يا با الحسن ياحيدر يا با الحسن يا حيدر=يبچي عليك المسجد او يبچي عليك المنبر

بعيوني شفت اهمومي من شفتك إيحملونك=ابگلبي أنا امصوبيني مو انته لمصوبينك
سالت دموع اجفوني من سال دم اجبينك=زايد عليك اونيني او يبچي عليك المنبر

ما گلت إلك لا تطلع هليله بويه المسجد=إحساس عندي چنك من طلعتك ما بترد
بس ما مشيت أفادي خلفك مشى يتوگد=آهاتي لا ما تنعد او يبچي عليك المنبر

ما مره صحت ابحيدر إلا الولي لباني=ابوگت الرخا والشده أبدا ً فلا ينساني
جاوبني لا اتصد عني زادت ترى أحزاني=آه يا الذي رباني يبچي عليك المنبر

باب الحصن هزيته او راس ابن ود حزيته=يا اللي الفوارس ترعد وتخاف بس من صوته
چيف ابن ملجم صابك شلت يمينه ليته=لك مدمعي هليته او يبچي عليك المنبر

فتح عيونه ويلي تفداه عيني الوالي=او گلها يزينب دمعچ يا الغاليه والله غالي
لا تكثرين اعتابچ تدرين عن أحوالي =يبچي إلچ دلالي او يبچي على هالمنبر