والدي أبغي الزواج=لا أموت اليوم حسره
شوفني چم صار عمري=والحياه من غيره گشره
جاوبه ابيه يولدي=طلبتك وشگدها خطره
الزواج اليوم چنه=اعلى الظهر يوليدي صخره
أنا عامل ونته عامل = أو هالمهمه والله مُره
والعروس اللي تودها=يمكن أمها اتكون عسره
تطلب المهر اللي يتعب =تبغي طايح ما تگدره
تبغي مسرح بالخطوبه=وغلا نوعيات حمره
هالبلايا تبغي خرده=ونته إيدك منها صفره
نعم لو إنك كويتي =لو عماني تگدر أمره
إنته بحريني أو شيعي=خاطرك الله يجبره
لو تزوجت العروسه= بالوضع يوليدي أدره
وينه بتودي الفقيره=وحنا ما عدنه إلا حجره
ما تِجي أتشوف الحكومه=حالة الشاب أو تنظره
يمتى يتعدل وضعنا=يمتى بنشوف المسره
لو تتم عزابي أحسن=بالعرس وشـ ليك أو شره

وهذا لا يعني أن يظل الشاب بدون زواج
ولكن !!!!؟؟؟؟؟