كأني به إلى الديوان زج روس
من امريكا ومن اسرائيل وزج روس
يظن إنه جبل طوروس زجروس
عليْ راسي وجع راسي عليّ

قسم بالفاتحة ويحلف ابــ حَ . م
بأن الفك رفاگة عمر حَميم
ألف عين انخدعنا ماهو ح . م
ولا هو خادم العترة الأبية

صفا خدّك يقبله بأيبس اشفاه
تفوّه شتم واخجل أذكر اشفاه
بس اطلب يفك من ربّك اشفاه
ولا يزور العيادة البيطرية

من أعصابه فيوزه منضرب شوط
يجي ويروح لك يسعي ألف شوط
الكورة بملعبه وما ربح أي شوط
قضية يگـفـّـل و يفتح قضية

فرات الطيب في البحرين منساب
يروي آل جيفة جونه من ساب
عليهم واجبة السبّات من ساب
في الگعدة والگومة العن أمية

مرّة يروح لك ومرّة للأخ
يسوّي الفخ وطيح ابّه وِگول أخ
مو باگي الا يأمر حضرة الأخــ
ــــــطل المشرف إثبّت هالبوذية

عليه سلّم إذا شفته ومَسْ ابـّه
وخبره إنه لو سبني ، مَسِـبّـه
ولا ريد اعرف أتلفّظ مسبّـه
عشان الناس ما تجحد عليّ

يفك اشلون توگف ليه في زوره
مع العلم إنه هو مكشوف زوره
چم مرة نصحتك روح زوره
واثبت إنـّـك امصفـّـي النيّة

يگول الفك إلى البضعة اقرئي الكف
نريد ابهالقضية الفكة والكف
بشفا حفرة وتجيني الصفعة والكف
وفي الكشافة يتزبّر عليّ

يفك هذي القضية طال سنها
وسوس العصبية نخر سنها
سوء الظن إلك أنيابه سنها
وني مثله بعد مشكوك فيّه

أقصد من يشك فيـّـي وعني به
من سوّى إلـَـيْ حفرة وعني به
ويفك لا تاكل احلايه وعنيبه
ما تسمن ولا تسد الشهية