رحت للسوق أتقضى بذاك الليل = سمعت أصوات تترد من الدكان

رعبني الصوت من ذولا اللي يتكلمون = قلت أطلع قبل ما تشتعل نيران

شفت يمي بدل لثياب متعلقة = عباياتٍ حزينة وتشتكي باشجان

عباية محشمة تندب وتتعذب = وعباية مخصرة تحير مدى الأذهان

قالوا لي دقعدي واسمعي منا = حكاية ومعـــضلة ماتنتهي باوزان

سمعي المشكلة يابنية وارتاحي = وخلينا انتحجى من على الميزان

طبعا" العباءة الحديثة هي أول من يبدء لإنها الجديدة

آنا أبد أنا الأحلى أنا الأرقى = حديثة مخصرة وحلوة على الأركان

شكلي ينوصف بالزين من حسني = رقيقة مطورة بأحدث شكل وألوان

لو لبستني لبنية ترى ترتاح = مو مثل القديمة تحر يا إخوان

لو لبستني لبنية ترى بتكون = مزيونة وجميلة بالحسن تزدان

لو لبستني لبنية أكيد تصير = فرحانة بشكلها مثل غصن البان

بعد شتريد لبنية لوانها تكون = من أجمل بنات اليوم والأكوان

لم تحتمل العباءة المحتشمة كلام الأخرى فقالت

دسكتي يالخبيثة وخلني أتكلم = إجى دوري وأوصف لك فتن لازمان

يا حشمة التريدها وذا شكلج = صرتي للفتن موطن مع الأحزان

آنا اللي ردت لأنظار تتهافت = على وردة صغيرة مكسرة لاغصان

آنا اللي ردت لأرقام تتناثر = من قلوب مريضة ما حواها إيمان

وهم آنا لردت لبنية تتمختر = في مشيتها التحير بالهوى الوجدان

وهم آنا لردت أمشي مع الموضة = على أحدث عباية أرتمي ثملان

وهم آنا إطلعت للشارع أدلع = على شكل العباية تجمعت شبان

وهم آناالمليت اثيابي من لعطور = وخليت الروايح تنتشر طوفان

وهم آنا ارفعت صوتي مع البايع = وخليته يرخص لي وهو فرحان

هاي إنتي يا فتنة غرب شتسوي = تخلي البنت تتمشى مع الشيطان

هاي إنتي يا فتنة غرب شتريدي = تريدين الشباب اتضيع بالعصيان

كلما حاولت أبني يفتنة غرب = تقومي تهدمي ستري مع العمران

بعد ضاع الشباب اليوم يالفتنة = وشتريدي ميكفي ضاعوا بخسران

بعد تيجي علي آنا وأنا الحشمة = آنا مطهرة ومحفوظة في القرآن

يكفيني فخر إني لباس النور = لبستني البتولة بأول الأزمان

من نور البتولة تكونت ستري = ظلمة وما يدنسها ابد انسان

ظلمة مسورة بأيات تحفظني = كتبتها البتولة من رضا الديان

آني لحافظت بنت الرسول إعلي = يوم اللي ضربها الباب من عداون

ضحت بالجنين الزاكي ما ضحت = ابها الظلمة التشوفيها علي الآن

بعد هالحين شتقولي يالبنية = إجتك الغرب والزهرآ مع الرحمان

اختاري الطريق الصح من عقلج = قدامج طريق النار والرضوان

لو كل واعية تلبس عبـاءة
انچان ابليس ما أرسل عباءة
حجاب ودفّة ما فيهم عبـاءة
وخلف چبدي العباءة الزينبية