$. كيكة التمر بالتوفي لذيذة وعلى ضمانتي .$

$. كيكة التمر بالتوفي لذيذة وعلى ضمانتي .$

تتبع الموضوع | أرسل لصديق | أعد هذا الموضوع للطباعة

« الموضوع السابق | ديوان المطبخ | الموضوع التالي »

البيت السعيد

حرر في 24-09-2008, 10:01 مساءً

عضو متابع

المجموعة: الأعضاء
المشاركات: 256
رقم العضوية: 437
تاريخ التسجيل: 3-12-03

وسام: «طاهي بارع»

السلاااااااااااااااام عليكم ورحمة الله وبركاته،

يايبة لكم اليوم طبخة حلوووة وااايد، خصلت الكيكة ما شاء الله بسرعة، فعلاً روعة،

حتى مع بداية الإفطار، وكيكة مفيدة في نفس الوقت حتى لليهال، ويتشجعون ياكلونها،

كيكة التمر

المقادير:

(المجموعة الأولى)

كوب ونص تمر بدون نوى
ماي حار
ملعقة كبيرة دارسين
ملعقة كبيرة هيل مطحون
وإشوي زعفران

(المجموعة الثانية)

كوبين ونص طحين بالخميرة
كوب سكر
3 بيضات
نص زبدة
ملعقة كبيرة باكينغ باودر
ملعقة صغيرة بيكربونات الصوديوم أو ملح
ملعقة صغيرة فانيلا

الطريقة:

1- ناخذ مقادير المجموعة الأولى وخلطيها زين ما زين بالكفشة، وترى السمسم كان في التمر نفسه،

2- خلطي الطحين مع الباكينغ باودر وبيكربونات الصوديوم وخليه على صوب،

3- خلطي الزبدة مع السكر زين ما زين

لين ما يصير شكله هلون

4- بعدين ضيفي بيضة وخلطي ثواني، وردي ضيفي البيضة الثانية وخلطي ثواني ونفس الشي للبيضة الثالثة،

5- بعدين ضيفي الطحين على هالخلطة وضيفي خليط التمر اللي خليناه على صوب، وبيكون بهالشكل

6- وبعدين دهني القالب وصبي الخليط فيه،

7- وخليه في فرن مفتوح من قبل، وكل فترة تأكدي إن الكيكة إستوت وتدخلين عود خشب علشان تتأكدين منها،

8- أحين على ما تستوي الكيكة نشتغل على الصلصة، بنحتاج إلى:
( علبة قيمر + سكر + زبدة + جبن كيري حبتين هو إختياري)

9- تذوبين السكر وتضيفين عليه الزبدة مع القمير والجبن، وتخلطينه زين ما زين وبعدين ترفعينه من النار،

10- طلعي الكيكة من الفرن، وبعد خمس دقايق قلبيها وصبي عليها الصلصة،

وزينيها بالمكسرات اللي متوفرة عندج، بس أحلى شي الفستق واللوز وخليها تبرد وبعدين قدميها، والكل بيمدح فيج

وبيكون هذا هو الشكل النهائي

وهذه صورة مقربة للطبخة

وهذه من داخل عقب ما قصيتها،

وهني وعاااااااااااااااافية على قلوبكم