إنت ابمنازل تستقر وانه بلبرور=وبمولدك راح انذبح يهلال عاشور

بس ما يهل اهلال يعلن للخلگ عيد=والناس تلبس من تشوفه ثوب لجديد
وآنه اتشردني بليا ذنب في البيد=واتلبّس امحرم الأسود دون لشهور

لگلوب تفرح من تشاهد طلعة هلال =واما أنا گلبي يشاهد فيك آجال
نورك بيعميني وبيخسف مني آمال=وعيدك مبارك راح تستبدلها مأجور

يهلال كلمن لاحظك ينكشف غمه=بس گلبي من شافك عليه ازداد همه
وبطلّتك تتألّب الذبحي الأمة=ابعاشر بدر بتصير وتغيّب لي بدور

لنجوم تفرح من تشوفك يمها ماثل = وآنه انجومي بالحزن عنّي تسايل
أوگع وخلّيها غريبة ابغير كافل= يظلم ضواها من تشاهد جسمي معفور

لهلال بيّن گوموا نفتح هالمآتم= من طلعته لحسين ما بيعود سالم

في كل سنة يهلال ننتظرك ابحسرة=هذا ينوح وذاك يلطم فوگ صدره
والكل يعزي بالدمع فاطمة الزهرة=بمصاب ابو السجاد واشبال الهواشم

واجب علينا للسبط ننصب منابر=ونذرف دمع لگلوب من حادي لعاشر
ونزرع مبادئ بوعلي في كل خاطر=وفضل البطل عباس والأكبر وجاسم

ليتچ يزهرة تنظرين الشيخ والشاب=من مآتم المآتم يروح ابوجد لهّاب
ماظل أحد گلبه علىالمظلوم ماذاب=حتى طفلنا ايصيح مأجورة يفاطم

ابصح او مسى نطلع مسيرات او مواكب= والدمع يم حسين فوگ الوجنة ساچب
ننعى إمامٍ في بحر من دمه غايب=ونمحي ابنعيه جور امية والمظالم

السلام عليكم ورحمة الله وبركاته

شكراً اخي الكريم على الكلمات اللغوية الدراجة الولائية.
((عظم الله اجوركم))

إنت ابمنازل تستقـر وآنـه بلبـرور = وبمولدك راح انذبح يهـلال عاشـور