نظام امرصّع ابلصفاد=او بؤس او فرعنه او إجهاد
نسِل آدم يعيش ابنار=تلظى والفقر يزداد
بعضهم يجمع الأموال=ويخلّفها للأولاد
وبعضهم ما يلاگي القوت=او يلعن ساعة الميلاد
نظام المملكة بابه=موصد مُحكم الإيصاد
لا حرية بس حرمان=ظلم او جوع واستعباد
مساواة النظام اهرار=والقانون لاستبداد
والمحروم يبغي الموت=او لو هو مو من الزهّاد
وذا هو عالِم اتمنّى=عالَم خالي من لحقاد
مو حگ يعبد العابد=يحظى ابمأوى وشوي زاد؟
نظام المملكة عريان=والأرواح والأجساد
عشان المال اباح الدم=وكِـل للحوم والأكباد
طغاة ابهالنظام اتشوف=تحرمه حتى من لرگاد
في جوره صرنا ألعوبه=وزير او همّه الإفساد
يشبّعنا إذا جعنا=بالسوط او رنّة الأعواد
وذا ينطگ أحد يا ويل=إذلّه ذلّة الأوغاد
وخلّي سيوفه مشهورة=عليه ما ترجع الأغماد
نعيش ابخوف من باچر=اوباچر ضيم بالمرصاد
علينه هذا مو مكتوب!=هذي غلطة الأجداد!!
وِلومونه إذا ضعنا=وعلينه هجمت النقّاد
بخلّونه ابگبر واحد=بسبب ضيگة أرض لبلاد
هَي خطة الفيفتي تريد=سلامة وحدة الأفراد
او بتشوفوا الگبر يضحك=وغص ابزحمة الأضداد