الدموع الناطقة - ديوان الثقافة

الدموع الناطقة, ؟؟؟؟؟؟؟؟؟؟؟؟؟؟؟؟؟

تتبع الموضوع | أرسل لصديق | أعد هذا الموضوع للطباعة

« الموضوع السابق | الديوان الأدبي | الموضوع التالي »

فضليون

حرر في 27-07-2005, 10:03 مساءً

عضو متابع

المجموعة: الأعضاء
المشاركات: 173
رقم العضوية: 227
تاريخ التسجيل: 14-09-03

يـــلايم لا تــــلوم الگــــلب دمعــين
جــــرح البــــيه مــــا يندمل دمعين
فــــايض بـــالجفن هـــاليوم دمعين
عـــلى مــصاب النبي وظلع الزچيه
* * *
مـــــثل الـــــدوح للـــــونه نبـــــيها
تــــــناوبنه ابحـــــزن واحـنه نبيها
اشـــــلون امــــه الـذي خانت نبيها
ونقـــــضت بـــــيعته وأمر الوصيه
* * *
يتاج ابـراس أهل الحگ والاشراف
ونور الـــــباري بالهيبه والاشراف
الكعبه الهـا شرف عالي والاشراف
الــــك بــيت الـــولاده أصبحت هيه
* * *
الحسين (عليه السلام)
دليــلي امــــصوّب ومحــتار بالهام
ابــــرزية كــــربلاء مـا ركن بالهام
أخــويه حسين صابه للحجر بالهام
وطــــاح مــــن المهر فوگ الوطيه
* * *
الصــــــبر ثـــــوب وتفصّلي وحاله
على اللي ابمصرعه الباري وحاله
حــــالي اميـــــسره أمـــشي وحاله
ثـــــلث تــــيام مـرمي اعله الوطيه
* * *
العباس (عليه السلام)
انه زيــــــنب وعـگلي انشل ورايه
رحــــــت للنــــهر ومـصابي ورايه
إلـــــــي چـــــفين عـالشاطي ورايه
انـــــطوت يــم الگمر فوگ الوطيه
* * *
بسّك يـــــا دهــــــر بـــــــالحزن وآنــه
دليـــــــلي ذاب لمّـــــــن كـــــثر وآنـــه
أخـــــويه اعـــلى الثره مطروح وآنـــه
بــاچـــــــــر بــــــالحرم أمشــــي سبيه
* * *
جـــرعت من النوايب راح من راح
وانطــــحنت ظلوعي براح من راح
انشدك عــلى كفيلي الراح من راح
دمي ودمعــــي يــــتــفايض ســويه
* * *
علي الأكبر (عليه السلام)
چـــــم گــــلب ابـتله بحزني والي شاب
وحـــــرگته ابجمرة مصابي والي شاب
الـــي والــــي انگطع نحره والي شاب
الاكبــــــر واخــــــذته مــــــني المــنيه
* * *
يـــــا يـوم اخلص من الهظم يا يوم
وعلـــــــيه الــــدهر بالاهات يا يوم
حسبتـــــك للــدفن تحضرني يا يوم
مچـــــنت احـسب حساب الغاضريه
* * *
القاسم (عليه السلام)
يــــجاسم چنـــــت الي بدنياي فاتن
وسهـــــام الـــــحزن للـــگلب فاتن
فاتــــــني ليـــــــــالي البــيض فاتن
وطــــــفوا شمـــعاتك الچانت زهيه
* * *
الگدر كل ساعه الي صوره يجاسم
وسيف مـــصابك لگــــــلبي يجاسم
اخــــــذ ويــــــــاك دلالي يـــــجاسم
عنــــــــك يشــــگف ســـهام المنيه
* * *
الإمام السجاد (عليه السلام)
يعـــــيني جـــــودي بالمدمع يعيني
ولا ريــــــدن بـــشر بــــالهم يعيني
علــــيل وشفته برض الطف يعيني
جـــــمر عـــــــلته وغارات آل اميه
* * *
مسلم بن عقيل
الدهر غـــــرب هــــــــلالاته وهلها
ودمـــــوعي دمــــوم اذرفها وهلها
الكـــــوفه خـــــانت بـــمسلم وهلها
وغــــــريب انچــتل ما بين آل اميه
* * *
الحر الرياحي
الـــــحر للـــــعدل خط رايه ولا ظل
بحــــــر الشـــمس لا كاسر ولا ظل
اهــــــله شــالته لجــــسمه ولا ظل
الــــــماعدهم أهـــــل ظــــلوا رميه
* * *
جابر الأنصاري
كسيــــــر ومــــــحد الكسري يجابر
وتــــــــدري بـــــالقدر حكمه يجابر
عـــــــن حــسين لا تــــــنشد يجابر
هــــــذي عيــــــلته الچــــانت سبيه
* * *
المباراه
شيـــــعتي مهــــــــما شــــرِبتم عــــــذبَ مــــــاءٍ فـــــاذكروني
الـــــگدر مسرع ويايه بهظم ما أن
ومثــــــل ونّـــــات گلبي گلب ما أن
يشـــــيعه اشمـا شربتم عذب ما أن
اذكـــــــروني بمــــصاب الغاضريه
* * *
قــــــد كـــانَ عريساً ولكن بالدما عوضَ الخضاب بكربلا قد خُــضبا
شبـــــاب الحــــومتــــــه لمن بدلها
صـــب الـــرعب مــــن سيفه بدلها
انـــــعجنت حــــــنته لاچـــــن بدلها
تحـــــنه بـــــالدمه وعــرسه المنيه
* * *
لَئن قَــــصَدَ الحــــجاجُ بيــــتاً بمكةٍ وطافــــوا بــــِبَيْتٍ والذبيحُ جَريحُهُ
فانـي بواديِ الطفِّ أصبحتُ مُحْرِماً أطوفُ ببـــــيتٍ والحُـــسَينُ ذَبيحُهُ
اگـــول ابِيقضتي إو لا هجر بالطف
تكــــمل الــــناس حج البيت بالطف
وأنــــه محرم صبحت اليوم بالطف
احج كـــــعبة ذبيـــــح الــــغاضريه
* * *
وفتـــيةٌ مـــن بني عدنان ما نَظَرَتْ عينُ الغــــزالةِ أعلـــى مِنْهُمُ حَسَبا
مـــن كلِّ جسمٍ بوجهِ الأرضِ مُنْعَفِرٍ وكلُ رأسٍ بــرأسِ الرُمْحِ قَدْ نُصِبا
خطــــب عـيـن الغزاله اتگول سايد
مــــثل فـــــــتية بـــني عدنان سايد
مــــن كـــل جسم فوگ الگاع سايد
وكـــــل راس انــــرفع عالسمهريه

كله للشاعر الاديب الحسيني جابر الكاظمي

http://www.bayynat.org/www/arabic/bitakat/images/110.gif

الأخطل

حرر في 29-07-2005, 03:16 مساءً

مشرف الديوان الأدبي والديوان الاجتماعي التربوي

المجموعة: مشرفون
المشاركات: 727
رقم العضوية: 48
تاريخ التسجيل: 18-08-03

وسام: «أجمل تعليق»

السلام عليكم

كل تقديرنا للأخ فضليون على مساهمته التي نتعلم منها الكثير

فلا يخفانا الشاعر القدير والأستاذ الجليل جابر الكاظمي ..

ولقد ذكرني اسم جابر الكاظمي بأحد أصحابنا الأعزاء

أرجعه الله لنا سالماً ..

أخوك
الأخطل

ربّ يوم بكيت منه ولمـّا
صرت في غيره بكيت عليهِ

« الموضوع السابق | الديوان الأدبي | الموضوع التالي »