني عنها=من بعد ما يستخبر ويعرف امنها
ويعاين امن الضرب متورّم متنها=باچر إذا يسألني عنها ويش اخبره

ما أگدر اتحمّل اخبره عن هالمصاب=وشلون اخبره الزهرا عصروها ورا الباب
وصابوا صدرها واسگطوا محسن بلعتاب=وچم صابها امن امصاب في الهجمة الگشرى

لمّوا على الزهرا يتاماها ينوحون=وحيدر يحاچيهم يأولادي على هون

بالهون ودعوا امكم الزهرا يلولاد=وجروحها لا تلمسوها الألم يزداد
يكفيها ضيم انتابها من جور وعناد=وخفوا على امكم يا ولادي من تودعون

يا حسن يبني أمك الزهرا بترتاح=خفف عليها وبطل الضجة ولصياح
مملي گلبها والجسم يبني بلجراح=وصعبة عليك تشوف لطمتها بلعيون

ويحسين بصياحك عليها گلبي مفطور=والحالك وحالتها بيّه الحزن موجور
عن صدر أمك گوم منها الضلع مكسور=ويولاد بسكم عاد خفوا لا تنوحون

وصد للوديعة وشافها زايد وجدها=تبغي اتقبّل أمها في خدها ويدها
گلها الإيد امألمة وصفعة ابخدها=وامن الضرب يبنيّتي مسودّة لمتون

زينب يبنتي اتجلّدي ، يا حسن ، يحسين=أمكم دخلّوها مرتاحة امغمّضة العين
يكفيها كسر اضلاعها وتسگيط لجنين=وليكم بعدها الصبر والله يكون في العون

السلام عليكم

قصائد معبرة للمناسبة المقصودة

مأجورين بقرب وفاة سيدة نساء العالمين

شكرا الفك المفترس على القصائد

تحياتي