موقع قرية كرانةضوابط الكتابة
  مرحباً بك أيها الضيف الكريم ( دخول | تسجيل ) إعادة إرسال طلب التصديق
بحث | الأعضاء | التقويم | مساعدة


كليب تصاريف الزمان للمبدع بندر عاشور و النجم الصاع :: writing eng 201 كاملاً :: اصلاح البرمجه وبرمجة جميع انواع البي اس بي :: -جيليبريك إيفون+أيبود والمزيد :: عاجل وفاة الأمير محمد بن سلمان آل خليفة :: أبيات حسينية رائعة بصوت الرادود ياسر الحمران :: فبراير – 21 فبراير ضمير الحُب والشهادة :: من السجن إلى اللؤلؤة :: ثورة الا بطال :: مسيرتان حاشدتان من «السلمانية» و«السيف» باتجاه «ال :: الإعلان عن طرح 7497 وحدة سكنية للإنشاء في 2011 منه :: تعلن لجنة المهدي الثقافية بمناسبة الأربعين :: تغطية مصورة: تهديم قبلة مأتم المحموديات :: شعر بحراني عن الزواج :: نور الزهراء تدشن موقعها من جديد :: "... زيــــــنب (ع) ..." :: للبيع موستنق كوبرا 2003 :: إبداع :: Beautiful cat :: وحشتوني ::

 
تعقيب على الموضوعالمشاركة بموضوع جديداستبيان
> قصة بحرانية كشخة (يوميات محمد وزينب ) عشق وغرام, عجيبة!!..
قوت القلوب
حرر في 12-04-2006, 01:39 مساءً Quote Post


عضو مِئَوي
****

المجموعة: الأعضاء
المشاركات: 182
رقم العضوية: 3929
تاريخ التسجيل: 19-01-06





يلااااااااا

كمليهاا


صورة مرفقة
صورة مرفقة


---------------------------------
ديوان الثقافة
ديوان الثقافة
PMEmail Poster Top
سنابسية والنعم
حرر في 12-04-2006, 06:26 مساءً Quote Post


عضو منتمي
*****

المجموعة: الأعضاء
المشاركات: 394
رقم العضوية: 4525
تاريخ التسجيل: 8-04-06





تعبت واني اقرأ متى تكمل اففففففففف
كمليه وفكينه قصلصل

تحياتي هلولو


---------------------------------
ديوان الثقافة

ديوان الثقافة
PMEmail Poster Top
كرانية والنعم
حرر في 12-04-2006, 08:11 مساءً Quote Post


مشرفة سوالف الدالية
*********

المجموعة: مشرفون
المشاركات: 6594
رقم العضوية: 2175
تاريخ التسجيل: 6-04-05



وسام: «من سيربح المليون؟»



أوكي wink.gif


حدش عاد سنابسية ترى الكرانيين ما يرضون علي cool.gif

مر شهرين و زينب و محمد هم على هل الحال تلفونات و مسجات واتصالات

و جا اليوم الي محمد لازم يقول الى امه انه بيخطب

محمد : اماه انا ابغي اقول لش شي

الام : اي قوول

محمد : انا ابغي اخطب

الام : صدق منهي سعيدة الحظ ؟

محمد : تعرفين بيتحجي ناصر ’’ الي كانوا ويانا في السفر

الام : اي

محمد: بتهم زينب

الام :

محمد : اماه ويش فيش ؟

الام : لا ما فيي شي ,, بس مستغربه يعني انت شفتها في السفر و عشقتها

محمد : اي

الام : باجر باروح الى امها

محمد : لويش باجر ,, روحي الحين هي سالفه

الام : عطني صورتك

محمد : لويش الصوره

الام : عشان تشوف البنيه شكلك له

محمد : هههه اي لحضه

راح محمدو يدور له احلى صوره

محمد : ها

الام : حلاوة ولدي

راحت الام بيت حجي ناصر

و طقت الجرس

طلعت الام ليها ودخلتها داخل و قعدوا يسولفون و تنط ام محمد في الموضوع

ام محمد : اني جايه يا ام علي هني ,, اخطب بنتش زينب الى ولدي محمد

ام علي : يا هلا ويا مرحبا فيكم ,, هذي الساعه المباركه

ام محمد : و هذي صورة ولدي محمد جان تعطينها زينب تشوفه

ام علي : اي , ما عليه

ام محمد : ولدي يشتغل في شركة ...... و عمره 21 سنه ,,

ام علي : اي ,, الرجال بشغله وبأدبه ,, احنا بنسأل البنيه وبنعطيها صورته وبنعطيكم خبر ان شاء الله عقب فلافة ايام

ام محمد : ان شاء الله

و هم جدي الا بقبلة الجده

الجده : شحوالكم

ام محمد : حياش الله والنبي ,, شحوالش ام ناصر

الجده : حياش الله ,, عفر انتين من ؟

ام محمد : اني ام محمد له

الجده : الي كسر ايدي و خلاني ماليي حال

ام علي : عمتى هو ماكان يدري

الجده : ايه ’’ الله يسامحه

ام محمد : احنا جايين يا ام ناصر طالبين القرب منكم

الجده :

ام علي : ولدها محمد طالب ايد زينب بتي

الجده : ايه ,,

ام محمد : يلا اني الحين باقوم ,, و الي فيه خير بصير

ام علي : ويش عاجلنش ؟

ام محمد : ما عال عليش عدو ,, باقووم الجهال بروحهم في البيت ’ مع السلامه

ام علي : الله يسلمش

و طلعت

الجده : تعالي شوفي ايدي صارت زينه وداني خليل الدختر و داووها

الام : اي هاكي شكلتها زينه صارت

الجده : اي ما تعورني مفلات لول

الام : الحمد لله

راحت الام داخل حجرة زنبوو وهناك زينب حاطه الاغني على حدهم

و من دخلت الام قصرت على الاغاني

زينب : ويش اماه

الام : بندي هل المنكر

زينب : هدحنا بندناه

الام : امشي قعدي باقول لش شي

زينب : قولي

الام : تعرفين محمد الي صار ويانا في السفر

زينب : ايي

الام : جايه امه ,, خاطبتنش له

زينب :

الام :

زينب :

الام : هاش صورته شوفيه

و اخدت زينب صورة محمد لو تشوفونه في الصوره حليو مصور ديجيتال

زينب في قلبها : ويش هل الجمال

الام : فكري و بنرد عليهم عقب فلافة ايام

زينب : انزين

من طلعت الام برا ,و على طوول قامت زنبوو اتصلت الى محمد

محمد : الوو

زينب : لويش ما قلت ليي ان امك بتجي

محمد : مفاجأه

زينب :

و قعدوا يسولفوون << صدق ثنائي مصرقع

جا علي و وياه ندى

سمع علي صووت زينب تضحك فووول و تتكلم وي واحد يعني الكلام الي تقوله الى صبي

و قعد يتصوخ

ندى : علي ويش صاير ؟ لويش تتصوخ

علي : زنبووو بطلي الباب

زينب : محمد ,, باي

وقطعته

زينب : نعم ؟

و يقوم علي ويسطرها هداك السطار

علي : تتكلمين وي من ها,, حمودي هذا من يطلع

زينب :

ندى :

علي : اتحجى وياش انتين ,, هذا من

زينب : ما لك حق تضربني و تهيني قدام هذي

علي : هذي مرة اخوش وبنت خالتش مو غريبه لا تغيرين الموضوع هذا من لا اقتلش

زينب : ما ادري يلا روح ول

و توها بتدخل الحجره يقوم علي يستحمق و ياخدها و يطيح فيها ضرب

ندى : علي لا تضربها بس خلاص

علي : بتقولين من لو تبين ضرب بعد ؟

و زينب ما قدرت تتحمل الضرب هو ما ضربها واجد بس لانها واجد دليعه قامت طاحت دوره

ندى :

علي :

الام : علي ويش فيك واقف هني << ما تدري بشي كانت فوق

علي :

الام : زينب بتي قتلوها يمه ويييييييليييييييي على بتي ماااتت

قامت ندى تصبصب عليها مياهه و اوتعت

زينب :

علي : هكي اوتعت ودوها حجرتها

و شالوها و ودوها حجرتها

عقب مده

الام : انت لويش ضربتها بدل ما تبارك ليها وي على افادي تطيح فيها ضرب يا الخانس

علي : ابارك ليها على قلالة ادبها ,, لو على وقاحتها

الام : ويش صاير

علي : بتش ,, سمعتها تتحجى وي صبي و يوم قلت ليها تتكلمين وي من قامت سوت روحها طايحه دوره

الام : بتي زينب تتحجى وي صبي ,,, صاااااااقعه غمرتني

علي : هذي التربيه السنعه

الام : هي هاكي متقدم ليها صبي ويش ليها تحاجي صبي فاني من حاله

علي : من متقدم ليها ؟

الام : هاكو ابوك قول له يعلمك

الابو : ويش صاير

قالوا له السالفه

الابو :

علي : خوش تربيه

الابو : و انت مقتنع من الكلام الي تقوله

علي : اذا مو مصدقني روح سحب من عندها جلام و بتعترف

راح الابو وي زنبوو و زينب مسكينه تصيح

دخل وياها و قعد

الابو : صدق الي سمعته

زينب :

الابو : من اليوم ورايح ما في تلفون ... ولا طلعه من البيت ..فاهمه

زينب : ابويي اهييء اهييييييء

الابو : كل هذا يطلع منش يا زنوووب ما هقيتها منش

زينب : بس بس اهييييييييء

الابو : جيبي التلفون

زينب : عاد ابويي خله عندي

الابو : ما في عقب الي سمعته ما في ولا شي

زينب :

*********************************************

تابعونا في الحلقه القادمه


---------------------------------
ديوان الثقافة
PMEmail PosterUsers Website Top
كرانية والنعم
حرر في 12-04-2006, 08:14 مساءً Quote Post


مشرفة سوالف الدالية
*********

المجموعة: مشرفون
المشاركات: 6594
رقم العضوية: 2175
تاريخ التسجيل: 6-04-05



وسام: «من سيربح المليون؟»



صار بيت حجي ناصر هديك الحزه معفووس الجده تصرخ مني تبغي يحطون ليها عشا و الام والابو و علي ضايق خلقهم و ساره برا وي خطيبها رايحين يتعشون و زينب ميته من الصياح

الابو : هكي ساره ما شفتها سوت مفل الي تسويه هل النحيسه هي

علي : انا للحين ما فترت حرتي فيها كل ما ادكرها جيفه تضحك عن بدي اقتلها

الام : بس انت اسكت مو كفايه فشلتها

ندى :

الابو : انا الحين خليتها بروحها هكي ميته من الصياح ,, تلفونها عندي و قلت ليها ما في طلعه

علي : تستاهل

عقب مده قاموا حطو العشا

الجده : ما هي حاله هي ,, كل ليله اني من زمان نمت و الليله حظنا على الله

الابو : اكلي اماه هكو حطيناه

الام : باروح باشووفها جان تجي تاكل ليها شي

راحت تطقطق الباب

زينب : اهيء من اهيء ؟ <<< مي قادره حتى تنطق بجلمه من الصياح

الام : اني يا خلف عمري بطلي الباب

بطلت الباب و دموووعها اربع اربع

الام : بس لا تقتلين روحش من الصياح ,, بخلصون دموعش وتالي بتعمين

و تقوم زينب تزيد في الصياح كأن قايلين ليها صيحي

زينب : اهييييييييييء اهيييييء

الام : يوو ,, امشي يا حبيبتي اكلي

قامت الام اخدت بتها وراحت وياها الصاله

علي : مسويه روحها كلش ,, الحمل الوديع

الام : انت يلا اسكت ما تشوفها حالتها حاله

الابو : علي بس اسكت

علي: ان شاء الله

و هناك مسكينه ندى تطالع في زينب

ندى :

زينب :

الام : اكلي له

زينب :

الام : بسش من الصياح يووووو

علي : انتين ولاخير وياش كأن ماكلين حلال ابوها

زينب : انت اسكت اهييييييء

الام : علي لا تتحجى وياها فاهم

قام الابو اخد بته زينب وراح وياها الحجره

الابو : ممكن تقولين ليي السالفه كامل لان انا الحين مو فاهم شي بس اشوفش تصيحين ولا ادري على ويش

زينب : علي اهييء

الابو : ويش فيه ؟

زينب : ما خلاني حتى انطق بجلمه سيده جا وعطاني سطار و ضربني قدام ندى

الابو : لويش ضربش ؟

زينب : هو كنت اني اتكلم وي رفيقتي

الابو : اي

زينب : تالي الهي تقول ليي هاش كلمي اخويي الصغير حمودي

الابو : انزين

زينب : اخوها صغير عمره 3 سنوات وقعدت ادلعه حمودي حمودي ,, و هو حليو يعني قعدت اضحك على كلامه

الابو : بس ؟

زينب : اي ,, ما شفته الا جاي و ضاربني

الابو : يعني الغلط من علي جا منا والطريق و ضربش

زينب: اي

الابو : الحين اراويش فيه , شككني في بتي الحليوه المؤدبه و فوق هذا ضربش ,,, الحين بشوف

طلع الابو و هو مستحرق على علي ولده

الابو : علي

علي : ها ابويي

الابو : جيفه تفتري على اختك جدي و تضربها

علي : انا افتريت عليها

الابو : تدري انها ما كانت تكلم صبي على قولتك

علي : ها عجل تكلم عمتي

الابو :

علي: و حمودي و الكلام الي تتكلمه الى صبي مو الى بنيه

الابو : اي كانت تكلم اخو رفيقتها الصغير اسمه احمد و تدلعه حمودي

علي :

الابو : لكن لو انت تفكر قبل لا تتهور و تسوي شي جان ما صار هذا كله من اساس

علي : انا ويش دراني ابويي من سمعتها تقول حمودي راح بالي الى شي فاني

الابو : ويش تبغاني اسويي فيك ؟ ها ؟

علي :

الابو : روح استسمح منها الحين

علي : ان شاء الله ,, ما يصير خاطرك الا طيب

راح علي حجرة زينب

علي : زينب

زينب :

علي : سامحيني حبيبتي اختي ,, و حقش فوق راسي

زينب :

علي : هاش هذي خمسه دينار .. لان ضربتش

زينب :

علي : اخديها لا

زينب : جيبها

علي : سامحتيي ؟

زينب : تقريبا مو اكيد

جا الابو و اعتذر بعد الى زينب على انه شك فيها

الابو : سامحيني يا بتي ,, وهذا تلفونش

زينب : مسموح ابويي

الابو : قومي باروح وياش السوق

زينب : انزين

مريم : اني بعد ,, عجل باصيح اني بعد وباطيح دوره و عاملوني مفل ما تعامولنها

الابو : انزين ويش قلنا ’’ امشي انتين بعد

قاموا راحو السوق و استانسوا

و محمد هناك قاعد على اعصابه ما يدري ويش السالفه

قام اتصل ليها و هي في السياره

زينب :

الابو : هذا من ؟

زينب : ها ,, هذي رفيقتي مسكينه الي كنت اتكلم وي اخوها الصغير

الابو : اها ,, مسكينه ردي عليها

زينب : هي واجد تهدر و اني الحين باوصل السوق و لا ابغي امشي في الطريق واني اتكلم

الابو :

زينب : بقطعه

و قطعته

محمد : اكيد كان اخوها او ابوها صوبها

رجعوا الابو و مريم وزينب البيت

يوم فاني

الام : زينب ,, الحين على سالفة الصبي انتين موافقه لو لا ؟

زينب :

مريم : اي صبي ؟

الام : تعرفين محمد الي ويانا في السفر

مريم : اي ولد ام محمد اعرفه

الام : متقدم الى زينب

مريم :

الام : ويش فيش

مريم : محمد بيخطب زينب

الام : اي

زينب : ويش مو تارس عيونش ؟

الام :

مريم : لا بس يعني ,, استغربت شوي

زينب :

مريم : و انتين موافقه

زينب:

الام : سأل عنه ابوش قالوا عنه خوش صبي ,, و بعد هو معروف في الديره

زينب : اي

الام : ويش الحين موافقه لو لا ,, على ما تطلع الجلمه طلعت روحنا

زينب : موافقه

الام : افضل الصلاة و السلام عليك يا حبيــــــــــــب الله محمد و أل محمد كلللللللللوووووووووووووووشششش

مريم : عرست زنبوووو عرست

زينب : للحين ما صار شي

مريم : وجهش صار احمر

زينب : اوووووه

الام : حناش عجين زنووووب حناش عجين ,, واذا زفووش غلى رجلش لا تستحين

زينب :

مريم : ايوه ايوه

ساره : ويش صاير

الام : اختش بتنخطب

ساره : حلفوا زينب بتنخطب

الام : اي بتنخطب على ولد اخو رجلش ,, يعني رجلش يصير عمه

ساره : بعد

مريم : و اسمه محمد بعد

ساره : بعد

الام : biggrin.gif

aصار بيت حجي ناصر هديك الحزه معفووس الجده تصرخ مني تبغي يحطون ليها عشا و الام والابو و علي ضايق خلقهم و ساره برا وي خطيبها رايحين يتعشون و زينب ميته من الصياح

الابو : هكي ساره ما شفتها سوت مفل الي تسويه هل النحيسه هي

علي : انا للحين ما فترت حرتي فيها كل ما ادكرها جيفه تضحك عن بدي اقتلها

الام : بس انت اسكت مو كفايه فشلتها

ندى :

الابو : انا الحين خليتها بروحها هكي ميته من الصياح ,, تلفونها عندي و قلت ليها ما في طلعه

علي : تستاهل

عقب مده قاموا حطو العشا

الجده : ما هي حاله هي ,, كل ليله اني من زمان نمت و الليله حظنا على الله

الابو : اكلي اماه هكو حطيناه

الام : باروح باشووفها جان تجي تاكل ليها شي

راحت تطقطق الباب

زينب : اهيء من اهيء ؟ <<< مي قادره حتى تنطق بجلمه من الصياح

الام : اني يا خلف عمري بطلي الباب

بطلت الباب و دموووعها اربع اربع

الام : بس لا تقتلين روحش من الصياح ,, بخلصون دموعش وتالي بتعمين

و تقوم زينب تزيد في الصياح كأن قايلين ليها صيحي

زينب : اهييييييييييء اهيييييء

الام : يوو ,, امشي يا حبيبتي اكلي

قامت الام اخدت بتها وراحت وياها الصاله

علي : مسويه روحها كلش ,, الحمل الوديع

الام : انت يلا اسكت ما تشوفها حالتها حاله

الابو : علي بس اسكت

علي: ان شاء الله

و هناك مسكينه ندى تطالع في زينب

ندى :

زينب :

الام : اكلي له

زينب :

الام : بسش من الصياح يووووو

علي : انتين ولاخير وياش كأن ماكلين حلال ابوها

زينب : انت اسكت اهييييييء

الام : علي لا تتحجى وياها فاهم

قام الابو اخد بته زينب وراح وياها الحجره

الابو : ممكن تقولين ليي السالفه كامل لان انا الحين مو فاهم شي بس اشوفش تصيحين ولا ادري على ويش

زينب : علي اهييء

الابو : ويش فيه ؟

زينب : ما خلاني حتى انطق بجلمه سيده جا وعطاني سطار و ضربني قدام ندى

الابو : لويش ضربش ؟

زينب : هو كنت اني اتكلم وي رفيقتي

الابو : اي

زينب : تالي الهي تقول ليي هاش كلمي اخويي الصغير حمودي

الابو : انزين

زينب : اخوها صغير عمره 3 سنوات وقعدت ادلعه حمودي حمودي ,, و هو حليو يعني قعدت اضحك على كلامه

الابو : بس ؟

زينب : اي ,, ما شفته الا جاي و ضاربني

الابو : يعني الغلط من علي جا منا والطريق و ضربش

زينب: اي

الابو : الحين اراويش فيه , شككني في بتي الحليوه المؤدبه و فوق هذا ضربش ,,, الحين بشوف

طلع الابو و هو مستحرق على علي ولده

الابو : علي

علي : ها ابويي

الابو : جيفه تفتري على اختك جدي و تضربها

علي : انا افتريت عليها

الابو : تدري انها ما كانت تكلم صبي على قولتك

علي : ها عجل تكلم عمتي

الابو :

علي: و حمودي و الكلام الي تتكلمه الى صبي مو الى بنيه

الابو : اي كانت تكلم اخو رفيقتها الصغير اسمه احمد و تدلعه حمودي

علي :

الابو : لكن لو انت تفكر قبل لا تتهور و تسوي شي جان ما صار هذا كله من اساس

علي : انا ويش دراني ابويي من سمعتها تقول حمودي راح بالي الى شي فاني

الابو : ويش تبغاني اسويي فيك ؟ ها ؟

علي :

الابو : روح استسمح منها الحين

علي : ان شاء الله ,, ما يصير خاطرك الا طيب

راح علي حجرة زينب

علي : زينب

زينب :

علي : سامحيني حبيبتي اختي ,, و حقش فوق راسي

زينب :

علي : هاش هذي خمسه دينار .. لان ضربتش

زينب :

علي : اخديها لا

زينب : جيبها

علي : سامحتيي ؟

زينب : تقريبا مو اكيد

جا الابو و اعتذر بعد الى زينب على انه شك فيها

الابو : سامحيني يا بتي ,, وهذا تلفونش

زينب : مسموح ابويي

الابو : قومي باروح وياش السوق

زينب : انزين

مريم : اني بعد ,, عجل باصيح اني بعد وباطيح دوره و عاملوني مفل ما تعامولنها

الابو : انزين ويش قلنا ’’ امشي انتين بعد

قاموا راحو السوق و استانسوا

و محمد هناك قاعد على اعصابه ما يدري ويش السالفه

قام اتصل ليها و هي في السياره

زينب :

الابو : هذا من ؟

زينب : ها ,, هذي رفيقتي مسكينه الي كنت اتكلم وي اخوها الصغير

الابو : اها ,, مسكينه ردي عليها

زينب : هي واجد تهدر و اني الحين باوصل السوق و لا ابغي امشي في الطريق واني اتكلم

الابو :

زينب : بقطعه

و قطعته

محمد : اكيد كان اخوها او ابوها صوبها

رجعوا الابو و مريم وزينب البيت

يوم فاني

الام : زينب ,, الحين على سالفة الصبي انتين موافقه لو لا ؟

زينب :

مريم : اي صبي ؟

الام : تعرفين محمد الي ويانا في السفر

مريم : اي ولد ام محمد اعرفه

الام : متقدم الى زينب

مريم :

الام : ويش فيش

مريم : محمد بيخطب زينب

الام : اي

زينب : ويش مو تارس عيونش ؟

الام :

مريم : لا بس يعني ,, استغربت شوي

زينب :

مريم : و انتين موافقه

زينب:

الام : سأل عنه ابوش قالوا عنه خوش صبي ,, و بعد هو معروف في الديره

زينب : اي

الام : ويش الحين موافقه لو لا ,, على ما تطلع الجلمه طلعت روحنا

زينب : موافقه

الام : افضل الصلاة و السلام عليك يا حبيــــــــــــب الله محمد و أل محمد كلللللللللوووووووووووووووشششش

مريم : عرست زنبوووو عرست

زينب : للحين ما صار شي

مريم : وجهش صار احمر

زينب : اوووووه

الام : حناش عجين زنووووب حناش عجين ,, واذا زفووش غلى رجلش لا تستحين

زينب :

مريم : ايوه ايوه

ساره : ويش صاير

الام : اختش بتنخطب

ساره : حلفوا زينب بتنخطب

الام : اي بتنخطب على ولد اخو رجلش ,, يعني رجلش يصير عمه

ساره : بعد

مريم : و اسمه محمد بعد

ساره : بعد

الام :

************************************

PMEmail PosterUsers Website Top
كرانية والنعم
حرر في 12-04-2006, 08:16 مساءً Quote Post


مشرفة سوالف الدالية
*********

المجموعة: مشرفون
المشاركات: 6594
رقم العضوية: 2175
تاريخ التسجيل: 6-04-05



وسام: «من سيربح المليون؟»






****************************************

اتصلت ام محمد عشان تشوووف رد زينب

ام محمد : شحوالكم

الام : حياش الله شحوالش

ام محمد : حياش الله , ها بشري ؟

الام : ان شاء الله موافقه

ام محمد : حصل خير

الام : تعالو الليله ,, وان شاء الله نحدد موعد الملجه

ام محمد : عقب الصلاه جايينكم

الام : انزين

ام محمد : يلا مع السلامه

الام : الله يسلمش

راحت الام تقول الى زينب

الام : زينب تعالي

زينب : نعم

الام : هكي ام المعرس متصله وقلت ليها تجي الليله هي و المعرس وابوه زين ؟

زينب : زين

الابو : بجون الليله ؟

الام : ايي مو تطلع عقب الصلاه لان بجي هو و ابوه هني

الابو : ان شاء الله

و زينب هي مستانسه و هي خايفه

راحت حجرتها وبطلت كبتها

زينب : ويش البس هذا لووو هذا ؟ امممممم

ساره : ويش عندش ؟

زينب : ساره اي احسن البس هذا او هذا ؟

مريم : اني بقول لش اي هو احسن ,, البسي الوردي

ساره : اي الوردي احلى

زينب : انزين ,, ساره سشوري ليي شعري

مريم : هي انتين مجنونه هذي مو ملجه هذا معااااادل

زينب : انتين روحي ويش فمهش

ساره : ويش فيها اذا سشورته

مريم : تسشوره الى من يا حظي ما بشوفها احد

ساره : اي بس بتشوفها ام المعرس له ,, واذا طلع شعرها يعني هههه يطلع ناعم و مرتب ما يطلع معفس

مريم : ويييي دلاعه

زينب : من فضلش انتين اطلعي من هني

مريم : بطلع بدون ما تقولين

زينب: يا فاك فك

و قامت زينب تحاتي و تجهز من عصر

انزين مريم قاعده تاكل جبس وعسكريم

زينب : اذا اكلتين هذا لا تفلتينه هني افلتيه في الخمام زين

مريم : لويش كل هل الاهتمام

زينب : احم احرص على نظافة بيتنا

مريم : لا والله تونا سامعين هل الخبر

زينب : مريموووو ما ليي خلق ها ,, اني مشغوووله

مريم : يمه بتنخطب وبتغربلنا

زينب : وييييي مشكل عاد

الجده : هذا ويش هل الريحه

الام : هه هذي ريحة البخور

الجده : مره ريحته قويه تدخل في حلقي ,, شيلوه من هنه

زينب : اماه انتين ويش عليش منها ,, خلي البيت يتبخر عدل

الجده : شيلووه دخل في بوزي اح اح

وقعدت تساااعل

زينب : والله حاله

ساره : بس خلاص شيلوه لصقت الريحه في البيت

بعدين اذن الاذان و زينب بسرعه صلت هل الصلاة العميه

زينب : اماه يلا

الام : ويش؟ ما لحقنا حتى نصلي صلاتنا

زينب : الحين بجون الاوادم له

الام : مو الحين ههههههه صبري الناس يصلوون حالهم حالنا

زينب : انزين

بعدين عقب ساعه طق الجرس

الابو : تفضلو ,, حيا الله من جانا

ابو محمد : الله يحيك

دخل محمد و زينب تطل من حجرتها

شافت محمد

زينب :محمد

ساره : زينب هكم جو

زينب : ادخل المجلس ؟

ساره : لا الحجره,, هناك ام محمد و خالته و فاطمه اخته

زينب : ايي

ساره : بس مو الحين تدخلين بعدين عقب شوي

زينب : انزين

قعدوا النسوان يسولفوون في سوالف مني و مناك تعرفون يعني مو ينطون سيده في الموضوع

و الجده مقعده وياهم و كلحين ما قالت (( ها ))


الخاله : وينهي العرووس بنشوفها

الام : ههههههه الحين بقول ليها

راحت الام الى زينب و هي هناك في حجرتها

الام : يلا زنووب امشي دخلي

زينب : انزين

الام : عدلي شعرش

زينب: هكو عدل له

الام : اي افصخي الشال لويش تلبسينه

زينب : استحي

الام : يلا بلا دلاعه افصخيه

دخلت زينب والام وياها

زينب : السلام

ردوا عليها : عليكم السلام

الجده تطالع في زينب

الجده : هذا حاط لش ديرم ؟ << ديرم يعني حمره

زينب :

ام محمد : ايه ,, ويش طلباتكم آمرو

الجده : احنا ما نبى شي ,, الرجال بأدبه مو بيزاته يمه

الام : احنا ما نبغي يعني نتشرط ,, و لا نبغي واجد ,, الف و 200 بس

ام محمد : اي,, محمد مستعد يدفع

الجده : اكيد مستعد يدفع ,, عجل جاي لويش ,, المفرووض ليي بيسات على كسار ايدي يعوضها ,, انتين ما تشوفين اذا واحد دعمووه و انكسر منه شي يعطوونه حقوق ,, اني بعد ليي حق و لا ببري دمته ليوم الموقف

الام :

زينب :

ام محمد : ايه بنعطيش ان شاء الله اذا الله احيانه

الجده : ويش قصدكم يعني اني باموت ؟

ام محمد : لا شرعنش ’’ انتين تبغين جم ؟

الام : لا تكلفون روحكم ما يحتاج

الجده بصرااااخ: ويش لا تكلف روحها ,, كسار ايدي مو بلاااااااااااااااش ؟

ام محمد : تبغين جم ؟

الجده : جان تعطوني 200 دينار

و تضرب ام علي نغزه الى ساره انها تطلع الجده

ساره : جدتي يبغونش في التلفون

الجده : من يبغاني ؟

ساره : عمي خليل

الجده : وي على عمري باقوم اشوف ويش يمبى

طلعت الجده وي ساره

الجده : وينهو التيلفون ؟

ساره : تعالي جدتي شوي

الجده : وين ؟

راحت ساره وي الجده حجره فانيه وقعدت وياها جان لا تفشلهم يا ها الربع

بعدين اتفقوا على كل شي

ام محمد : ان شاء الله الملجه ليلة الجمعه

الام : ان شاء الله

و هناك الرجال بعد اتفقوا و صار لازم الحين كلهم يطلعووون خخخخخخ

توهم بيطلعون الاوادم

الجده : تعالوووو

ام محمد : خير ؟

الجده : هاكم هل الگسام ,, بركه من المولد مفضل عندي

ام محمد : الله يغنيش

الجده : اي ’’ انتين بعد نبى نقول لش الله يغنيش ,, جان تعطوني بيسات كسار ايدي

ام محمد : ان شاء الله ما يصير خاطرش الا طيب

الجده : الحمد لله على كل حال ,, اني خاطري كل طيب

ام محمد : يلا مع السلامه

الجده : الله يسلمش من الشر

و اخيرا طلعو

زينب : انتين ويش في حبايبش ؟

الجده : حبايبي يمه ,, هداني اباكم تدفنوني صوب حبايبي

زينب : مخرفه ما عليش شره

الام : زينب عيب

زينب : اي عيب انتين , فشلتنا قدام الناس

الام يصوت خفيف : ما تفهم

الجده : اني ما افهم ,, لكن الشره مو عليش الشره عليي الي قاعده في بيتش ,, والي فيه خير يقول ليي تعالي ويانا جان انعل جنيزه ,, باروح بيت خليل ولدي ,, هناك كل من يحبني و يعزني ,, مرته و جهاله ما احد قال ليي ما افهم ,, بس انتون تزمرون عليي ,,, يلا

الام : عمتي ,, انتين مو من جم يوم تقولين مرة خليل كل تزمر عليش له

الجده : ها ؟ لا ما زمرت عليي ,, وحتى لو تزمرت لان فالصه ولدها فلصه و صارت زرقه و مسكينه استحمقت عليي و تزمرت ,, يعني ما تزمرت قالت مو عدله عليش يا عمتي تفلصين جاهل

ساره :

الام :

زينب : انتين مخلوقه من ويش امبى اعرف

الجده : مخلوقه من طين ,, ما شفتين ابليس ما سجد الى ادم لان ادم من طين و هو من نار ,, طاح حظه يقول انا من ناااااار اسجد الى واحد من طين ,, قلاعه الي من طين احسن منه

زينب : اففففف

ساره : بس خلااص ,, الحين الملجه ليلة الجمعه

الجده : لاني حاضره ملجتها ولا ملجة الي كسر ايدي

زينب : صدق ,, وا فرحتاااااااه

****************************************
PMEmail PosterUsers Website Top
حسوني
حرر في 12-04-2006, 11:28 مساءً Quote Post


عضو مُـجـِد
******

المجموعة: رابطة الرّياضيين
المشاركات: 877
رقم العضوية: 214
تاريخ التسجيل: 7-09-03



وسام: «المركز الرابع»



tongue.gif tongue.gif tongue.gif tongue.gif tongue.gif كمليها

متى بتخلص
دار راسي وانا اقرا tongue.gif


---------------------------------
ديوان الثقافة
PMEmail Poster Top
كرانية والنعم
حرر في 13-04-2006, 09:13 صباحاً Quote Post


مشرفة سوالف الدالية
*********

المجموعة: مشرفون
المشاركات: 6594
رقم العضوية: 2175
تاريخ التسجيل: 6-04-05



وسام: «من سيربح المليون؟»



عقب ما طلعوا الاوادم ,, قعدوا بيت حجي ناصر يصفقون ويغنون

الام : هذا المبارك بينهم لا فرق الله بينهم ,, كللللللللللللوووووووووش

ساره : مباركين عرس الاثنين ليلة ربيع ليلة قمرا

مريم : عرست زنبو باركو اليها ,, عرست زنبو باركو اليها ,,

زينب :

الام : الحين ليلة الجمعه الملجه له

ساره : اييي

الام : روحي يا مريم جيبي ورقه وقلم خل نكتب اسامي المعازيم

مريم : انزين

قعدت الام تكتب المعاااااازيم و المعارف كلهم

ساره : كتبتين بيت زليخه ؟

الام : ده نسيت زين ذكرتيني

زينب: اماه ,, كتبي بيت رفيقتي ابرار

الام : اي كتبت ,, باجر باروح بعزم

زينب : الحين متى باجهز اغراضي باقي يومين عن الملجه

ساره : ايي بنروح باجر من الصبح

زينب : انزين

جت يوم فاني الصبح و راحوا السوووق و اتأجرت فستان كشخه لونه احمر للملجه و مشمر احمر مطرز من فوقه لتحته ويييييش حلاوته ,,, و تأجرت وياه قبقب الي يحطونه فوق راس العرووس من ذهب

بعدين راحو الصالون عشان تحجز الى ليلة الملجه

ساره : خلاص خلصنا ؟

زينب : اي

رجعوا البيت العصر الساعه اربع و هم طالعين من 10

و جوا محملين بأغراااض و اجيااااس

الام : باااشووف هل الخيرات

مريم : اني بعد باشوووف

زينب : يا علي تعبانه ,, هاكم شوفوا اني باروح الحجره برتاح

الام : حلاااوة هل المشمر مره حليو

ساره : اي هذا حق ليلة الملجه

مريم : الاااااااااااي حليو القبقب بلبسه

ساره : خليييه لا تشوفش زينب تضربش


راحت زينب فوق حجرتها و توها داخله

زينب : اووووووووه صحي نسيت سفرة العجم من وين اجيبها الحين

ردت طلعت زينب ,,

زينب : سااااره

ساره : ويش صاير ؟

زينب : سفرة العجم نسيناها

ساره : لا ما عليه ,, اني عندي وحده مالت ملجتي له

زينب : اشووه ريحتيني

توها بتدووور بترجع الحجره و تشوووف مريم لابسه القبقب و شاگه البوز من الفرحه

زينب : مريم شفتش ,, حطيه مكانه الحين

مريم : انزين صايره مغرووره على حساب بتنخطب

الام و ساره : هههههههههههههههه

زينب : كيفي

ساره : امشي شيليهم وياش مره وحده

الجده : هذا وي ؟

زينب: بل هي من وين جت

الجده : جايه من التسموووع ,, حتى التسمووع ما تبونا نروح

الام : لا مو قصدها جدي

الجده: هذا مشمر من هل الحليو ؟ مفل مالي يوم عرسي ,, هديك اليوم كان عمري 14

الام : ايي ههههههههه ,, هل المشمر مال زينب

الجده : ايه مره حليو ,, بس ما تستاهله

زينب : سكتي انتين عجوز النار

الجده : علايل علتش ,, وينهي مريم اهو بعطيها الگسام باحرش

الام : ويش صايرعمتي لويش عاد

الجده : عجل تزمر عليي و ما تسويي فيي سوايه و تبيني احبها مفلات ما احب ساره و مريم

الام : بس خلاص صلوا على النبي

الجده : اللهم صلي وسلم على محمد وآل محمد ,, الا بس هي يعني تقهرني

زينب : اني ما ليي خلقش ,, باروح انام احسن ليي

الجده: نومه بلا قعده

ساره : يو جدتي لش كل هل الدعاوي

الجده : سليمه تصفعكم كلكم ,, هداني باروح حجرتي و خلكم تستانسون

المهم

زينب دخلت الحجره ووقعدت و الا محمد متصل ليها

زينب : الوووو

محمد : هلاا زنووووب

زينب : هلا فيك شخبارك

محمد : انا زين لا ,, صار ليي يومين ما تكلمت وياش

زينب : اني بعد اشتقت لك و الى سوالفك و الى صووووووتك

محمد : يا عمري ,,

زينب :

محمد :

زينب : امس شفتك ,, انيق

محمد : حلفي

زينب : والله ,, كنسلت على القمر

محمد : لهدرجه

زينب : اي

محمد : باقي ليلتين و نملج

زينب : اي

محمد : صحي للحين صورتي عندش؟

زينب : اي ,و من اتملل اطالع فيها و يروح الملل

محمد :

زينب : هداني اسمع صوتك واشوووف حلاوتك في الصوره

محمد : صدق ,, خساره ما عندي صوره حقش

زينب : ليلة الملجه بعطيك صوره حقي

محمد : انزين ,, باحطها في فريم و بحطها صوبي

زينب : اني حاطتنها في بوكي

محمد : ,, يلا زنووب انا بقووم

زينب : وين ؟

محمد : اخواني مبلوشيني قالوا ليي اذا بتخطب لازم تودينا محل العاااب ,, لان انا وعدتهم اذا بخطب اوديهم

زينب : اها ,, اي الرجال عند كلمته ,, يلا روح ودهم

محمد : مع السلامه

زينب : الله يسلمك ,, تحمل بروحك

محمد : ان شاء الله

و سكروا التلفوون

عقب شوي ما شافت زينب الا مريم جايه ليها تركض

حتى الباب ما طقطقته

زينب : وي .. و ويعه ويش فيش مصرقعه جدي ؟

مريم : توني شايفه محمد يمشي في السياره وياه فاطمه و حسين و ايمان

زينب : انزين

مريم : و شافووني رايحه اشتري و سلموا عليي ,, ها و تالي قالوا ليي تبين تجين ويانا محل الالعاب

زينب : تالي

مريم : قلت ليهم اي ,, قال ليي محمد اركبي ويانا ,, قلت ليه لحضه بسأل امي و بقول الى ابويي عشان يعطيني بيزات

زينب : كملي

مريم : والحين امي وافقت و ابويي عطاني بيزات

زينب : صدق مجنونه ,, روحي يحارسونش له

مريم : ادري يلا باااااااي

راحت زينب على طول صوب الباب عشان تطل تشووف محمد

الام : زينب وين بتروحين ؟

زينب : ها ما بروح مكان

الام : ..

زينب :

الام : بس اختش مريم بتروح لانها جاهله

زينب : ادري اني ما ابغي ارووح

الام : ادري عنش ,, تبغين تشوفين الـــ.....

استحت زينب على حدها و رجعت حجرتها و متفشله

المهم ركبت مريم وياهم

ايمان : الاااااااااي مريم بتجي ويانا

محمد : شحوالش مريم

مريم : زينه

حسين : انتين لويش جايه ويانا ؟


ايمان : احنا قايلين ليها

و قعدوا الجهال ورى يهدرون واااااااااااجد و لاهم راضيين يسكتون ,, وجان زين حجيهم فيه فايده الا كل هرار

مريم : ايمان ,, تدرين انا احنا بنصير نسبه

ايمان : ههههههههههه اي

و قعدوا يطالعون في محمد وهم يضحكوون ,, صدق جهال

محمد : ويش صاير

ايمان : ما في شي

مريم : ايمان ,, تدرين انا اني باصير بت عمش

ايمان : اييييي صدق

محمد : من وين جبتين هل الشلخه مريم

مريم : صدق محمد اذا عرست على زينب بتصير انت ولد عمي

محمد : لا مريم مي سهله ,, طلعت تفلت صواريخ بعد

فاطمه :

ايمان : لا والله .. مريم ما عندها صواريخ ولا تفاگه

مريم : تالي بانادي عليش في المدرسه :: يا بت عمي ::

ايمان: اني بعد باقول ليهم هي بت عمي

محمد : هي انتون مجانين ؟ بس انا اقول الى زينب بت عمي

فاطمه : ويش عليك منهم ,, لو تشرح ليهم ما بيفهموون

تالي مروو على ماگدونالز

محمد : تبون اسكريم ؟

ايمان : اي ابغي فلافه

محمد : .. في الرجعه بنشتري

فاطمه : لويش ؟ عقب ما شفيتهم

محمد : عشان نشتري الى زينب wub.gif

ايمان و مريم : laugh.gif

بعدين راحوا الجهال يلعبووون و استانسوا هناك في مكان اللعووب

و في الرجعه

ايمان : محمد اشتر لينا اسكريم انت قلت في الرجعه

محمد : ادري,, تبغين على ويش . ؟

ايمان : امم ابغي على كاكو

مريم : اني بعد

محمد : وانت حسين على ويش

حسين : انا ابغي مفلك

ايمان : اما حسين قليد كل يقلد على محمد

مريم : ايي

فاطمه : اني ابغي عادي على فانيلا

محمد : زين

قام محمد اشتى ليهم من ماگدونالز العسكريم الحلوو

و اشترى واحد الى زينب

و راحوا بيوصلون مريم

محمد : هاش الاسكريم اعطيه زينب

مريم : باخده

محمد : فدمتش

مريم : زين زين ,, اني اخاف اذا واحد يقول ليي في دمتش

محمد : في دمتش في دمتش اذا ماعطيتينه اياه

مريم :

فاطمه :

دخلت مريم البيت

الام : استانستين هناك ؟

مريم : ايي واشترى لينا اسكريم

الام : اكليه له لا يذووب

مريم : هذا مو ليي الى زينب

الام : مشترينه ليها

مريم : اييي

زينب : ويش صاير

مريم : هذا من عند محمد ,, اخديه

زينب :

الام : اكليه مشترنه لش

راحت زينب حجرتها و هي مستحيه هههه

مر اليوم بالنسبه الى محمد و زينب و اخيرا بتجي ليلة الملجه

مريم : امــــــاه ,, هاكو ابو محمد يطق الجرس

الام : قولي الى ابووش ,, اكيد جايبين القدعات

راح الابو و علي يدخلون كوارتين كوارتين من الفواكه و المكسراات و الكيك و و و .....

مريم : اكل واجد

الام : هذا للقدووع مو للعبه

مريم : اني بارووح اكل

زينب : اماااااااه تعالي شوفي

الام : ويش

زينب : المشمر احطه جده لو جده << و زينب معدله و مكيجه توها راجعه من الصالون

الام : جده احسن ,, بس مو من الحين تلبسينه ,, هو الشيخ للحين ما جا يا بتي

زينب : ادري بس اجربه

الام : حلاوة بتي هل القمر

زينب :

علي : اماه ,, وين ساره ؟

الام : رايحه تجيب سفرة العجم


ساره : هكو جبت كل ما يلزم الى سفرة العجم ,,

مريم : باشوف

زينب : مو الحين

الام : جيبي باجهزها

بعدين راحوا يبخروون البيت و يعطروونه ويجهزوون و البيت صاير فوضه شوي يعني

الابو : وين زينب ؟

الام : هكي داخل ,, جو بيت المعرس ؟

الابو : هكم جو و دخلتهم المجلس

الام : من منهم جا ؟

الابو : جو بس رجال

الام : ده و النسوان ما بجون له

الابو : لا

الجده : ويش هل الحاله الدگره صايره هنه

الام : عمتي امشي قعدي

المهم دخلوا الرجال كلهم في المجلس

ساره : جا الشيخ

الابو : اي جا ,, امشوا دخلوا الحجره هكو هناك الشيخ

الام : انزين

علي : انتون ولاخير وياكم الشيخ يحارس

الخاله : شحوالكم

الام : حياش الله ,, امشي هدحنا بندخل الحجره بيملج عليها

زينب :

الام : ده ,, تصيحين ليلة ملجتش

زينب : اخاف

الام : يلا بلا هرار امشي

مريم : اني بدخل

علي : ان شفتش داخله الا اقتلش

مريم :

بعدين دخلت زينب و وياها الخاله والام و ندى و ساره

و هي تنتفض مي قادره من الخوووف

الام تساسرها : لا تصيحين لا يتخرب مكياجش

تالي قعدوا وهناك الشهود و الشيخ

الشيخ : وين البطاقات السكانيه ؟

و عطوه البطاقات السكانيه و زينب خايفه باقي وي و تصيح هههههه

و بعدين ملج الشيخ عليها

الام : كللللللللللللللللللللللللووووووووووووووووووووووووو
ووويييييييييييييييييي

الخاله :

ساره :

ندى :

زينب :

بعدين الشيخ راح المجلس عشان يعقدون على محمد

و عقد على محمد

الشيخ : بالمبارك

محمد : الله يبارك فيك شيخنا

و الرجال يسمعون الجباب و الصفاق و لا بعد يتقمزون

بعدين قعدوا الرجال يباركون الى محمد و على ما طلعوا ساعه تقريبا

ام محمد : بالمبارك يا حبيبي ,, قوم عشان تشووف العرووس في الحجره

محمد :

قام محمد عشان يروح الحجره الي فيها زينب

محمد : يا الله

ام محمد : تغطوا بيدخل المعرس

الام : حياك الله دخل

و من دخل محمد كل النسوان الي هناك قعدوا يجببون

و زينب مغطيه بالمشمر الاحمر المطرز

و محمد مو عارف ويش يسويي مرتبك

ام محمد : اقعد يا حبيبي ,, يلا شيل المشمر من عليها

و هناك النسوان كلهم

شال محمد المشمر و هو مستحي و زينب بعد مستحيه على حدها

و يوم شاله قعدوا يجييون كللللوووووووووووووووووووووووييييييييي و يصوررروونهم و يصفقوون ويتقمزوون و يغنوون ,,

زينب :

الام : اللهم صلي و سلم على محمد وآل محمد << عشان لا يحسدونهم له


ام محمد : زنووووب دللوها دللوها ,, بغت محمد عطوها عطوها

مريمو ايمان : عاااااااااااشو يا سلااااااااام

الجده : اهو صوروني وياهم

و راحت مسكينه صورت وياهم

الجده : بالمبارك الله لا يفرق بينكم ان شاء الله

ساره : ان شاء الله

و قعدت الجده تغني و النسوان يصفقون وياها

الجده : جل جلال الله ,, الله اكبري ما في جمال الخلق شرواك يا علي
مرت على التينه و التينه ما اثمرت ,, اثمر بها الرحمن كرامه لعلي

الام: صلوا على احمد اي والله ,, يا حاضرينه

مريم : اي والله

الام : نور تشعشع اي والله بأرض المدينه اي والله اي والله

و زينب و محمد يطالعون بعض بعيون وحده و مستحين

اراكم في الحلقة القادمة
smile.gif
PMEmail PosterUsers Website Top
حسوني
حرر في 13-04-2006, 10:25 صباحاً Quote Post


عضو مُـجـِد
******

المجموعة: رابطة الرّياضيين
المشاركات: 877
رقم العضوية: 214
تاريخ التسجيل: 7-09-03



وسام: «المركز الرابع»



كمليها
PMEmail Poster Top
قوت القلوب
حرر في 13-04-2006, 11:52 صباحاً Quote Post


عضو مِئَوي
****

المجموعة: الأعضاء
المشاركات: 182
رقم العضوية: 3929
تاريخ التسجيل: 19-01-06





كملييييييييييهااااااااااااااااااااااااااااااااا
كوكليي
بسررررررررررررررررررررررررررررررررررعة
فااااااااااااااااااااااااااااست
كمااان يلاا كمليها وينش؟؟!
رايحة اتباركين ليهم
PMEmail Poster Top
حسوني
حرر في 13-04-2006, 12:16 مساءً Quote Post


عضو مُـجـِد
******

المجموعة: رابطة الرّياضيين
المشاركات: 877
رقم العضوية: 214
تاريخ التسجيل: 7-09-03



وسام: «المركز الرابع»



يلا
PMEmail Poster Top
كرانية والنعم
حرر في 13-04-2006, 02:50 مساءً Quote Post


مشرفة سوالف الدالية
*********

المجموعة: مشرفون
المشاركات: 6594
رقم العضوية: 2175
تاريخ التسجيل: 6-04-05



وسام: «من سيربح المليون؟»



بعدين عقب ما صفقوا النسوان و جببوا طلعوهم برا وخلو العروسين بروحهم

ام محمد : يلا خلوهم بريحاتهم

الام : اي يلا اطلعوا برا اكلوا قدووع يلا

مريم : اني ماني طالعه

الام : اطلعي لا احوسش فلصه

مريم : ابغي اشوفهم

الام : هدنتين شايفتنهم ما شبعتين ؟

مريم : لا

ام محمد : امشي يا حبيبتي خلهم يقعدون بروحهم امشي

مريم :

بعدين كلهم طلعوا برا يصفقون على المعاريس و ياكلون القدووع

و محمد و زينب بروحهم في الحجره

عم الصمت لمدة 5 دقايق

بعدين محمد نطق بجلمه

محمد : شخبارش

زينب : زينه

محمد : دووم

و ردوا سكتوا بعد ,, مساكين ما عندهم سوالف و يستحون من بعض

مسكين محمد في موقف محرج لازم هو الي يبدي الكلام

محمد : صايره حليوه زنووب

زينب :

محمد : قمر

زينب :

محمد : ويش فيش ما تتكلمين

زينب : ويش اقوول

محمد : تستحين مني

زينب : هههههههه

بعدين صارت الاجواء عاديه يعني اشوى ,, صاروا يتكلمون شوي وي بعض

المهم بعدين قام محمد عشان يطلع له

محمد : يا الله,, يا الله

ام محمد : تعال يا حبيبي .. مش طووف

طاف محمد و طلع راح بيتهم خلاااااص

بعدين نزلت العرووس تحت الصاله و قعدوا يغنون عليها

الام : يا نسمات لو لو يا نسماته ,, رسول الله يا محلى وجناته

الخاله : كلللللللللووووووووووووووووووووووووووووووييييييييي ..

الجده : شيل الله يا ابو الحسن شيل الله ,, شمس ردت لعلي عقب الصلاه

مريم : عاشوا .. عاشوا ,, عاشوا و الله.. عاشوا

خلصت حفلة الملجه و جت الليل و كل من راح بيته بيته امه وابوه في خيشه هههههه

ساره : زنوووب مبررروووك

زينب : الله يبارك فيش عمري

ندى : متباركه زينب

زينب : الله يبارك فيش

مريم : اماااااااااااااااااااااه

الام : وييي ؟

مريم : خلصت الحلوى الحمرا ماني ماني

الام : فيه واااجد يا المقرووده

مريم : ادري بس ما في الا خضران

الام : ويش الفرق يعني .. امشي نامي بسش اكل و حلاوه

مريم :

راحوا بيت حجي ناصر يناموون ,, و زينب بعد راحت تبغي تنام

توها بتنام الا محمد متصل ليها

زينب : هاي

محمد : هايات

زينب :

محمد : اليوم شفتش قمرررررر ,, زين ما طحت دوره من جمالش

زينب : هههههههههه لا تبالغ ,, بسم الله عليك يا عيوني

محمد : لا صدق ,, كنتين قمر ليلة تمامه

زينب : انت بعد جميل ,, صاير عسل بالبدله الي عليك

محمد : عجبتش ؟

زينب : اييي لونها حليو ,, اقول لك ذوقك حلو مثلك

محمد : شكرا من ذوقش الحلو

زينب :

محمد : ضحكتني مريم اختش اليوم

زينب : ههههه هبله

محمد : حتى اذا تصفق ربشه

زينب : ايييي

محمد : مو ياني نووم ,, انتين تبغين تنامين ؟

زينب : لا لا ,, ابغي اسولف وياك

محمد : سجلت اسمش في تلفوني تدرين بأسم ويش ؟

زينب : شنو

محمد : حبيــــــــبتي

زينب : ,, عجل اني بعد بسجله بأسم حبيبي

محمد : تذكرين يوم اتصل لش اول مره و اقول لش ابغي اتعرف ؟

زينب : ايييي ,, واني اقدر انساها

محمد : اي .. شوفي شلون الله مكتب لينا ان نلتقي و يجمعنا مع بعض يا عمري

زينب : اي ,,

محمد : زينب

زينب : نعم عمري

محمد : انا ,, امووووووووووت فيش

زينب : و اني اكثر يا زوجي و حبيبي و سندي و مالي و هلي و ناسي

محمد :

المهم قعدوا يسولفون ,, واجد مستانسين بعض و بعدين ناموا

قعدت زينب الصبح

الام : هلا بالعروووووووس هلا .. صباح الخير

زينب : صباح النوور

مريم : لويش توش قاعده

زينب : توني قاعده

مريم : قعدتين تتكلمين وياه مو ؟

زينب : اوووو يلا سكتي

الام :

عقب مده ,, جا علي و ندى

علي : هاش مريم اخدي هل الكيكه

مريم : الااااااي من وين ,, حلوه

زينب : و اني ؟

علي : في طلعتي ببامر و بشتري لش و ليها زين ؟

زينب : اي اني ليي فنتين و مريم وحده بس لان هي توها ماخده

مريم : لييييييييييييي؟ اذا انتين فنتين اني فلاف

زينب : شوفي مريم ,, ما يصير تاخدين اكفر مني

ندى : زينب ويش فيش كأنش جاهله ,, تتهاوشين على حساب كيكه

زينب : انتين من حشرش في الموضوع

ندى : لا بس يعني ما يحتاج كل هل الهواش قلنا مريم جاهله تصيرين مثلها انتين الكبيره

زينب : يعني اني جاهله ما افهم ها

ندى :

زينب : مالت عليش ,, حماره

ندى:

الام : زينب ويش تقولين ؟

ندى : تقول ليي حماره

زينب : اني قلت حماره ؟ جذااااااااابه

ندى : عجل ويش قلتين ؟

زينب : اني اقول لش على ,, هل الحمره يعني حمرتش مو عاجبتني

الام : حمرتها ويش حلاوتها لونها وردي

ندى : تجدب هي قالت ليي حماره ,, حتى هديك المره قالت ليي كلبه

زينب : يا علي ,, وزززززز طاح السقف من الشلخ ,, اني قلت كلبه لش؟

ندى : اي

زينب : جدابه ,, كنا قاعدين نتكلم عن الكلاب سندويش ,, مو هو فيه اربع قطع له يعني جمع اسميه كلاب ,, بس الوحده اسميها كلبه قلت ليها تحبين الكلبه ؟ ,, الهي تقول اني قايله ليها كلبه << كله شلخ في شلخ

ندى : من وين تطلعين هل الهرار

زينب : انتين اصلا ام هواش

علي : الحمد لله والشكر ,, وحده يوم فاني من ملجتها تتهاوش

زينب : ادب مرتك ,, هي الي بدت

ندى : علي ,, بس خلااص ماني قاعده هني

الام : يووو قعدي يا حبيبتي قعدي

ندى :
mad.gif
PMEmail PosterUsers Website Top
قاهرهم
حرر في 13-04-2006, 02:52 مساءً Quote Post


عضو منتمي
*****

المجموعة: رابطة الرّياضيين
المشاركات: 347
رقم العضوية: 3875
تاريخ التسجيل: 11-01-06





السلام عليكم ورحمة الله وبركاته،،

مشكوووووووووورة اختي بس اتقولين ما فيه الزواج


كمليهااااااااااااااااااااااااااااا


تحاتي laugh.gif


---------------------------------
ديوان الثقافة

ديوان الثقافة

ديوان الثقافة
PMEmail PosterYahoo Top
كرانية والنعم
حرر في 13-04-2006, 03:08 مساءً Quote Post


مشرفة سوالف الدالية
*********

المجموعة: مشرفون
المشاركات: 6594
رقم العضوية: 2175
تاريخ التسجيل: 6-04-05



وسام: «من سيربح المليون؟»



ولا يهمكم اباكملها laugh.gif
بس صبروا علي اشوي
علشان احمسكم اكثر
biggrin.gif
PMEmail PosterUsers Website Top
كرانية والنعم
  حرر في 14-04-2006, 08:54 صباحاً Quote Post


مشرفة سوالف الدالية
*********

المجموعة: مشرفون
المشاركات: 6594
رقم العضوية: 2175
تاريخ التسجيل: 6-04-05



وسام: «من سيربح المليون؟»



بعدين عقب ما زعلت ندى

ندى : علي ابغي ارووح بيتنا

علي : انزين ,, امشي و لاتزعلين ,, وانتين زينب هي اخر مره لشش تتعلفين ها

زينب : انتون عميااان ما شفتونها يوم تتعلف بي ,, بدل ما تدافعون عن العروووس تدافعون عن هل الـــــ....

ندى : اي كملي سبيني اكثر

زينب : والله اني مؤدبه مو مفلش اسب كل من هب و دب

علي : بـــــــــــس خلااااااااااااااااص ,, امشي ندى

راحت ندى وي علي

الام : انتين يا زينب بدل ما تصيرين ناعمه و هادئه تقومين تتهاوشين

زينب : يعني الي يدافع عن حقه يتهاوش ؟

الام : انزين ,, بس خلاااص الحين انتين عرووس ,, لا تصيحين

زينب :

مريم: الله الله يا عبد الله ,, يدلعونها بعد

زينب: اي طبعا لاني عروووسه

مريم : والله فناتك انتين ,, عرووسه وتتهاوشين .؟

زينب : اوووه يلا انطمي ,, كريهه

الام : ما قلتين ليي ,, متى بتروحون تتسوقون و تشترون اغراض الخطوبه ؟

زينب : ما ادري يمكن باجر ارووح احجز صاله و فستان و صالون

الام: ايييي

ساره : و طقم الذهب ؟

زينب : ما ادري يمكن بعد باجر

الام: اي له ,, لان ما باقي شي عن الخطوبه كلها سبووع

مريم : وا اني مره فالفه بشتري فستان بعد

الام : هل الحاله وي ,, كل مره نفنوووف

ساره : عاادي , هي ليلة عمر

زينب : ساره ,, ويش اخذ لون فستاني

ساره : مو اني الي تسأليني اسألي رجلش

زينب : اوكي عجل

مريم: بياخد لش لون ازرق غامق

زينب : وي ,, اصلا هو ذوقه كشخه

الام :

راحت زينب تتصل الى محمد

محمد : هلاا

زينب : هلا حمودي ,, شخبارك

محمد : زيــــــــــــــن ,, انتين شخبارش

زينب : دام انت زين اني زينه

محمد : دووووم

زينب : محمد

محمد : عيون محمد

زينب : ابغي لون حليو من ذوقك حق فستان الخطوبه

محمد : انا اختار ؟

زينب : اي

محمد : اخدي لون وردي

زينب : الااااااااااي ,, حليو الوردي

محمد : خلاص عجل اخديه

زينب : اكيـــــــــد باخذه مدام انت مختارنه

محمد :

زينب : اقووول

محمد : قولي حبيبتي قولي

زينب : ويش رايك باجر نروح ناخد الفستان و ... و ....و ...

محمد : اوكي ,, امرش يا حلوه

زينب : و بناخد طقم الذهب

محمد : و الدبل

زينب : اي

محمد : تعالي بسألش ,, تقول اختي ليي ليلة الحفله البسش الطقم صحي ؟

زينب : اي عجل ويش تحسب

محمد : احسب انتين تلبسينه

زينب : يا علي على الجمال و البراءه

محمد : يعني بلبسش السلسله

زينب: اي حتى التركيه تلبسني اياها

محمد : بعد .؟

زينب : اي

محمد : خخخخ ,, تالي بنشرب بعض العصير هههههههه

زينب: اي

محمد : و بنصور في الاستديو

زينب : اي ..

محمد : بعد ويش

زينب : وبنقص الكيكه

محمد : اي خخخخخخ

زينب :

بعدين قعدوا يتذكرون كل شي و يهدرون وي بعض

و الحين بقولون عن يا حسب باي

زينب : يلا باي

محمد : باي

زينب : باي

محمد : باي
زينب : ,, ما قادره اقطعه في ويهك

محمد : عجل بنحسب من ا الي 3 و افنينه بنقطعه في مره

زينب : اوكي

محمد و زينب: 1 2 3

و قطعووه في مره

زينب :

محمد :

طلعت زينب برا الصاله

و ينطق الجرس

راحت تفتحه

زينب : من ؟

ابرار : هلااااا

زينب : هلااااااا ... شخبارش

ابرار : تمام , انتين شخبارش

زينب : بخير ,, تفضلي دخلي حيااااش

ابرار : مبروووووك ,, سامحيني البارحه ما قدرت اجي لش

زينب : يا الكريهه لويش ؟

ابرار : كان راسي يعورني ما قدرت اجي

زينب : عاد حتى اتصال ما تتصلين

ابرار : بعد

الام : ابرار شحوالش

و قعدوا يسلمون على بعض

مريم : ابرار متنانه

ابرار : ويش اسويي بس آكل

مريم : بسش اكل

زينب : شوف من يحجي ,, خذ اسمك وسميني به

مريم :

زينب : هي الي تشوفينها ما تخلي شي ما تاكله ولا تمتن

ابرار : اي هي مفل اخويي

زينب : انزين مريم قومي اطلعي برا

مريم : لا والله ,, هي مي حجرتش جان اطلع

زينب : عجل ابرار قومي تعالي حجرتي احسن

مريم : هي انتين ... ابرار مي ابرارش

ابرار :

زينب : لكن رفيقتي

بعدين راحوا الحجره و قعدوا يسولفوون

ابرار : اوه اوه حتى لون الفستان خليتينه ياخده بعد

زينب : اي

ابرار : زينب انخطبت

زينب : ويش فيش

ابرار : لا يعني ماني مصدقه

زينب : الفال لش يا ربي

ابرار : ان شاء الله

زينب : ليلة الخطوبه خلش ما تجين بتشوفين ,, في صالة ...... اوكي؟

ابرار : انزين بس ليلة ويش

زينب : ليلة الجمعه

ابرار : يصير خير

و هم يسولفون و الا بتلفون زينب

زينب : محمد جايب ليي مسج

ابرار : الله الله ,, اقرأيه

زينب : هههههههه يضحك المسج شوفيه

ابرار : قوليه

زينب : على قولة الشاعر : الدنيا شمحليها ...؟ قالو وجووود زنوووب القمر فيها

ابرار : كشخه كشخه ,,

زينب : بطرش له مسج

ابرار :

قامت زينب طرشت له مسج

وصله المسج

محمد قعد يقرأه

ممكن تبتسم؟
Please
وغلاتي
فديت هالبسمه عساها ما تفارق شفاك


ممكن تغمض عيونك دقيقه؟
فديت عيونك
شفت الظلام؟
هذي حياتي بدونك!

محمد : عمري هل القمر

بعدين رد طرش ليها مسج صارت لعبه هي

وصلها المسج

و قعدت تقرأه

صدقني ما حبيت غير اربعه :

همسك ,, ضحكتك ,, قلبك ,, و حرووف اسمك

زينب : حليو المسج wub.gif

ابرار : اي فن ,, الله على الحب
wub.gif


صدق ثنائي مصرقع
tongue.gif
PMEmail PosterUsers Website Top
حسوني
حرر في 14-04-2006, 11:08 صباحاً Quote Post


عضو مُـجـِد
******

المجموعة: رابطة الرّياضيين
المشاركات: 877
رقم العضوية: 214
تاريخ التسجيل: 7-09-03



وسام: «المركز الرابع»



اقتباس
صدق ثنائي مصرقع


laugh.gif laugh.gif laugh.gif laugh.gif laugh.gif laugh.gif laugh.gif biggrin.gif smile.gif rolleyes.gif
PMEmail Poster Top
تعقيب على الموضوعالمشاركة بموضوع جديداستبيان

 

 


[المشاركات المنشورة لا تعبر بالضرورة عن رأي إدارة منتديات ديوان الثقافة]