يبو السجاد للمشرعة ارخصني
أنا الغالي وفدا المذهب ارخصني
في طف العشر أمر النحر خصني
وسرجت الملحمة ابصهوة اعنيّه

أبسعى التاج عز ما هو لفضّه
وحگ كسرة ضلع لاذت لفضه
رحم عسكر بني امية لفضه
وسيفي طلّگ اغمود الدنيّـه

أباودع يبو سكينه سكينه
أو بمشي الحتفي في هيبة وسكينه
وفي وادي گلبي حبك حل سكينه
أعيش اوياك لو نفنى سويّه

بعد ما طشّر امن الجيش جبْهَه
فضخ أجسر عمد للدين جبهه
ابچفوفه الوالي للعلگمي جه ابها
ونشده خا ضك او ما شرب ميّه

على اچفوف الحنان ايشيل لوجود
روّي غربة الوجدان ما الجود
أبد ماكو أخو ابطبعه وفا او جود
أو لو ثاني مثل عباس موجود
تگوم الساعة برض الغاضرية

برض لطفوف يوم الحشر ببْغات
يمور او يخسف الأكوان ببغاة
وَرض تبلع العسكر بَمرْ وابغات
وتحوم بعين لطفوف المنية