أوهام=أوهام
كلها اتسير بوهام
طالع موكب الصنگل=تعرف شنهو اليحصَل
وكلها اتسير بوهام

اليوم صاير مجتمعنا أعرج التفكير أحول
وغير درب الهمجية والتعنت أبدْ ما دل
شوفه متخبّط ابدربه وتعجز اتدور له من حل
اجروحه لا تحسبها كثرى وجاي ايداويها ابصنگل

اجروحه كثيرة امتلتلة=وكل ناحية فيه معولة
واليوم جاي ابصنگله=يفتكر لجروحه مدمل

ما دام=ما دام
فكره ايسير بوهام
لا يترجّى ليه من حل=وخير ابموكب الصنگل
لنّه ايسير بوهام


مجتمعنا ما وگف مرّة معه عقله ايسايل
ليش لحسين ابو اليمة وگف ضد أعتى الجحافل
كان يبغي المجتمع تفكيره يطلع خوش عاقل
والتعقل موكبه ما يجتمع ويا الصناگل

موكب الصنگل مشكلة=مستند شرعي ما إله
وجلد الظهر بالسلسلة=حتى ما يقبله الجاهل

من گام=من گام
للموكب بلوهام
تفكيره صبح ناگص=وعن خير العزا گاحص
ومتمسك بلوهام


مجتمعنا يعتقد لابس اثياب وهو امفصّخْ
والبدع نصبت إليه في موكبه وفي غيره چم فخ
ابجهله متكفّخ وچم من جاهل ابجهله امكفّخ
بس يخويه لا اتأذّن في أذونه عمّك اصمخ

خل عنْكْ هذا المجتمع=عن هدف هالموكب طلع
وانچان واحد لك سمع=بتروح فيها وبتتشلّخ

تنلام=تنلام
بس اتگول أوهام
ما تگدر تِوعّيها=لأنها ويا راعيها
تتكلم بلوهام